سجل حضورك ببيت شعر او صوره للصقور

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



هذا اخوي الله يحفظه لي

ياطيري اللي للمقانيص حنيت
واشتقت للطلعه وصيد الحباري
لاتحسب اني ساهيٍ ماتمنيت
للعشب والصحرى وجو البراري
ورفقة اللي في المقانيص خاويت
والهيل والدله وزين الطواري
لوشفتني ياطير مره توانيت
غصبٍ علي ياطير ماهو قراري
أي والله اني ماعن الوعد قفيت
وني على خبرك محبٍ وشاري
اعد واتقصى جميع المواقيت
والشوق يسبق قبل ليلي نهاري
شوقي لزولك لي فقدتك ورديت
ولهفة اشواقي وطول انتظاري
لكن ظروف الوقت جارت وهميت
كني طريدٍ تالي الليل ساري
احسب سنيني واكتب البيت باليت
والدمع ياطيري على الخد جاري
حسبتها حسبت فقير وعديت
وضاعت الحسبه وضاع اعتباري
لاتحدني ياطير اسولف بما اخفيت
ويبان ضعفي للعرب وانكساري
ياطير خبري فيك لي ضقت هديت
وتغار لي من صار لي اي طاري
رفيقي اللي للملمات خليت
ون صابني مكروه تاخذ بثاري
ون كنت فيني يوم ياطير شكيت
اسف على ظني وسوء اختياري
دام الرفيق اللي هقيته وظنيت
دربه تغير وانحرف عن مساري
الله يعوضني وحسبي اذا اخطيت
عن طيري اللي صار صيد الحباري

تقبل مرورررررررررررري(من الرياض)

(كان هنا)

مجنونك

ماشاء الله محمد
الله يحفظكم لبعض يارب..

وأنا صراحه مادري إيش اسجل فيه
بس أسجل حضوري بالصقر اللي بيد محمد هههههه

موضوع رائع وابداع منك
تقديرى
ويعطيك ربى العافيه خيى
وردياسمين لقلبك

النادر اللي شوفته تشرح البال
عن الحرار الكامله فيه تفضيل
الابيض اللي تجتمع فيه الاشكال
وروس المواسي كنها شرْبت نيل
قحفه كما غارٍ على نايف الجال
وشنار عينه في قحوفه قناديل
ومناخره وصفي لهن كان ماعال
يشدن فوهات المدافع مقابيل
والبوز فاروعٍ على شدق ريبال
والعنق مرتفعٍ عن المتن بالحيل
كنه اليا تاوق على طلع حفال
هامٍ يهاوم صيدته دونها السيل
وروس المناكب عن ثناديه عزّال
بارز نحر فجحٍ فخوده مسابيل
ضافٍ على كفه من الريش سروال
واصابعه حرشٍ طوالٍ مخاطيل
مدم الصوايد مودع الدم شلال
كنه معزي بالوصايف الى حيل

ياطير عقبي كـن خاطـرك شايـن
خاطرك شين وغيبتي عنك يوميـن
النقـص فيـك مبيّـن لـه بوايـن
في لمعة الريشه وفي ناظر العيـن
ياطيـر انـا ويّـاك كنـا خـدايـن
وبيني وبينك ولف ومعامـل ٍ زيـن
يوم انتخاوى مع وجيـه الضعايـن
ونهمل سبوقك في مناكب خسيريـن
وألا شمـال الهضبتيـن القـرايـن
شرقي طلال ومن سواحيق ويميـن
وألا عطيـنـا سـكـة التابـلايـن
ولا قد عطيناهـا عليهـا حراذيـن
نصبح على طارات شهب المكايـن
بـيـن العراقيـيـن والاردنيـيـن
في خايعن بـه كـن عينـي تعايـن
ربد الحباري به على اربع وثنتيـن
ونأخـذ لنـا ايـام بذيـك الدفايـن
مابين برقـع والغـدف والبسيتيـن
ونكسر على ماينحدر مـن ضوايـن
ونأخذ هناك اسبـوع والا سبوعيـن
وننكف نشاط وسالميـن الصخايـن
ولو كان نتعب عندنـا مستريحيـن
قـدّام يطلـع للصـقـاره زبـايـن
ناس تحوش القوبعه بـام روحيـن
ليـا روحـو بمشحنـات الخزايـن
مافـي نحاهـم ذوقـوه الامـريـن
واليـوم مابينـي وبينـك مـدايـن
انا سعودي وانت جاين من الصيـن
وان مالقينـا للحـبـاري عـوايـن
ولا توادعـنـا وداع المحـبـيـن
الوقـت ماتاليـه معـنـا بـزايـن
والبر في حادور من حيـن لاحيـن
ادنـاه ملـيـان كراتـيـن فـايـن
واقصاه ضاق وضيقوا به هل الضين
وضاقت مناهـج طيبيـن الضغايـن
اللي على المقناص بالطير ضاريـن
واليوم كان اللـي يحاكيـك مايـن
هذي سبوقك وانتهـض بالجناحيـن
وهاجر مهاجر مبحـرات السفايـن
للصين والا اهبط على ضلع قزوين
لو كـان عنـدي مافراقـك بهايـن
حنا عـزاز ولا نهيـن العزيزيـن
خلك تـروح ولا تشـوف الغبايـن
شاملك عفوِِ مثل عفـو المساجيـن

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

العين عين مشقلب الخرب لاطار
حرسراويله تعدى حجوله

حرعديم مخلبه تقل شنكار
متفهق الجنحان عرضه وطوله

صح لسانك يالغالي وتسلم على الذوق

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]