ياركني الهادي تراني نصيتك,,ودي اعبر عن خفايا شعوري..ركني الهادي

يوم كنتي مغرمة كنتي تجين..
بيت ن لخالد يجدد موجعي..
كل ماغناه عذبني الحنين..
يوم اناظر وانت لا منت بمعي..


بقلمي

لاتعابتني على شي ن مضى ..
مامضى فايت ولايمكن يعود ..
بيت ن لفارس على دمعي قضى ..
يوم انا سهران والعالم رقود ..

بقلمي

شوفني لامن ذكرت قلت بيت..
بيت ن لخالد يعبرني انا..
(خبروه اني على وصله حييت..
وان تفارقنا ترا موتي دنا)


بقلمي


الحمدلله تم تخرجي من الدورة التي استمرت قرابة 9 اشهر ونصف

هذي سنة من يوم قفيت عني..
لاني نسيتك وانت لا ماتذكرت..
اللي قهرني مابدر شي مني..
وانته على ظلمي سطيت وتجبرت..


بقلمي

من هطول الوصل يالغالي ظميت
لاهطل وصلك ولاذقت الهنا
وسط سوق الصد شفني ماغتنيت
لاحصل مكسب ولا جاني غنا
كم حكيت وكم شكيت وكم بكيت
لانفع دمعي ولاراح العنا
كان مخطي قول كيت وقول كيت
وكاني ناسي قول ناسي يالمنا
انت جاوب دام لأسألتي قريت
ريّح اشواقي وريحني انا
محتمي ديرة غلاتك بيت بيت
والله ان تبقى غلاتك للفنا
كم عطيتك في غيابك ماخذيت
وإسأل فؤادك بصدي وش جنا
شوفني لامن ذكرتك قلت بيت
بيت ن لخالد يعبرني انا
(خبروه اني على وصله حييت
وان تفارقنا ترا موتي دنا)

ذكرني ابن فطيس بك وانت ناسي..
شطر ن يقوله عيّف القلب طاريك..
واعلنتها من كل قلبي وراسي..
شفني وانا مقفي على كثر ماغليك..

بقلمي

bb : 2A37F171

جو الرياض تقول ساكن في باريس
جو ن طبيعي مايجي غير مرة
ياضايق الخاطر تعوذ من ابليس
فل الحجاج اليوم خير ومسرة

بقلمي

السلام عليكم


مصافحة لعلها تروق لكم ..

يقول:


كم لي وانا اقول تكفى لاتخليني
حتى تعوّدت يالغالي على غيابك
كنت الهنا والهوى داخل شارييني
وكنت استلذ بزعلك وحزة عتابك
وكنت الشعور الذي بالحب يحييني
وكنت الامل والسعادة عند طلابك
واليوم وين انت يالغالي وانا ويني
كن الجفا في غرامي يطرق ابوابك
دارت رحاة القطيعة بينك وبيني
ثم انطحن حب وصلك والجفا صابك
تركت لعيونك عيون ن تناديني
وتسألني اليوم بعد اقفيت وش جابك
انا احبك وحبك عايش ن فيني
وعروق عقلي لو انك غبت تتشابك
ياقو قلبك عليّه ليش تكويني
وانا الذي كنت لك اقرب من ثيابك
شف مكسبي (ضاق صدري وادمعت عيني)
وكل الجروح الاليمة بي من اسبابك
بقفي عسى الله على فراقك يقويني
والله يخليك لأصحابك مع احبابك


وسلامتكم

عطني حقوقي وانا بوفي حقوقك
ناقف بوجه الزمان الشين صدقني
ياجعلني فدوتك ياقلب معشوقك
ان اشهد ان الولي فالحب وفقني


بقلمي