ҳҲҳ دفْتَرّ أَيّامِيِ الضَايِعْ ҳҲҳ

أسعد الله أوقاتكم

فيني تعب من شدّة إنّي أحسّه
ما عاد أرى غيره من أتعاب الأيّام
مالي رجا في ناس قلبي وحسّه
النّاس ناموا والرجا باللّي ما نام

عبد العزيز الهزّاع

أنا معك أكذب وأنا صدق تافه!!
لو قلت لك غيرك يعانق حلالك
لو إنّ قلبي حبّ كلّ شيء شافه
ما شفتني للّحين طالب وصالك

عبد العزيز الهزّاع

يا حبّ ماتت في عيوني ورودك
يا قلب لا تشكي الحزن والكآبه
لا تنتظر رجعة بقايا عنودك
ولا تنتظر غيرك يردّ الإجابه
خلّك على الراحه وسلّم قيودك
للخالق اللّي ما يخيب الرجا به
يمديك يا قلبي تساير حسودك
وتشوف مجدك ينكتب في كتابه
يا قلب لا تخلف نوايا وعودك
مستقبلي أثقل عليّه عتابه
...وإن كان غيرك ما يقدّر وجودك
عادي ولكن لا تقدّر غيابه


عبد العزيز عبد الله الهزّاع

أسعد الله أوقاتكم بالرضا والمسرّات

مأجور ياللّي ذكرك الخير والطيب
يا ابن الحروب امّقدرين الصحايب

لجلك يبو ناصر نزفّ المكاتيب
ومجار من كل التعب والمصايب

عبد العزيز الهزاع

أخاف من بكره ولكنّي اليوم
خايف من الساعه وبعض الدقايق

حاير ولا ادري وين ياخذني العوم
شايف غريق الحلم يبكي الحقايق

عبد العزيز الهزّاع

الكلام اللّي أقوله ما تكلّم
... ما تكلّم غير صمتي بالصحيح
إفهم اللّي تفهمه إن كنت تفهم
... والله إنّي قبل أشوفك مستريح

عبد العزيز الهزاع

يا ناشدي عن عزلتي وش طرا لي = لا تنتظر منّي كلامٍ أعيده
فيني ملل من كل صوبٍ رسا لي = من وين ما سيّرت ألقا بريده
شاعر ولكنّي على قد حالي = اكتب عن احوالي بقافٍ أجيده
نسيت كل اللّي كتبته ليالي = وما مضا لي بَخْتِصٍرْه ابقصيده
بعض الصور تجرح طموحي لحالي = لأني لحالي ذكرياتٍ بعيده
ما عاد تجمعني ظروفي بغالي = وما عاد للذكرى حياةٍ جديدة
اقولها والقلب ما هو بخالي = وايدي على ما فيه تخنق وريده
امشي وعيني تنتظر من خيالي = انّه يحاكيني بجمله مفيده
ما كنّي اللّي كنت داله و سالي = واليوم خايف من زمانٍ نعيده
ما عاد لي طَلْبَه وتكفى وصالي !! = اللّي يبي وصلي لقاني سنيده
الله كتب والله أمر سُقم حالي = ولا صبرت الّا وحياتي بإييده
سبحانه اللّي راسيٍ ذا الجبالي = وباسطٍ أرضٍ عليها عبيده
اقولها يا ناشدي ما طرا لي = (إنّ الكلام اللّي نسيته اعيده)

وسلامة قلوبكم ونواظركم
أخوكم
[size=4]عبد العزيز الهزاع[/size