مسـآحــــــــه لـ الـذآئــقـه الـشـعـريـه

مالكم علي يمين ليس مزوح

انا اللي عايشه في عالم ٍ همه بيوت أشباح

انا اللي نصفي الصاحي شكا من قل مقداري

انا الشهقة/ وأنا الونه/ وأنا اللي خاسره/ الأرباح

وهذي هي بقايا صمتي الخافي وأسراري

-
ريناد القحطاني

.

اجبرت قلبي على فرقاك وازعلته

ماللغلا لا انطفى نور الامل داعي

كل العنا اللي علشانك تحملته

اقل من جرحك اللي طيّب اوجاعي

-
ممدوح التويجري

.

.

للشاعر الكبير بدر الحويفي :
...

لا شفت لك مغرور يضحك على الناس

تراه ما يسوى المغفّل لباسه

لا تمنعه شيمه ولا يمنعه باس

بعض العقول يصير فيها التماسه

يرى بنفسه مثل عنتر وجسّاس

وعند المره ما يقطع السيف راسه..!

ولو الرجوله وزنها قدر وقياس

ما زاد عن مثقال ذرّه مقاسه

.

.

والله فيك الخير يا جرح الأيام

والله لأموت وموقفك ما نسيته

ياكبر معروفك ويا كبر الأحلام

وفيت معروفك وأنا ما وفيته !!

-
- الشاعر/ هلال المطيري

-

براءة
=

برْ نفسك وابتعد عن مخاواة الرخوم

مايذب الريع واحد وعينه في قفاه

الحرار تبعّد الشوح فالجو وْتحوم

والرْخَم لا عيّن اللي على دربه كلاه

-

سعيد مقيل الاكلبي

.

يقول الشاعر محمد بن أبي الشبل البغدادي:

لا تُخْبِرنّ مُؤَالِفاً ومُخَالِفاً
* حَالَيْك في السّراءِ والضراءِ
فَلِرَحْمَةِ المُتَوَجْعِينَ غَضَاضَة
* في القَلْب مِثْل شَمَاتَةِ الأَعْداءِ
----

لا ضاقت الدنيا عليك وتشاويت

خلق الله اللي فالرخا كان واجد

ومن العرب والصوت والثوب مليت

وقامت عليك هموم بقعاء تراجد

فارفع يديك لخالقك لا توضيت

وادعو تراك أقرب إليا صرت ساجد

وأبشر بفزعة حامي الدين والبيت

إليا هجدك من الهواجيس هاجد

-

محمد بن فطيس

.

قفّلْت بيبان الضماير بْمفتاح
واللّي عطاني بالموده عطيته



درّة بحر ما جابها كل سبّاح
مكتوب سرّي للعرب ما قريته




إمنوّل أجاوب مع الوِرق لاناح
واليوم كل الحزن راحُ وْنسيته



وًلا غَبطت أهل التجارة والأرباح
واللّي على سطح القمر حط بيته



-


ّشعر: عبدالله بن صنعا العاطفي


.

يعطيك العافيه رشيد

تحيتي وتقديري