[..رسائل البدر..]

ياطاري الغدران والعمر [ رشفه ]
مع قلها..
ياليتها يوم تصفي..
ليت الشوارع تجمع أثنين صدفه..!
لاصار شباك المواعيد مجفي

الحب واجد..
مير الاقدار صلفه
والأرض واجد..
لكن الحلم منفى
واللي اعرفه راااح ماعاد اعرفه..؟!
ولاظن يذكرني الى أقبلت مقفي
ماهو حبيبي / مورد القلب حتفه
ولا هو حبيبي/ يفرح بوقت ضعفي !

.

اول ليله .. غبتي عني .. ماهي ليله
هاذي بحر من السواد
اول ليله .. اسهر كاني .. في الف ليله
الف ليله من سهاد
ضي شمعي ماهو ضي
نار دمعي ماهو مي
كنت حي وماني حي
كافي ياروحي بعاد

ماهي عاده .. امشي وحدي ..
احكي وحدي ..
ابكي وحدي.. عالـــوساده..ماهي عاده
كل شي في عيوني ذابل
مثل اوراق الخريف
غيم ونجوم وسنابل
وخطوتي فوق الرصيف
ضي شمعي ماهو ضي
نار دمعي ماهو مي
كنت حي وماني حي
كافي ياروحي بعاد

ماهي عاده لما تزعل
تنسى تسأل ويقسى قلبك من عناده!
ماهي عاده
كنت اتخيل غيابك
كل ساعه او دقايق
مادريت اني في عذابك
بأشعل ضلوعي حرايق

أحلام نصف الليل - جديد البدر




نور الدرج شع..
الساعه مدري اربع
ولا اربع الا ثلث
نقرٍ على الطبطاب
هذي خطاويها يوم ابتدت تطلع
ريحه عطر ينساب.. ومفتاحها في الباب
صوته ولا اروع
موسيقى نصف الليل..!

خلف الجدار يرن الهاتف وتفزع
نسمه ويصحى ورد
وامد لي اصبع
المس زرار النور
يغمر فراشي بـــــــــرد
وتدخلني رعشه شوق
والهاتف المذعور يرن ويرن ويرن
وشفيها ماتسمع؟
اشواق نصف الليل..؟!

فندق بدون نجوم
وحنا بعد اغراب
عيا الــــــزمن يجمع مابيننا لحظه
لحظة نهار او ليل
ماصادفت مره القاها في الصاله
على الدرج مقسوم ان القمر جاري
ويظهر توالي الليل..!

صحيت بدري اليوم
ولي في السفر طاري
على الجريده خبز
وحروف من مطلع
قصيدةٍ لـــــ الليل
رميت في الشنطه.. همومي وافكاري

ونزلت للبواب
وسألت عن جاري..؟!
جاري اللي مايرجع الا توالي الليل
قال بفتور ادفع :
اجرة ثلاث أيام
وريال للاحلام../
أحلام نصف الليل..!

عتيم الليل ...
قمرنا من زمان والله ... فقد نوره ...
عتيم الليل ...احس النظره تتكسر ...
على سوره ..

سهرنا ... في عتيم الليل ... حزين الهمس ...
قدرنا ... ننتظر باكر ... شعاع الشمس ...
تعالي ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعالي من جسور الليل ... تعالي ضي ...
تعالي في هجير العمر .. حنان وفي ..
وربي ... طالت الغيبه
حنون الليل ... وصوتك همسة التحنان ..
حنون الليل .. بيروي بالامل عطشان ...
حنون الليل .. وانت بتسمعي صمتي ...
تحسي بي ...
تقاسي فيّ تعذيبي ...
تشديني من الامواج ...
ترسّيني على مينا ... وصوتك في ليالينا ...
أبد ساري ...
حنون الليل ... وانت الريح والساري ...

تعالي ... طالت الغيبه
وربي طالت الغيبه

اتمنى تشاركوني بجمع قصايد
.. البــــــــــدر ..

لكــــــــــــــــم ودي ..

غرام نجد
الذوق والابداع
خصله من خصالش
لاعدمنا هاليدين
وجعلها ف الوجود

شرفني مرورك الملكي شااامان ...


لك ودي ..

آه ..يا العطش

جفت اشفاهي

وصوتي الواهي ارتعش

لو حبيبي ما .. ما سقاني الما

لو شربت أظما لحبيبي .. وللعطش

يا سموم القيظ ..جفت عروقي

تحتي الرمضا..واللهب فوقي

والعطش شوقي .. وشوقي للعطش
اسقني عيونك حبيبي .. أو أموت
ما ابي رمشك نعش

يا وسامي الحب ..امطري في القلب

الزهر والعشب ..قلبي يا مطر

الظما .. والجوع .. بعدك .. والدهر
لو حبيبي ما .. ما سقاني الما

لو شربت أظما لحبيبي .. وللعطش

لم اكن اعلم بوجودك
لذا بحثت عنك في كل الوجود
ولم اكن ادري بغيابك
لذلك كانت حياتي كلها غياب
اقبلي ياكل الغياب ...والوجود
لاحبك مثلما اتمنى ...ومثلما تستحقين