عبدالله السناني + فهد الهباش

اقتباس المشاركة الأصلية كتبت بواسطة عبدالله السناني داري بك وتراك تدريبي على مر الليال ** مـــن يترك صغار المشاكل مايحل كبارها اليا تركت الجيش بكره صرت تحت الاحتلال ** والمشكله بالديره اللي مايطير غبارها

مبدع السناني صح لسانك وسلمت يمينك

صح بدنك سحابه الطايف ,

اخوي محمد انا بنسق المحاوره بنا على طلبك , عشان الشريف وحلل

لللللللللللللاهنتوووو شكرًا ي شعار
وشكراً الخضار

عبدالله السناني
سلام للجمهور والهباش وزحول الرجال ** وابنشد الهباش عن حاجه يعرف اخبارها
الخلفه اللي ساريه من دون قيد ولا عقال** والصبح مابه غير مبركها وغير حوارها


فهد الهباش
طــاب اللقا يا اهل الوفى يا مرحبا قول وفعال*والحاجة اللي فـــي ضميــرك يا كــثر خطّـــارها
الخلفه اللي في مراح الأمس صاعت الامتثال*حلــيــبــها مــن عــقبه حــلبه در وأطفى نآرها

عبدالله السناني
ان كان جات السالفه بالصدق وانا اخو العيال ** اقسمت غير اظهر حقيقتها واهد جدارها
حنا نــلـوم الجاريه والـجـاريه بنــت الــحـلال ** انلومهـا والملعنه والمشكله مـن جـــارها


فهد الهباش
والنعم والله يالخوي لكن ترى الدعوى نزال*وأخوك قايسها قــبــل بأمــتــارها وأشبارها
الجار معروف الخبر ويشد من قبل الرحال*يشدّده حد الرهــيــف اللــي قــطــم منظآرها


عبدالله السناني
ترا التجاره مايــثــمـنها ســوا خـشم الريال ** والسلعه اللي ربحها مضمون في تجارها
البرق يبرق شرق لاكن المطر يضرب شمال ** والمزنه اللـي فـي ديرهم ماتهل امطارها


فهد الهباش
اللّقمة اللي سببّت للحلق والصدر السعال**الكف الأيمن قام يرميها ولقـف يــسـآرها
ما نرتجي من مزنةٍ هلّت على غير المخال**لو ساــل واديــها وزاد العشــب في نوّارها


عبدالله السناني
انته خضعت لحكم نابليون وحمولك ثقال ** خليت نابليون في طولون ياخذ ثارها
واليوم نابليون جانا يبغي يحصل مجال ** والغرفه اللي خاليه لاشك يلعب فارها


فهد الهباش
سيارتك يا صاحبي ما داست خطوطن طوال**ولا رأســـت المحكمة حــتــى تحكم إقرآرها
العالم اللي قلت جبناله هــرم جوفــه خـلال**يجلس على ذاك الهرم وان قام جته اشفارها


عبدالله السناني
الضرب ماضر الحمار القيد ماضر الجمال ** حث الخيول وبندقك لازم تعرف عيارها
بعطيك حكمه يافهد خذها قبل وقــت الـزوال ** مــاكل لــحــية يافــهـــد تلزمك في مقدارها


فهد الهباش
الشــيــمه اللي ترفع الرجّال وان طال الجدال**شـــربتــها وانا صغــير وجـــا حصــاد ثمارها
أنا الـــوفي انا القـــوى انا الحكــيــم ولا أزال**أعطي الرجال حقوقها وأعطي الحقيقة كآرها

عبدالله السناني
الشيمه فبعض المواقف تعطي الخصم اعتدال ** والكعبه اللي فالحرم ماكل مسلم زارها
ترا القوي رب العباد اللي خلق صم الـجـبـال ** لكـن الـعبـاد الله يجملها ويستر عارها

فهد الهباش
وش هم راسن يطنخ ويرسي ولا جاه الميال**اليا بغـــاها جابها واليـــا رحمهـــا شارهـــا
الله سبحانه جــعـــل فالارض ناسن ما تطــال*لو حاولوا بعض العرب خابت جميع أشوارها


عبدالله السناني
داري بك وتراك تدريبي على مر الليال ** مـــن يترك صغار المشاكل مايحل كبارها
اليا تركت الجيش بكره صرت تحت الاحتلال ** والمشكله بالديره اللي مايطير غبارها

صح لسانك يافهد , واشكر كل من تابع ,, وإلى اللقاء

صح اللسنتكم ولاهنتوا وحن اخوان قبل كل شي
ولاهو بأنا الي قلت تنسق المحاوره اخوي سعيد
وبعدين انا ماعلي من نهاية المحاوره علي من
بدايتها فقط لانه اذا ماكان فيه احترام بيننا البين
لانك ادري مالي دخل بس المقصد فيها الاخ ناصر
بعد ماحصل منه وبدر ولاكن ماهو توصلونها لربعه
وهله هذا مايصلح لاني ممكن ماحترمك الا لاصلك ليس لك
والسلام ختـــام وين الاخ سعيد يهمني رايه واذا كنت انا مخطي
فابشروا بحقكم ولاكن ببداية المحاوره اكبر دليل على كلامي

انا مابي اعتذر يامحمد على شي ماسويته , لكن احب اقولك

اني ماعرف ناصر نهااااائي , منهو ناصر ؟؟؟

ادري انك ماتعرفه بس تعرف شنق ونق صح ولا لا

صح السنتكــم شعارنا ..

أبدعتم وأمتعتـــم ...