رشيديات ( شعـر )

ايقضت بهموم فكري هجوسٍ راقدة

.

سامح الله صاحبي يوم سوّابي كذا
ليه شمّت في وليفة نفوسٍ حاقدة
.
مادرى ان العين منّه يمّسيها القذا
ومادرى ان ضلوع قلبي لهبها واقدة
.
وش يبي وش عاد يامر بعد روحي خذا
دام عقلي ماخذه من زمانٍ فاقدة
.
بري حالي كان حبه رماني ثم حذا
ضيقتي واحجاج عيني بعدها عاقدة
.
في خفوقي جاب همٍ معى هم وأذى
وايقضت بهموم فكري هجوسٍ راقدة
.
ياعذي الزين غيرك لقربي ماعذى
لا تخلّي بيننا .. هرجةٍ متناقدة

.

!سعد بن غنيم القباني

.

يقول الشاعر عبد الله المجيدل :
.

بيوت الطين لا شفته تذكرني زمانٍ دار
زمانٍ رغم ما به من قساوة ماحدٍ سبه
.
وهذا بيتنا واطلاله اللي عودت تذكار
وذاك الروشن وهذا مكان الزير والقبه
.
وصفة جدتي ما باقي الا بابها واجدار
وصوت الباب يصفر كلما هب الهوى هبّه
.
وهذا ما بقى من صفة أمي والغمى منهار
غماها من جذوع الاثل واحلى من غمى الصبّه
.
وهذا كان مطبخنا وهذا هو مشب النار
قبل لا نعرف الغاز وقبل لا تطلع الدبّه
.
وهذا هو مجبّبنا وهذاك الكمر ووجار
وذيك الدكه القصيا وهذا الحوش نلعب بّه
.
سقى الله ذيك الايام الخوالي ليتها تندار
سقى الله لا تجمعنا وصارت عندنا الشبّه
.
سقى الله يوم تبرق ثم ترعد والسما مطار
وصوت المثعب يسورب وكنك جالس بجنبه
.
وجتنا الجدة تسبحن علينا يوم حنا اصغار
على شمعة سراج القاز قبل لا نعرف اللمبّة
.
زمن به للطفولة في خيالي ذكريات اكثار
يا ليته ترجع الايام لوقتٍ راح واحبّه
.
ولكن ما مضى هيهات يرجع والزمن داور
يروح الوقت مع ناسه ويبقى ربي وربّه
.


اعجبتني القصيده مع انني لم اعش ما عاشه
الشاعر , ربما لأجل ذلك أعجبتني .!
.

صح لسـأإن كاتبهآ ولأهنت { رشيد } ..
انتقـأإء جميل لك وديٌ واحترآمي ..

سلمتم احبتي ولا ندمتم

كم واحدٍ غرته دنياه واستكبر
تباً لنفس كثير المال يطغيها
.
كم عاهدتنا ولكن بالعهد خانت
سياتها أكثر خوينه من حسانيها
.
كم حلة خربتها تقل ما عمرت
من عقب ما هي يشوقنك مبانيها
-
عبد الله بن صقيه

******

الحياة افراح واحزان ودروس وعبر
والتجارب صفحة ايامنا وكتابها
.
مهما زاد الشخص في المال والعز وكبر
وأهدته شهوات نفسه جديد ثيابها
.
وبرقت له زيف الايام وأغرته وعبر
المصير أرضٍ يلحف عليه ترابها
-

تركي الميزاني

******

يا كريم النفس عز النفس طاعة
لا تذل النفس دام الروح حية
.
الوصل والطيب خير من القطاعة
والصفح لك عزو أن جاتك خطية
.
الوضوح مع الصبر أصل الشجاعة
والمكارم ميزة النفس الابية
-

مبروك النامي

*******

من لا يعرفك ما يقدر مقامك
ومن لا يميز بالبشر ما عرفها
.
واليا احترمت الناس زاد احترامك
والناس عز نفوسها من شرفها
.
وشكواك للي ما يثمن كلامك
دمعة يتيمٍ من عيونه ذرفها
-

جزاء صالح الحربي


*******

الشيب اشوفه مرثٍ بي عذاريب
يبذ عدواه إليا جا يعده
.
الشيب يردى المرجلة لو لقى طيب
يلزم صحيبه لين عنها يصده
-

جهز بن شرار


*******

الموت يا عزير مبني خيامه
لينه حذا المقصود غصبٍ علينا
.
لو ان من يبكي يحصل مرامه
كان اجتمعنا له جميع وبكينا
.
مير البكا ما يرث الا الندامة
والموت ما هشناه عن والدينا
-

سليمان شريم


******


إن حكت غار السكوت من الحكي
وإن.. بكت يحسد مدامعها السرور
.
كنّها والشمس.. خصم ومشتكي
وبين ذيك وذيك.. عذّبت السطور
-

طلال الرشيد «رحمه الله»

*********

إعط لا تأخذ.. يجيك اللي نساك
واشكر إحسان الحبايب والهديه !!
.
لو تبي تزعل على منكر عطاك
ما لقيت اللي يبادلك التحيه !!
-

عناد المطيري

*******

باقي من الذكرى تواقيع وحروف
وصفحة عذابٍ ما طوتها الليالي
.
وحرفين مكتوبه بدمٍ من الجوف
ورسايلٍ مطبوعةٍ في خيالي
-

أغاريد السعودية

*******

واصل إبداعك وتميزك لفتة رائعة لقصائد وشُعار أروع تقبل مروري وتحمل مقاطعتي لإبداعــك
إحترامي وتقديري لكـ أخي رشيد

اقتباس المشاركة الأصلية كتبت بواسطة العنود الدماني واصل إبداعك وتميزك لفتة رائعة لقصائد وشُعار أروع تقبل مروري وتحمل مقاطعتي لإبداعــك إحترامي وتقديري لكـ أخي رشيد

قامت تمطرق
********




مرت ثلاث سنين والشوق يبرق
في داخلي ماذقت للغيث قطره
.
يبست عروق القلب والبعد يحرق
والمنتظر يزهق بعد مل صبره
.
أشهق الا من جابو طاريه وشرق
واحتاج له في كل شهقه وزفره
.
كله سبايب من هو بالزين يفرق
اللي تمنوا شوفته بس نظره
.
اللي شعرها فوق الامتان يطرق
كنه سواد الليل لا هل شعره
.
لاطبت الملعب وقامت تمطرق
قامت عيون الناس تنظر بحسره
.
ترعد لها كل القصايد وتبرق
وبيت الشعر يمطر بعجزه وصدره
.
متى يجيني ياعرب يوم يشرق
برتاح في لا مآآه وشم عطره
.
لا تنقذوني وسط بحره أبغرق
بعيش ماني ميت(ن) جوف بحره

******

متعب السميري

.

فوح قلبي فوح دلة بهارٍ فايحه



فوح قلبي فوح دلة بهارٍ فايحه
سج عنها القهوجي في سلامٍ والتها
والجمر بجنوبها تشتعل صفايحه
لين فاحت وانثرت كل ماها وانتها
سبّة اللي شفت والشمس قدهي طايحه
من كذا لأُم الجماجم عصيرٍ شفتها
في طريقي وانا رايحٍ وهي رايحه
وقلت لي كلمه وياليتني ما قلتها
والهوى عدٍ طويل تعنّى مايحه
وروحي على عد المحبه وردتها
جعل ودان الحيا إللي بروقه لايحه
يسقي ديار البدو لين يزمي نبتها
يا حمامٍ فوق هدب الجرايد نايحه
من سبايبك العيون القشر عذبتها
قالوا أدله يا حمد عن غلاه وبايحه
قلت يالاجواد بموت ما بايحتها
.
حمد بن ناصر أبو ظهير

.

الكل يبخص في الشدايد خراجه


الحر يزكي.. والدجاجه.. دجاجه
وماني على بعض المقاريد مجبور
.
الضرس قلعه لا تألم علاجه
لا صار ما ينفع معه طب دكتور !
.
وحكي القفى في الناس عيب وسماجه
واللي يتتبع عرض الأجواد مثبور
.
(نارد) قراح الماء .. ونترك هماجه
هذا لنا مبدأ.. ومنهج ..ودستور
.
واللي يطفي في الغداري إسراجه
لايحتري قمراء ..ولا يرجي النور !!
.
تراه يضيع صيدته في عجاجه
لا يسمع الناصح.. ولا يأخذ الشور
.
والكل يبخص في الشدايد خراجه
لا نشبت اللقمة من الغبن في الزور !
.
والحظ لابان الردى في حجاجه
أصبر مدام الصبر ياخوي مقدور
.
الله خلق كونٍ وسيعٍ.. فجاجه
والعبد لو يطرد وراء الرزق معذور
.
و(راع) الرفيق ولا تعكر مزاجه
خله سعيدٍ دايم الدوم مسرور
.
كسر الخواطر مثل كسر الزجاجه
نفس البشر دم.. وأحاسيس.. وشعور
.
واللي يتصدد مالكم فيه حاجه
يالله عسى إللي يدور الستر.. مستور
.
وحذرا تصير لبعض الألسن (علاجه)
بعض البشر يحلف.. ويشهد.. على الزور
.
والتمر يعرف طيبه من خماجه
ماجور ياللي تدهل الطيب ماجور
.
الواحد القهار راعه وناجه
الله يكافينا من الضيم والجور
.
يقوله إللي قاسي الوقت عاجه
صابر وهمه داخل الجوف مقبور !!

.
عبدالرحمن بن عبدالله المجلي

.