محمد الوايلي + محمد الشريف

لايسمعونك من لهم شور ومشير
يستحقرك حتى الردي وحريمه

لاعاد تقبعها تطول المشاوير
نجعلك تلحقنا بلعن وشتيمه

الختم عندك يبو حميد لأنك ضيف المهم صح لسانك ولا هنت
وانشالله الجايات كثير الله يفكنا من شرك

الله الله مبدعيين وشعراء عمالقه
لله دررررررررررررررررررركم امتعتونااااااااااااااااااااااااا
صح السسسسنتكم ولاهنتم

من قال حقي ماغلط يامناعير=وانتوا تعرفون السلوم القديمه
وش في محمد طاح فالثوب تشمير=كنه يبى يفري معالق غريمه

لاهنت يابو علي ولا هانو المتابعين وتصبحون على خير

هو الغربي جعلك سالم وصح بدانك يابطل

الله الله يبو حميد صح لسانك ولا هنت ههههههههههههههههههه انشالله ان كل شي بخير ههههههههههههه ولاهانوا المتابعين شرفتونا

تنسيق الطاروق بالاذن من اصحابه ,,
بدا الشاعر محمد الوايلي بهذى البدع الجزل ,,

سـلام لهـل المنتـدا والجماهيـر=من شاعر" ماله قسـم فالهزيمـه
يالربع ما حد شاف لي حولكم طير=ماريتـه كبـر الثقـه والعزيمـه

ورد الشاعر محمد الشريف بقض جميل ,,

يامرحبا ترحيبة العز والخير=ترحيبةٍ مثل ابن طائي كريمه
لاتشمّت الاجواد وتشمت الغير=خل العلاقه يامحمد حميمــــــه

محمد الوايلي ,,

دام البقا جعلك مع الغربه بخير=ترحيبتك جعل انها مستديمـه
انا مثل غيري على مثلك آغير=واجرعه طعن القنا والظليمـه

الشريف ,,

لاتعكس دروب الوفا تعكس السير=الزله ان جت من سواتك جريمـه
تطرد وراها ياكبير المناخيــــــــــر=لاتحسب ان به من ورايه غنيمه

الوايلي ,,

اعكس عليك السير حشمه وتقدير=لو مانت من قوم القدر والحشيمه
واطرد وراها بالغلط كنـي بعيـر=يطرد ورا مفجوحة الصدر ريمـه

الشريف ,,

حاسب ترى للهرج منهج وتفسير=نوب العواقف في المخوه وخيمه
ابشربها بشرى الجليله من الزير=ماني ببايع خوتك لجل قيمــــــــه

الوايلي,,

لا تنزعج ياراعي القاع وتحير=مادام عينك في الاشاره غشيمه
عطيت لك ناقه ورجعتها عيـر=افا عليك من الظنون السقيمه

الشريف ,,

لم الرشا ثم انزع بدلوك البير=مافايدن قالوا حليمه حليمه
وشفيك قمت تحوص ماتمسك القير=شوري عليك ان مايجيلك قسيمه

الوايلي ,,

لو انت في ضرب النياشيين حزًير=لاهل لك من بارق العـز غيمـه
لكن فوقك من وشى الوقت جنزير=واخلفت ميعادك يمال الصريمـه

الشريف ,,

يمكن حصل مني يارجال تأخير=ترى الخطا وارد وعضمي رميمه
اقول لايكثر ترا كبرت كثير=والي مزعل خاطري في صميمه

الوايلي ,,

اخرتها واجد ولكـن خبـر خيـر=كلمة مراوغ ماتجـي مستقيمـه
نصبر الين يصير لك ريش واتطير=وان مت باكتبها وصـاة ً لزيمـه

الشريف ,,

لايسمعونك من لهم شور ومشير=يستحقرك حتى الردي وحريمه
لاعاد تقبعها تطول المشاوير=نجعلك تلحقنا بلعن وشتيمه

الوايلي ,,

من قال حقي ماغلـط يامناعيـر=وانتوا تعرفون السلـوم القديمـه
وش في محمد طاح فالثوب تشمير=كنه يبى يفـري معالـق غريمـه

وانتهت هاذي المعرركه التي تمنيت اني حضرتها والله يعلم وفي البدااايه والنهاايه ,,
صح الله لسااانك يالوايلي وصح الله لساااانك يالشريف واشهد لكم شهادة حق شعراء جزيلن ماشاء الله تبارك الله ,,
كل شكري وتقديري لكم ووافر احتراامي .

ما فيكم حيله

صح السنتكم جميع

يالعبيريدي صح الله بدنك ولاهنت ويعلم الله اني مبغى اللعب محاوره معك ولا مع غيرك الا بوجودك طال عمرك
لانك جزل بدون قصور في البقيه للهنت على التنسيق ولاهانوا البقيه وصح الله ابدانككم جميعا
القرني+ مشاعر