مسـآحــــــــه لـ الـذآئــقـه الـشـعـريـه

يا اعذب , وأرق من الندى عند الاشراق

والطف من النسناس لا اسرج ركابه

تدري وش اللي.؟,, محرق قلبي احراق

انك بعيد , وحزن الايام غابة

-

عاقل الزيد

.

جميلة جدا صح لسان شاعرها ولا هنت رشيد

تحيتي وتقديري

يقول الشاعر مساعد الرشيدي :
..

خذ فرحتي وآخذ عنك ضيقة البال

خذ راحتي والاَّ التعب عنك عطنيه

ما ابغى يكدّر خاطرك ربع مثقال

عطني عذابك خلّني اكتوي فيه

غمرتني بالحب يا سمح الاقبال

فائض حنانك حايرٍ وين أودّيه..؟!

.

رصيف الذاكرة مملي من الغيّاب :

ملامحهم : إضاءاته ، كراسيّه !

أمرّرهم بنظراتي لقا وعتاب :

حبايب إيه بس بذكرى منسيّه !

-
الشاعرة/ رزان العتيبي

.

اقتباس المشاركة الأصلية كتبت بواسطة رشيد يقول الشاعر مساعد الرشيدي : .. خذ فرحتي وآخذ عنك ضيقة البال خذ راحتي والاَّ التعب عنك عطنيه ما ابغى يكدّر خاطرك ربع مثقال عطني عذابك خلّني اكتوي فيه غمرتني بالحب يا سمح الاقبال فائض حنانك حايرٍ وين أودّيه..؟! .

صح لسان الشاعر ولا هنت رشيد

قصيدة جميلة جدا اعجبتني

تحيتي وتقديري

اشكرك لولوه شكر جزيل

للشاعر / غازي مهنا الشيباني :
...

راعي القلم يفنى .. ويبقن الأقلام
والحب عقب القرب تمحيه الأبعاد
كم واحدٍ عن مصدر الرزق نوّام
قليل ميز .. ولايسمع بالارشاد
وإليا نصحته جيت من عرض الأخصام
ما قال هذا لي نصوحٍ .. ونقّاد


.

قصيدة اليوم للشاعر رشيد الزلامي التي جادت بها مشاعره الصادقة ، حيث امتزجت بالأسلوب الرائع ، والجمال المبهر ، والعطاء المتميز:

...


ياعاشق الدنيا ترى مالها جار
كم واحدٍ في حبها طار شوعه
اليوم تضحك له وتعطيه الانذار
وبكره تلحويها محاني ضلوعه
خلك على صكات الايام صبّار
ويومٍ يفوتك لاتمنى رجوعه
اقفى على مافيه من خير .. واشرار
نجمٍ هوى ما يندرى عن طلوعه
وماهي على كيفك تمنى وتختار
ابعد على المخلوق من حب كوعه
يخبرك من ذاق المتاعب والامرار
وحاول ولا جاله زمانه بطوعه




.

تسلم على هالابداع

الشاعر صنيتان المطيري .. قال:
-
الله واكبر من يقول الهناء دام

شوفي عجايب لعبة الوقت فيني

قبل أمس لاغبتي يجي الليل ما نام

واليوم صرت أستغرب إنِّك تجيني

نضحك على أنفسنا والأيام قدّام

نحلم.. ونحلم والحقيقة تبيني !