& طريق ٍ لأينتهـئ &

الا ليت الوصال يعود يوما=واخبره بما فعل التجافي
حزين ٍ علتي تزداد دوما=وروحي والهناء ُ على اختلافي
بليت بوصلكم حين القدوما=وزاد الداء ُ حين الانحرافي
فأقضي الليل في عد النجوما=وصبحي صار ياربي ياكافي

على الله يانوح الحمام وتغاريده=ليا هزه الغربي على خضر الاغصاني
يعانق غرام القلب ويحكم مواريده=ويبلاه في شوق ٍ تعدا وتبلاني

ياحياة الشقى والهم والحرمان والضيق والوقت العنيد=وش بقى والنصيب اليوم في كف البلاوي رجح كيله وزاد
القريب اشتكى هجر البعيد ولاشكى للقريب الي بعيد=والليالي لها قانون ثابت من مشابه فلا هو قيل عاد
انجرحنا من الاسباب والدنيا خدوعه لها عزم ٍ شديد=مالنا لامفر ولامطير الا نصارع شقاها أبكل ماد

الا منهو جرح قلبي بصده=تعال وكمله واقطع وريدهـ
ترا جرح الهوا ماني بقده=كفايه صارت رماحك سديدهـ
وصبري من جفاك أنباح سده=ولادري ويش من فعلك تريدهـ
ظلوعي من ورا جلدي تعده=نحل حالي وزادي مايزيدهـ
تررى بحر الهوا لو طال مده=عواقيبه ترى مااهي حميدهـ

ليتك تحس بجحيم الحب ياسيد الحبايب=والله لترجع من اللهفه ولو كنت تحبي
ميرقلبك داله ولاصابه من الحب صايب=يوم قلبي عانق لطيفك وانا شفت تعبي

لا لا تعاتبني على كل مافات=شي ٍ مضى صعب ٍ عتابك يعيده
اضحك وجامل يالغلا كل الاوقات=عسى حياتك في زمانك سعيده

انا جيتك مسافر والمسافر عنكم مسافر=على ركب الظروف العوج قد طالت مشاويره

اشوفك تاخذ وتعطي ولادري ويش هقواتك=عسى الله عن دروب التيه يالمجمول يحداني
انا ماودي اجرح ضامرك مير الهوى فاتك=رحل ركب الغرام وباقي ٍ بالحال نقصاني

أأأأأأه ياشوق الحبيب الي كوى قلبـي بنـاره=مايشادي غير جمر السمر لاشبو حطبهـا
وجد روحي يابعد روحي على وصلك زياره=قبل موتي يحتزم للنفـس يومنـه رهبهـا
مابقى ياكود طيفك والشقى تالـي مـداره=ولعة نفس المولع والحزن تالـي قضبهـا

فجر صدري المعمار والغربي الذعذاع=اجر السبيل ولين ناشتنـي الجمـره
ابعالج الخاطر وزادت بـي الاوجـاع=وقلبي يشادي واهجه واهج السمـره