محمد الشريف+خالد العبيريد

صحت لسنتكم ي شعراء يما أني
ما زبطت الحن اوهناك اختلاف في وزن بعض البيوت
وعند التنسيق سوف يبين الخلل لاهنتو

صح الله السنتكم محاوره

جميله بيض الله وجيهكم

حيا الله الي لفو مرحبا ومسهلا نورتونا وشرررررفتونا بردودكم
ومتابعتكم مرحبا والله ومسهلا

وانت ياسعيد لك ترحيب خاص حياك مليون واما من ناحية ان فيه خلل
فأنت ابخص بها يبو محمد وانت معلم وحن طلابك ونتعلم منك ياطويل العمر

يبعد عيني اخوي محمد من طيبك
لاعدمتك لاوالله فالمحاوره أنتو الا ساتذه وانا
الطالب اما ألقصيده النبطيه كلنا حول بعض
جعلك تسلم

جميعا ً حياكم الله ,,

صح الله لساانك يامحمد الشريف ولاهنت تشرب بالعب معك وصح الله ابداان الجميع ولاهانو على حضورهم المضئ وتعليقكم العذب بارك الله فيكم لاخلا ولاعدم ,,

شكري وتقديري لكم ووافر احتراامي .

بسم الله عوده ولاكن ليسى لكمال الابيات بل لتنسيق الابيات ,,
كانت البدايه وخير بدايه من الشاعر محمد الشريف ,,

مستعد آقف بوجه المنتدى كلـــــه لحالــــــي=والمعاني لو تلد لغيري افقع عينها
الحجر يبقى حجر في السهل ولا في الجبالي=وكلمة الرجال عند الحق افدي دينها

رد خالد العبيريد ,,

يالشريف احزم حزامك وانت عارف كل حالي=كان لك عقل وبصيره هاتهـا فـي حينهـا
الرضيه سلمكـم يأصحـاب فـالاول وتالـي=ميـر ميـز فالكتابـه زينهـا مـع شينهـا

محمد الشريف ,,

مرحبا بك يالعتيبي وانت لاتعقد حبالي=عاد نفس الطيبين يصد منكم دينها
الرضيه سلمكم وش بك تدور للقتالي=نرضي الله والعباد الي تمد ايدينها

خالد العبيريد ,,

بارك الله فـالرجال الي ترحب بالرجالي=لو حيكم الراي يجهـل نيتـن ناوينهـا
يامحمد ماقبلناها علـى وزن الثقالـي=وانت تدري مانحب الي عليك يهينهـا

محمد الشريف ,,

انت مدري ويش تبحث عنه في سود الليالي=ويش علمك والعلوم الله يعينك عينها
انت في نفسك علينا شي مافيها مجالـــي=يوم انا لك شحمة ببيضا على سكينها

خالد العبيريد ,,

ماندور للهزال اقول عينـي فالجزالـي=لو بلاد الغرب تجحد سالفـة برلينهـا
الله اكبر والسوالف بيينا دايم طوالـي=والضيوف حشام بالواجب ترى مقرينها

محمد الشريف ,,

انت لاتحكم علينا والهزيلــــه للهزالـــــي=ابشر ابشر بالسعد والطيب واسكن بينها
انت والله راس مالي انت والله راس مالي=والسوالف كلبوها قف وامسك زينهــــــا

خالد العبيريد ,,

الشهامه عند عمي والكرامه عندي خالي=والمراجل في يميني والضعوف اعينهـا
الحقيقه واضحه والناس واجد لاتبالـي=والعروبـه ماتغيرهـا زلازل صينـهـا

محمد الشريف والختااام ,,

انت ماتبغى المراجل انت رجلٍ ماتبالي=والديار الي تبي يارجل حن واطينها
مانقلل في الرجال ولانهين ولانغالي=حاسبين حسابها ومن الكرم مكرينها

في البدايه والنهايه اشكر كل من شرف بحضوره واضاء بتعليقه وصح الله ابدااااانكم جميعا ً وصح الله قلووبكم ,,

لكم خالص تحياتي وكل شكري وتقديري ووافر الاحتراام .