( قاصد كريم + فهد الهباش)

اقتباس المشاركة الأصلية كتبت بواسطة المغربله من الناس افا يبنات والله من غيبت اخوي وليد قريت له مره انه يقول البنات يتابعن من خلف الرواق واشوفكن طالعات اليوم عن اذنكم لايجي وليد ويشوفني انحششششه واصلو والله يسعدكم

^

انا معطية نفسي اجازة بكرة
ولآ فيني اداوم

وجات السهرة على حساب هالموضوع الرائع

بجد استمتعت

عساكم على القوة شعارنا

اقتباس المشاركة الأصلية كتبت بواسطة فهد الهباش نـآيـد الـنّاس كـل الـنّاس لـه تـنبري والـجـبل فـي محلّه يالدموع الغزيره صـآحـبـك لـو تـعـشّى يـآكل القنبري وأنت تعرف طعآم البحر قوّة خطيره

ههههههههههههههههه

الله عليك ياافهد
اعجبتني ياكل القنبري

جفت اقلام من يكتب على دفتري
وش حصيل الخشير اللي تحدى خشيره

كان بنشر كفركم روح للبنشري
الحقه قبل تال الليل تسمع شخيره

اقتباس المشاركة الأصلية كتبت بواسطة فهد الهباش نـآيـد الـنّاس كـل الـنّاس لـه تـنبري والـجـبل فـي محلّه يالدموع الغزيره صـآحـبـك لـو تـعـشّى يـآكل القنبري وأنت تعرف طعآم البحر قوّة خطيره

ياسلآم عليك .. يابن هبآش

أجل تاكل القنبري

قاصد انت وش تآكــل

بانتظآر ردكـ

اقتباس المشاركة الأصلية كتبت بواسطة قـاصد كـريم جفت اقلام من يكتب على دفتري وش حصيل الخشير اللي تحدى خشيره كان بنشر كفركم روح للبنشري الحقه قبل تال الليل تسمع شخيره

ياسلآم .. رد مفحــم

الحــق يابن هبآش قبل لآتسمع شخيرهـ

أستـري إيه يا سـود الليالي استـري
والله ان كَـنْه توّ العـين شوفة طميره

هيه يالعاقـل اللّي كـأنّك مهـســـتري
طير يوقع وطيرٍ عارفٍ وش مطيره

جونا كنه الليله بدا يمطري
من شمال الجزيره لين ياصل عسيره

والليالي عساها بالسعد تثمري
واختم القول كل واحد ينام بسريره

اقتباس المشاركة الأصلية كتبت بواسطة فهد الهباش أستـري إيه يا سـود الليالي استـري والله ان كَـنْه توّ العـين شوفة طميره هيه يالعاقـل اللّي كـأنّك مهـســـتري طير يوقع وطيرٍ عارفٍ وش مطيره

صح لسآنك يابن هبآش
مافيك حيــله .. والله

اقتباس المشاركة الأصلية كتبت بواسطة قـاصد كـريم جونا كنه الليله بدا يمطري من شمال الجزيره لين ياصل عسيره والليالي عساها بالسعد تثمري واختم القول كل واحد ينام بسريره

قاصــد كنك بتقفـل

يعطيك العافيه .. وصح لسآنك

امتعتونــا والله

الى هنا ينتهي الكلام

مثل ماابتدا بالسلام

اشكر فهد المقدام الهمام

واشكر الاخوة الكرام

وكل واحد يروح ينام اذا عنده دوام

هههههههههههه


الله يسعدكم ونستونا الليله

صح لسآنك يالخوي ،

وصحت أبدان كل من حضر ،،

لا هان حسك امتعتنا الليله بهالطاروق،
بيض الله وجهك وبيض الله وجه كل الربع ، وهذي نوووووووومة،،