ҳҲҳ دفْتَرّ أَيّامِيِ الضَايِعْ ҳҲҳ

رد: ҳҲҳ دفْتَرّ أَيّامِيِ الضَايِعْ ҳҲҳ

كنت الكلام اللي تقوله يثمّن
نعطيه وقفه واحترامٍ وقيمه
.
.
#عبدالعزيز_الهزاع

المصدر: الملتقى الجماهيري للشاعر محمد بن فطيس المري

أسعد الله أوقاتكم

فيني تعب من شدّة إنّي أحسّه
ما عاد أرى غيره من أتعاب الأيّام
مالي رجا في ناس قلبي وحسّه
النّاس ناموا والرجا باللّي ما نام

عبد العزيز الهزّاع

أنا معك أكذب وأنا صدق تافه!!
لو قلت لك غيرك يعانق حلالك
لو إنّ قلبي حبّ كلّ شيء شافه
ما شفتني للّحين طالب وصالك

عبد العزيز الهزّاع

يا حبّ ماتت في عيوني ورودك
يا قلب لا تشكي الحزن والكآبه
لا تنتظر رجعة بقايا عنودك
ولا تنتظر غيرك يردّ الإجابه
خلّك على الراحه وسلّم قيودك
للخالق اللّي ما يخيب الرجا به
يمديك يا قلبي تساير حسودك
وتشوف مجدك ينكتب في كتابه
يا قلب لا تخلف نوايا وعودك
مستقبلي أثقل عليّه عتابه
...وإن كان غيرك ما يقدّر وجودك
عادي ولكن لا تقدّر غيابه


عبد العزيز عبد الله الهزّاع

أسعد الله أوقاتكم بالرضا والمسرّات

مأجور ياللّي ذكرك الخير والطيب
يا ابن الحروب امّقدرين الصحايب

لجلك يبو ناصر نزفّ المكاتيب
ومجار من كل التعب والمصايب

عبد العزيز الهزاع

أخاف من بكره ولكنّي اليوم
خايف من الساعه وبعض الدقايق

حاير ولا ادري وين ياخذني العوم
شايف غريق الحلم يبكي الحقايق

عبد العزيز الهزّاع

الكلام اللّي أقوله ما تكلّم
... ما تكلّم غير صمتي بالصحيح
إفهم اللّي تفهمه إن كنت تفهم
... والله إنّي قبل أشوفك مستريح

عبد العزيز الهزاع