ياركني الهادي تراني نصيتك,,ودي اعبر عن خفايا شعوري..ركني الهادي

ابيات متفرقة لي لعلها تروق لكم ..

مجتمعنا للأسف ينبذ النقد الصحيح
والصراحة مالها في ركونة منزلة
كان تبغى تصير فالمجتمع ناقد صريح
كل مبدأ نقد وسط الصراحة كنسله


ياقربها قرباه ساعة فراقك
ياللي على الفرقا تبي تحدني حد
قلي على درب الجفا ويش ساقك
يوم اني اعطيك الوصل وانت تجحد

#شهر_ابريل
فارق عن عيوني ترا منت فارق
منته بلاقي لك معزة وتدليل
صدقت ياقلبي كلام المفارق؟
كل الذي قلته ترا كذبة ابريل

ياطالب البعد بشّر قلبك بحاجة
وصلك بدنياي والله ماهو بلازم
لو كان نار الجفا فالجوف وهاجة
لكن قلبي على قطع الرجا عازم

ودعتني فترة وعودت مكسور
واليوم قلي ليش عودت قلي
صحيح من روحت ماني بمسرور
لكن مالك فيّ عرق ن يهلي



تقييمكم لها ..

اليوم قد تم تخريجي من قبل سيدي وزير الداخلية .. بعد معاناة دامت 13 شهرا

اللهم لك الحمد حتى ترضى ولك الحمد اذا رضيت ولك الحمد بعد الرضاء

صبحكم الله بالخير

شخباركم؟

للامانة جدة غير قبل شوي كنت بالغربية ومريت على الطايف ومكة وجدة

كل مدينة تقول الزود عندي

لبى الحجاز واهله احبهم والله

يامجلس الشورى نبي منك تغيير
تغيّر اللي يجلب لشعبنا كبت
كافي قراراتك هنا تعكس السير
حتى اجازتنا غدت جمعة وسبت


عادي تروح وتترك القلب مهموم
يالله دخيلك ليش قلبك قساوي
يعني جميع اللي حصل امس اليوم
ما رد وصلك يالطبيب المداوي؟

طولت في صدك عسى مانعك خير
ماهيب عادة تقطع الوصل عني
جاوب سؤالي يالغلا دون تأخير
يوم انت تبعد ويش واصلك مني؟

بقلمي

تقييمكم لها

الصديق اللي على الوقفة صديق
يحتزم بي كان بقعاء حدته
والله اني واقف ن وقفة طويق
دون من سود الليالي ضدته

من خاطر ن ضايق ومن قلب مكسور
استاذن العشاق قبلي وبعدي
اشهد ان الحب مايجلب سرور
واشهد ان العشق ماهو بأجودي

بقلمي

سحرتني واعميت قلبي وقفيت
ماعاد اشوف بغير قلبك مكاني
معقول ماسدك جميع الي اعطيت
حتى تخليني برجاء شخص ثاني؟

بقلمي

في مجال الزين ياصاحبي مالك حلي
افهموا والا ياجعل العواذل مافهموا
انت تدري كل ماشوفك بتقبل علي
كل عرق يقول ياولكمو ياولكمو

بقلمي

ياالهي طلبتك وانت غافر وراحم
عبدك اللي كساه الهم تغفر ذنوبة
الهموم الثقيلة في حشايه تزاحم
ضاع قلبي عساك تقديه في دروبة

بقلمي

السلام عليكم , شحالكم يااعضاء الممنتدى

اشتقت لكم والله لكن ظروف الحياة اجبرتني ان اغيب الفترة الماضية ولكن عدت لكم بقصيدة لعلها تروق لكم

مدخل للقصيدة :
ياصاحبي لو راتبي عشرة الاف
كل الدول عن راحة الشعب تنهى
لو ناكل هموم وقهر مابه خلاف
حنا الدول ناكل صواديف عنها

واما القصيدة يقول :

الشعب كنه يابو متعب على النار
ولا فيه غيرك نشتكية ونعاتب
لنا ثلاث سنين نشكيك الاسعار
اللي رفعوها معتلين المراتب
اللي كلوا شعبك وغثوه وانهار
حتى غدينا نقول تب يالبلا تب
اغراضنا بالدين والبيت بايجار
والرجل مايكفيه عشرين راتب
تكفى يابو متعب ترا وضعنا صار
شلة فساد وفسق قاري وكاتب
الوضع يبغى حر يانسل الاحرار
اقطع غلاء السلعة وزود الرواتب
واقطع نسل منهو على الشعب بوار
اللي تعلى في كبار المكاتب

وسلامتكم

يسعد صباحكم

اشتقنا لكم