ياركني الهادي تراني نصيتك,,ودي اعبر عن خفايا شعوري..ركني الهادي

جنني المجنون في حب غيره
واشوف حزنه فالخيانة تجلا
اقول احبك والشواهد كثيرة
ويقول يمقن ايه يمقن بعد لا
الله ياخذ شلة بلاك بيرهـ
خلت حياة الزين لالا وكلا
انا احبك افهمي يااميرة
شوفي غرامك في حياتي تعلا


بقلمي

ماهو بشرط ان المطر يصحبه برق
وماهو بشرط ان المحبه تواصل ..

يعني هنا ناقف على مفترق طرق
فاصل شعر وبعده ضروري نواصل

الله خلق كل البشر .. لكن الفرق
شخص ٍ مهم وشخص تحصيل حاصل

اخ ياقو قلبك يامعنيني
تذكر غرامي دقايق ثم تجفاني
شف احمر الدمع تمطر مزنته عيني
حتى غدا خدي المقرود بستاني
تجمعت كل شوكات العنا فيني
وانته تطل بغرامك ثم تنساني
تقسى ولالك على العشاق تلييني
والخاطر الي قسى للكل لك لاني
يجيك والقلب والتكفين بيديني
واما السكاكين هذي والعمر فاني
يانرجع لوصلنا والا تذكيني
ماابغى العمر دون وصلك والله احياني
ياجعلني فدوتك لا لا تخليني
انا تعبت بصدودك والجفا اشقاني


بقلمي

,‏‏‏‏‏‏‏‏‏سِوآلِيفْ (ألمَسَاء ) .. / نَآمتَ ..
وَهيَ تِنطرْ (مُوآعِيدگ) ..؟!
آمَـآنه..!!
گآنَ تِقرآنِيْ ..
(تَعآل)

../ وَ صحَّهآ فِينيْ ..!

ارهقتني.. بان تأثير السهر فيني
عينيّ من كثر مااسهر شوفها سوّدت
تعبت اجامل واقول الوصل يحييني
ويديّ في مربط العشاق لك جوّدت
ارقب سحابك تعوّد يمي تجيني
ماشفت نوّ المطر ياليتها عوّدت


بقلمي

دافعت عنك .. الله ربي و ربك ..!!
.. و لآني بـ ناسي يوم أنا .. منك .. أتـــّـــشت ..!!

لآ تفســّـر الموضوع بـ إني أحبك
.. أموت مالحظة .. لوصلك .. ( تعطــّــشت ) ...!!

كل القضية ( حاولوا بي أسبــّـك )
.. وأنا .. فهمت اللي يبــونه .. و طنــّــشت .....!!

اخيه ياوقت ن غدرني وصدقت
انك على درب الهوى ناوي تسير
عاينت في جملة فعولك وبرقت
اثرك تبي قلبي يحبك ثم تطير
اشتقتلك..؟ في ذمتي يمك اشتقت
لكنّ بفعولك هذي تهدم البير
تكذب عليّه !!.. نظرتك ماتضايقت؟
لو كنت انا كذاب قلي وش يصير
خليتني لعبة وتلعب وطقطقت
وحطيتني في منزل ن ضحّك الغير
نسيت قلبي فالمحبة ولا طقت
تجبر كـسور ن مالقت منك تجبير
قلي وش شعورك مادام انت حققت
ذل الفؤاد الي نسى غيرك إكثير
والله حسافة يوم انا فيك وثقت
قلب ن غدرته دون سبة وتبرير
روّح وانا بروح واكتم لو اشتقت
حان الوداع نشوف وجهك على خير

بقلمي

كل ينادي ودي احب واعشق
والمشكلة مااحد ن صدق يومه يحب
شقيت قلبي فالمحبة مية شق
يوم اني ارجي وحدة ن مالها طب

بقلمي

ياللي بطيب القلب ربي مميزك
عن كل عذرا في بساط الفسيحة
زود ن على طيبك جمالك يعززك
والي يشوفك هاضت به القريحة
تقوم لك ديرة فقط من تغمزك
وبطلتك تبرى قلوب ن جريحة
شف صورتك فالقلب وانا مطرزك
يالله عسى روحك بها مستريحة



بقلمي

مقولة
الشعور بالآخرين أمرٌ سهل جدًا على ذوي القلوب الطيبة
التي تريد أن تفهم شعور الطرف الآخر ,
أما القلوب التي لا تشعر إلا بِذاتها .. لن تشعر بغير ذلك