موطن كلمات المنفى

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اليوم ياقلبي تقبلت القليل
وانا اخبرك طماع وتغلب القوي

ماهي بعاداتك يذللك الذليل
ولا هي من اطباعك مجانبة الخوي

كنت اول الايام مزبان الدخيل
تحماه في وجهك ولو كان دموي

وكنت او ل الايام كل ماجن ليل
تانس اذا سمعت لك ذيب يعوي

وكنت اول الايام مبسوط الشليل
ياكثر مايارد عليك ويرتوي

وكنت اول الايام شيال الثقيل
تشتال عوجات القريب الملتوي

لو مالن السود الليالي ماتميل
تقعد تعدلها الما تستوي

واليوم ماانت بخير ياراع الجميل
صرت آخر ايامك لراحاتك هوي

ارحل اقول ارحل ولو ان الرحيل
والله مايرضاه الخوي من الخوي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

لاتحسب ان اللي عملته بي قليل
اللي بي مسويه شي مايستوي

جرعتني بالكاس مر الحنظليل
ولويت بافعالك معاليقي لوي

ماتعشق الا اللي وصاله مستحيل
من شان تكويني بهجرانه كوي

كل ماهوى فيني من الهم الثقيل
بين الضلوع العوج تسمع له دوي

وعقب النهار الشين سرايين ليل
ماغير تطوي الارض في ليلك طوي

ياكثر غزواتك وياقل الحصيل
كثر ماتتعبني معك يافوضوي

عجزت فيك اوصيك ماتسمع هبيل
(ومن الحماقه عذل من لايرعوي )

عقب التعب هذا تدورلي بديل
انا اشهد ان عقلك مهو عقلٍ سوي

لاتحسب ان الوضع منزال ورحيل
مثل منازيل ومراحيل بدوي

حسبي عليك الله وهو نعم الوكيل
يرجع حقوق الضعيف من القوي

ارجع اقول ارجع ياجحاد الجميل
من غيري لاسرارك يضم ويحتوي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

فيك انت مانسمع حكي عذاله
والقول ماننشد عن اللي قاله

مقامك اسمى من كلام الواشي
وغلاك ماحد واصلٍ منزاله

ماقال حامض ياعنب غير اللي
يبطي وهو يطاوله ماطاله

بس انت يابيض وجه لاتمحنا
وتسمع كلام العالم البطاله

اللي مصالحهم على فرقانا
ياكثرهم على قفا الشياله

لو تدري اني فيك اخاصم نفسي
وتجيني الحاله مع ام الحاله

واقعد اقزر ليلتي بعتابي
مثل الهبيل اللي يهوش ظلاله

والنوم حطته انتظار عيوني
يرن لما ينقطع جواله

وحاجات لو اقول ماتصدقني
ماظن حتى قيس جت في باله

ان كان ماقدرت هذا كله
عزاي في قلبٍ تهدّم جاله

حافظ وصان وحب واخلص واوفى
وامسى ضحية طيبات اعماله

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

البارحه كانوا وحنا كنا
اثنين واحلى اثنين في منزلنا
واليوم راح اليوم واحد منا
والدار من عقب العزيز خليه

ذكرتها والذكر فيني عاده
ذات التقى الورعة العباده
وجلالها ملفوف بالسجاده
والحمد لله حاجته مقضيه

يامن يواسيني على فقد امي
ويامن يعوضني بكلمة سمي
ويامن يخيط لي زرار الكمي
ويشيل كل الذكريات الحيه

بكيت يوم ان الصبر مااسعفني
والهم والحزن المدي والفني
والليل حالفته وهو حالفني
وانشده مرثيه ورا مرثيه

الموت لو طال العمر قافينا
نجفاه لكنه مهو جافينا
علم-ن تعدانا مهو خافينا
والمسعد اللي مااجترح له سيه

كل الحياه وكل من هو فيها
في مر مطعمها وفي حاليها
من اول الدنيا الى تاليها
يازينها لو كانت امي حيه

يارب تعطيها نعيم الجنه
في رحمتك ياذا العطا والمنه
وتقبل عملها ثم ترضى عنه
وتجعل لها في ظل عرشك فيه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

واعيني اللي تهل الدمع مطروفه
عيا الطبيب المداوي لايداويها

هي كنها في ذرور الشب موصوفه
والكحل يدوي واخاف الكحل يعميها

عيني على شوفة الاحباب ملهوفه
واحبابنا غادروا الدنيا وما فيها

ماكنت حاسب حساب الوقت وصروفه
تحت الثرى حط ناس وناس فوقيها

لو كمل الوقت فيني بعض معروفه
كنت اسعد الناس فاولها وتاليها

ياحلم ليلي عساك تهل بطيوفه
مادام مافي طريقه نلتقي فيها

كود العيون السهيره عقب هالشوفه
ترتاح وتنام جعل الله يهنيها

لو قالوا الرجل لازم ينطح ظروفه
بالعون بعض الظروف الله يعديها

مالي مع الناس لاضحكه ولا روفه
ماغير اراجع زمانٍ فات وابكيها

محبةٍ عن جميع الناس موقوفه
الام ... والام وين اللي يساويها