ياركني الهادي تراني نصيتك,,ودي اعبر عن خفايا شعوري..ركني الهادي

صباحكم خير يارب

اشتقنا لكم والله .. الا محمد الوريكي وينه مااحد يدري وش اخباره؟

قلبي سمح ياحبيبي من مودتكم .. خل الذي كبروا راسك يسرونك

متى على الله نمسك الخط ماشين
يم الديار اللي ذبحنا غلاها
بيت ن ذكرته هيّض القلب والعين
حتى انتهى من كثرة الشوق ماها

بقلمي

لاوالله الا غيرتك الليالي
تركتني والقلب فيك متجود
ماهمك احوالي ولا شفت حالي
كل يوم اقول اليوم يمكن يعود

بقلمي

جازيتني فالحب مثل العساكر
صد وجفا كأنها انهض امتد
وبكل يوم اقول بيرد باكر
وافتح تويتر لجل اغني واغرد

بقلمي

مساء الخير

اعتذر عن الغياب

ابيات في فقيد الكل (نايف )

ياقلم باح حبرك ماكتبت القصيد
طالبك ياقلم صاحبك لاتخذله
خل عندك رصيد وخل عندك جديد
من شان ترثي زبون العرف والمرجلة
لا والله الا مات من يفك الحديد
لا والله الا مات ذابح المشكلة
نايف ونايف لكل الشعب عون وعضيد
نايف ونايف امير وكلنا من هله

سلامتكم

المشاعر كوّنت شاعر كفو
في وصوفك لايمل ولايضيق
شاعرك شاعر مثالي والعفو
جلّ جمهوره من الحس الرقيق
إصف لي دام البني يمي صفو
انت تكفي والبقية في حريق

بقلمي

ياحبيبي صدتك تجلب الموت الهلاك
معنوية رائد العذب بعدك حابطة
شوفني يمك اسوف العمر كله فداك
وانت مدري ليش وصلك وقربك رابطة
تدري ويش اوصف شعور رائد في لقاك
المشاعر كنها جيش وقلبي ضابطة
انت بس اقرب وقربك يسبب ارتباك
لجل عينك كلبوها تجيك مرابطة

بقلمي

جمعة خير

اعتذر على الغياب

اثرك مثل بشار تقصف وتغتال
طفل الهوى من قصف هجرك توفى
واليا نشدوني ياولد كيف الاحوال
قلت متدمر يوم روّح وقفى

بقلمي

صباحي بدونك ماله آيات طعم ولون
ياشخص ن كثر مااغليه يتعبني غيابة
تفضل شف الخافق تدمر شكل مضمون
من غياب حسك كل الاعضاء منصابة


بقلمي