(عبد الله السفياني +وليد المقاطي)

صح لسانك ياعبدالله على هالقآف ولاهنت ،،

لاهنتم يالربع شخص شخص على المتآبعه لاعدمنآكم
ولاهنت ياضيف الله على هالتنسيق والمتآبعه اول باول
جهد كبير تستحق الشكر عليه ولاهو غريب عليك لاعدمتك ..

تحياتي للجميع

مجملين يالشعار

محاور ولا اجمل

بيض الله وجيهكم

امتعتونا هذي الليله

تنسيق المحاورة حتى الان

عبد الله السفياني
سلام الله ونا الليله على بالي علـوم اجـداد=علوماً شفتها في الفيس مدروسه ومحبوكه
يقدمـك المقـدم قـال هــذا الفـجـري الــوراد=وانا اشوف الاوادم فاغرة والناس مربوكه
وليدالمقاطي
هلا يامرحبآ بالشايب اللي مشغل النقــّـآد=كبير السن شاب الراس والا طآحت وروكه
على التقديم والتمثيل ياسلطآن انآ معتآد=ووسط حلوق خلق الله تراني واقفً شوكه
عبد الله السفياني
ترون الشعر علم ومعرفه من ورثة الاجداد=ماهومثل اللبانه في حلوق البعض معلوكـه
على طلتك انا ظامن لك المصـدار والميـراد=وكـل الحاظريـن إبطـلـة المـزيـون مملـوكـه
وليد المقاطي
ياسلطان الحجاز وكلمتك وحده ولاتنعآد=على وضح النقآ صفــّــيتهآ مآهيب مشكوكه
شهادتك الكبيرة للمقاطي تاج ماينبآد=لكنّ اسلم ، وهات العلم والساعات مبروكه
عبد الله السفياني
ثمرت الحنطة اللي من ثمرها تكسبون الزاد=ولكن الحصيل اللي جنيته كـان فـي اشبوكـه
تلوح ابروق وانته من بعادها تسمع الرعـاد=تريح واسكن ابيوت الذرى ببواب مصكوكـه
وليد المقاطي
حصَدت الطيّبه يوم انّ غيري هآوي المرقآد=وقليل العرف ، لآمنّه غفآ ، متوسدً بوكــــه
توقــّع وانت تصرف قبل لانفصل لك العدّآد=تعرف النآس من دون المكيّف شبه مزنوكه
عبد الله السفياني
على هول الزمان اللي يوردكم على الحساد=وتاكـل لقمتـك فـي الوقـت مهنيـة ومدروكـه
انــا فــي جــو غيرونزلاًبيـتـي مـانـي شـــداد=ولا لـي بالمكيـف حجتاًمبـعـد عــن اسلـوكـه
وليد المقاطي
على هول الزمان اللي على كثر المفاتن زاد=تمهّل واللحى بالموس تال الوقت محكوكه
شديدك جآب فيك العيد وإنت بتآسع الاعيآد=عسى ماهي بعيد الفطر ياسلطان مشروكه
عبد الله السفياني
سألنا عنك قالوا لي ولد من خيـرت الاجـواد=عظيـم الزول واللحيـة مخنجـرهـا وسكسـوكـه
ختـام القـاف يالصاحـب علـى دلـه مـع البـراد=تقهوى من يمين الشاعر اللي ما لبس حوكه
وليد المقاطي
سواتك مانشدنا عنه معروفن على الاشهآد=على جزل المثآيل قّدم المعروف واصكوكه
تقهوينآ معك ، جعل اللقاء ياصاحبي ينعآد=وتجمّعنآ طنآخه ، لو عشآنآ صَحنْ شكشوكه

كيف اقول ودعاَلكن اقول الى اللقاء

يجمني بالغالي وليد الذي استمتع بالتحاور

معه لأنه صاحب قلب طيب ونظرة مثقفة ويحب كسب الخصم

وكذلك الجميع

واخص الغالي ضيف الله صاحب متابعة وجهد يشكر عليه

صح الله لسانك وبدنك ياوليد ويا عبدالله
لاهنتم على هالطاروق الرائع ...
حنا يالمشاهدين نشكركم على المتعة اللي قدمتوها لنا
بيض الله وجيهكم

بيض الله وجيهكم يا شعارنا وياصفوفنا ويا مقدمنا الغالي
مجملين دوم ،،

ياسلام

طافني الحضور هنا لكن التواجد لابد منه

منسق الطاروق لاهنت ومجمل وبيض الله وجهك

شعراء الطاروق لاانسى شكركم طاروق جميل وفيه من التمريرات مالله به عليم

كذلك لاانسى الحاضرين من الاعضاء

كل الشكر لم تواجد هنا

رائد

صحت ابدانكم يا النشآمآ
شرفتوني وشرفتو اخي عبدالله
ولولا الله ثم متآبعتكم ماطلعنا بها المحاوره ،،
كونو بالقرب دائماً

يُقفل بواسطتي

يسلم قلبك أخوي وليد