|[ حوآر على مآئده الافطآر .. ضيفنآ الرآبع .. " waleed " .!

يالله حي وليد

ماحب اطول عليك بس خذ هالسؤال :

إلى ماذا يطمح له وليد المقآطي ؟

واتمنى لك التوفيق والسداد فيه حيآتك

الريم اللعوب

البقى البقى يَ الاميره

بانتظار طلـتك الثانيه

ساري
ارحب يا الذيب ،،
الله يسلمك ويطول بعمرك
بخير دامك بخير يالغالي
شهآدة اعتز فيها ياساري ولاعليك زود وانا اخوك
جعل ربي يطوّل بعمرك ،،

اقتباس 1- تخصصك الجامعي

اقتباس

إعلام

اقتباس 2- وين تحب تقضي وقت فراغك

اقتباس

غالباً مرتبط بمناسبات وعلى بال ما افضى احاول اجلس على النتّ

لكن مكان معيّن استهويه في وقت فراغي ~> مقرّ نادي النصر ..

اقتباس 3- عاده تعتقد انها مو كويسه فيك . واخرى جميله

اقتباس

عاده سيئة:- البرود احياناً ..

عادة جميلة:- ما اقدر احكم على نفسي
الحكم لكم

اقتباس 4- العيد هذا وين تبي تقضيه . وعطنا نبذه بسيطه عن العيد في عايلتكم .

عيد رمضان بالذات احب اعيّد في الديره ،،
وعيد الاضحى بالرياض ...
نبذ عيد الفطر عباره عن صلاة العيد وبعد الصلاة كل واحد
يطلـــّع صحنه وناكل فطورنآ برا في ارض وسيعه
ومن ثم يبدأ مسلسل الفنجآل والقهوه عند كل واحد
نبتدي بالسلام على امير الديره ثم باقي الشخصيات والشيبان
وعلى الساعه 10 نكون متواجدين بـ بيت جدي لأستقبال الضيوف
وهكذا كل سنه زياده على حفلات في قصر الديرة
اول العيد وثاني العيد وثالثه ، الله لايغير علينا ولاعلى المسلمين
وعيد الاضحى مايحتاج شرح
مسلسل من العزائم غدآ وعشآء اول 5 ايام
او نضعهآ في استراحه يجتمعون فيها كل ربعنآ ..

اقتباس ماهو ترتيب السفر في جدول اهتماماتك .

اقتباس

الأول ، وماقدّ قعدت بالرياض شهرين كامله

لازم كل اسبوعين او ثلاثه ع الاقل ازرق للديره ،،

اقتباس 6- اقرب الاقسام لك .

اقتباس

قسم قصائد شاعرنآ ابوحمد ، نبض القوافي ، الركن الهآدي

اقتباس 7- معرفتك بالمنتدى . كيف كانت . وحدثنا عن اول يوم لك هنا .

اقتباس

معرفتي قديمه مع راكان المرّي الله يمسّيه بالخير من خلال تزاملنا في صحيفه الكترونيه

كنآ كتـــّآب فيهآ سويا ً،
اول يوم دخلته بالموقع لم اشعر بأني عضو جديد
الحفاوه والاستقبال من الاداره والاعضاء
اعطتني إحساس بأني شخص منهم وفيهم وانا كذالك ،،
والله لايغير علينآ ،،

لاثقلت علي ولا شي يابعدي ،
حياك الله ولاهنت على التشريف ،،

فهد الهبآش
ارحب ارحب يابوقحط ،،
برايفت قبل ابدأ معك
الله معطيني حب القحآطين بدون قصور ببقيه القبايل
جعلك سالم يالغالي وانت اكثر واكثر معزّه والقَدر بالصَدر ،،

اقتباس وليد المقاطي شاعر نظم ومحاورة من الفئة (أ) مميز جدا ،، لنا فترة لم نرى جديده في منتدى الشعر والشعراء .... أين أنت ..... والا لازم نروح المدونة ...........على فكرة متابع لها باستمرار ولي الشرف ؟

اولاً شهآده افتخر بهآ من شاعر له هآمته بالموقع ،،
ثانياً والله يالغالي صادفت العطله الصيفيه وسافرت
ولا هو من كثر قصائدي في وقت العطله ،
تعرف الهاجوس مايجيه بلاه الا وقت الدوامات هههههههههههههههههه،
بس مع هذا ما اقطع نفسي من بعض الخواطر
واحطهآ بمدونتي ،،
ومتابعه تشرفني لاعدممتك ،

اقتباس 2/ هل أنت مع كثر المسلسلات في رمضان ... أم غير متابع؟

كثرة المسلسلات وتداخل اوقاتها مع بعض
وزياده على انهآ تكون بعد التراويح اي وقت طلعة الشباب
وتجمّعهم باستراحه او مقهى
والمغرب والعشاء صلاه والتراويح كذلك
يعني مافي وقت نتابع فيه
ولانرجع الا على 3 الفجر واكره الإعآده
عشان كذا احاول أأجلهآ لمآ بعد رمضان
عشان ارتّب جدولي واتابعهآ حلقه حلقه
بدون تعال ياوليد بالاستراحه او ودني ياوليد للسوق

اقتباس 3/ عرفت في المنتدى بحسن التصرف والصرامة .. هل هذا اسلوبك في البيت خصوصا اننا عرفنا انك البكر من سؤال اخوي محمد؟

جعلك سالم ولله
الصرامه في بعض الامور لابدّ تكون موجوده خصوصاً إذا كُنت
مؤتمن على موقع بحجم موقع ابوحمد ،
لكن بالتأكيد ماني صَرم في التعامل خارج المنتدى ..

اقتباس 4/ ما رأيك في الدوري السعودي بطلته الجديدة على القناة الرياضية ... وأين ترى فريقك النصر من اللقب في هذا الموسم؟

الدوري السعودي ولله الحمد موسم عن موسم تزداد اثارته
وتزداد قوته ، واستعدادات الانديه والاسماء الكبيره في التعاقدات
دليل على اننآ مقبلين على موسم ناري بكل ماتحمله الكلمه من مقاييس،
بالنسبه لمعشوقي النصر حتى الان مطمأن عليه ولكننا ننتظر
اكتمال الصفقتين الاجنبيه صانع لعب ومهاجم وبعد ذلك
استطيع قول اننآ سننآفس وبقوه وسنكون خصم شرس
والبطولات تأتي بعد الاجتهاد وقبلها التوفيق من الله عزّ وجلّ ..

اقتباس 5/ في وجه نظرك ماذا ينقص شعراء المنتدى للظهور في الإعلام ... وهل الواسطة تلعب دور؟

ينقصهم الاجتهاد اكثر واكثر وكذالك تواجد صحفيين بالموقع
يستطيعون إظهار قصائدهم بالمجلات او الصحف الالكترونيه
وشيئاً فشيئاً سيظهرون للإعلام ، ولكن تأكد
لن يظهر للإعلام الا من يستحّقه ،،
والوصول للقمّه سهل ، لكن المحافظه على الثبات فـ القمّه صعب ،
لذالك لا اتمنى خروج شاعر للإعلام حتى يكون مقتدر ببحور الشعر واوزانه كي يبقى بتوهّجه ولايختفي بسرعة البرق ..

اقتباس 6/ أكلة تحرص عليها على مائدة الإفطار؟

سمبوسه بالدجاج


الله يحييك يابوقحط واعزّ من شرّفني
يآهـــلابك ،،

رائد العصيمي
البقى البقى يابن العم

اقتباس 1- مكانك في لعبة الطائرة وين ( اعداد-استقبال-ضارب-تكملة عدد) هههههههه

هههههههههههههههههه ، لا لا مركزي إستقبال ..

اقتباس 2- لو لعبة البلوت وجاك بنت وولد وعشرة وش يسمونه؟<<يقالك يعرف للبلوت ههههههههههه

ابشرك ما اعرف الا الاونو

اقتباس 3- مع اني اعرف انك ف البلايستيشن نص ونص لكن هل لعبة بالاصدار الجديد 2011 في شريط ال pes?

لا والله ، وضنك في مكانه

،،

هههههههههههههههههههههههههههههه الله ياخذ بليسك
وش هالاسئله
وسّعت صدري الله يوسع صدرك يَ الغالي
لاهنت على هالتواجد والاسئله الشاطحه

محمد المرّي
ياهلا والله ومسهلا
والشرف لي يَ نسل يآم
حياك الله يابعدي

اقتباس 1 :: قصيد ابو حمد كله يرسخ في القلوب والعقول ولكن اكيد فيه بيت له قريب لقلبك عطنا اياه ؟

اقتباس

ابوحمد مثل ماقلت قصيده راسخ في القلوب قبل العقول ،،

لكن اقرب بيت لي :-

المواقف تشخل الناس والطيـّب يبين*كل عام يطيح تسعه ويصفالي وحيد

اقتباس 2 :: نحن هنا لا نعرف الا اسماء مستعاره كلا يعرفه لنا فعله ومجهوده الي يبذله بحكم انك اقدم مني في هذا المنتدى وعارف وملم تقريبا بكل الاعضاء بعطيك اسماء وعرفني عليهم بما تعرفه عنهم ودك في كلمه والا في جمله والا في سطر والا في نص كامل بكيفك

اقتباس 1 .. فهد الهباش

اقتباس

رجالً كفو وشاعر وصاحب ذائقه مميزه

وكذالك متواصل مع الاعضاء بشكل عام

بساطته في كل شي تميّزه عن البقيه

اقتباس 2 .. محمد الوريكي

الوريكي رجالً كفو ومن اقرب الاعضاء لي

تقرا معزتك عنده من خلال رده عليك بأي موضوع

اقتباس 3 .. سمو المراجل

اقتباس

ونعم الشارب والله ، شخص مجتهد ومحبوب لدى الجميع

لديه ذائقه شعريّه مميزه جداً وانصحك بمتآبعته

اقتباس 4 .. الهوى

الهوى خفيفة الظلّ والانشط في الركن الهادي ،

استطآعت من خلال تميزهآ ان تجعل قسم الركن الهادي
من افضل الاقسام ،
كذالك تتمتع بذائقه شعريه وشاعره بنفس الوقت
وانا من المسنترين بمدوّنتهآ دائما ً..

اقتباس 5 .. سلطانه

هـَ العضوه بالذات لهآ الفضل الكبير في ماوصل إليه موقعنا بدون قصور في البقيه ،،

من خلال نشاطهآ في الاقسام وتصاميمهآ وحبّهآ لخدمه الاعضاء
بدون التفرقه بين اي عضو ،،
شكراً سلطانه وكلمة شكراً لاتوفيك حقك ،،

،،

استمتعت جداً بأسئلتك يَ محمد جعلني ماخلآ منك ،،

لاهنت على هكذا تشريف

المآس
ارحبي ،،

اقتباس حرام عليكم ارحمووه شويات خاصة اسئلة الوريكي شكلوو مدرس ههههههههه اما رائد بعالمه الخاص هع هع وفهد عاد ضيفنا ماقدر اقول شي

صادقه علميهم اضنّهم يركدون ههههههههههههههههههههههههههه ،،

اقتباس وليد أنا ماعندي أسئله والله عندي كلمه بس تعجبني قو شخصيتك

يامال العافيه والله شهآده اعتز فيهآ
واعجابي مرتبط بـ إعجاب الجميع بك
من خلال تواضعك مع الكل ونقاشاتك المميزه معهم وبساطتك بالحديث ،،

اقتباس الله يحفظك يارب دعواتي لك أدعو الله لك بعشر في أول العشر: (1)يشرح صدرك (2)يسهل أمرك (3) يفرج همك (4)يعلي قدرك (5)يصلح ذريتك (6)يقيل عثرتك (7)يبيض وجهك (8)يبارك رزقك (9)يجيب دعوتك (10)يحسن خاتمتك {وبارك الله لك في هذه الليالي} مع خالص دعواتي لك بالصحة والعافية وطولة العمرفي طاعته ورضاه

اللهم امين ياخيّتي ، ويـــّآك ،،
صدقيني دعواتك هي مكسبي في هالموضوع كله ،،
لاعدمتك والله

احمد الرشيدي
ياهلا والله بـ صاحب الحنجرة الذهبيه

اقتباس يالله حي وليد

اقتباس ماحب اطول عليك بس خذ هالسؤال : إلى ماذا يطمح له وليد المقآطي ؟ واتمنى لك التوفيق والسداد فيه حيآتك

الله يبقيك ،،

والله الطموح كبير واسأل الله ان يساعدني على تحقيقه ،،
طموحي الاول رضى الله ثم الوالدين ،،
ومعرفة الناس اللي مثلك وشرواك فيني ومحبتهم لي
هي المكسب الحقيقي بعد رضى الله ثم والديني ،،
ومن ناحيه الدراسه اطمح بإن احصد البكالوريوس
والإكمآل حتى احصد الدكتورآه ،،

،،

حيآك يالغالي

1 .. فهد الهباش
اقتباس:

رجالً كفو وشاعر وصاحب ذائقه مميزه

وكذالك متواصل مع الاعضاء بشكل عام
بساطته في كل شي تميّزه عن البقيه


.............................
ما عليك زووود يالغالي وافي ومن وافين لا عدمناك.....

فهد الهبآش
تستاهل المدح في وجهك وفي قفآك ،،
حياك الله