گڷّ اڷـξـيۉن إڷڷي تڜُۉفُگ ! ڷيتہآ [ عينَيِ ●» ‏(

ماصبح القلب وجهك طالبك مسه
غيبتك ليلة تخوفني من فراقك

وينك عن اللي يشوفك نبضه وحسه
اخاف هـ البرد جاك وبرد اشواقك

لاتروع ياحبيبي تراه كله مرض
كحه-زكام-وحراره..تزول فحلها

نفترض لو رقدوني وانا اقول افترض
كيف تسلا علتي وانت منهو علها

باسسم الغلا والشوق لاتخلف الوعد
ارجوك تحفظ ماء وجه المواعيد

لان العمر بعدك ترى مابقى بعد
مثل العزاء يطغى على فرحة العيـــد

طبع القلوب اليا تغشاها الهيام
يطغى تواضعها على منطوقها

تصبح تحت حكم المحبه والغرام
والحب يدفعها نتيجة شوقها

اليا دفنت الشوق اكتب على اللوح
مرحوم ياقلب تهاوت ركونه


وافتح لبيبان العزا وانت مبيوح
واقبل عز اللي فيك خابت ظنونه

قيد المحبة على كف المولع وثيق
وانت غرام الحياه وغالي اثمانها

يا اغلى من الدمعة اللي فعيون الرفيق
واقرب من الدم فـ عروقي وشريانها

الله يستر لايجي اسمه على لساني
من كثر ماصرت ااحبه صرت اهذري به

اخاف ان جيت انادي واحد ثاني
اصيح بـ اسمه واضوي العيد واجيبه

حرقني الشوق جمه وانت بـ الفيــه
ماكني الا على الرمضا وانا حــافــي


والله مالي دفــا بـ ((المربعانيه))
الا بضم الكفوف وحضنك الدافي

يقولون خذلك من صدوف الزمان اصحاب
ماكل المشارب تروي الهالك الضامي

وانا اقول (ابن عمي ) ليا قفو الاجناب
عضيدي على وجيه المعادين وحزامي

طاعة الله والمراجل تقوي قوتي
قوة من قوة اللي علينا قوته

خوتي عن خوة اللاش تكرم خوتي
والطمع في خوة اللي تنومس خوته