تعا ليل.. ليل ..

ما شاء الله عليكم مبدعين
فعلا علوم رجال عاد إحجزو لي مكان لأني أحب السواليف بقوه
ولو تبون كل ليله اجيب لكم سالفه ههههههههههه
تحياتي لقلوبكم الطاهره
ترانيم

ترانيم المطر يالله انك تحيها واتمحق
شانيها شرفتي بحضورك العذب اخت ترانيم
وانتي اول الاعضاء الذينا يعطوننا سالفه اليوم
شكرًا لك ولاهنتي

اقتباس المشاركة الأصلية كتبت بواسطة سعيد محمد القحطاني ترانيم المطر يالله انك تحيها واتمحق شانيها شرفتي بحضورك العذب اخت ترانيم وانتي اول الاعضاء الذينا يعطوننا سالفه اليوم شكرًا لك ولاهنتي

ياهلا وغلا بسعيد يسلم راسك يا حيي
عاد أختكم ما راح تتواجد معاكم يومين وتبي تعطيكم السالفه الحين وانتم تعللو فيها بالليل
ههههههههههههه
ربي يسعدكم يا رب ولا يحرمنا من قلوبكم النقيه
تحياتي عاد سالفة اليوم سالفه واحد فقير كان جالس بالخلا الخالي وشب ناره وسوا قرص الجمر وجالس يغني ومنسدح على ظهره ينتظر قرصه يستوي ويوم استوى القرص وجلس خوينا بياكله الا الناس بحلالهم وبيوتهم نازلين على هالديره وما يدري وش يسوي خاف على نفسه راح دفن قرصه بالرماد وحط عليه تراب وطلع فالجبل وهو يراقب لمكان قرصه الا تجي البنت وتحط بيتها على مكان القرص جلس لين انتصف الليل ونزل يدور قرصه جوعان موت الا البنت صاحيه قالت انت حنشل تقصد سا رق قال لا والله جوعان كنت مسوي لي عشاء يوم شفتكم دفنته وانتي بنيّتي بيتكم عليه قالت انزين وهيه تروح وتبحث عنه وتلاقيه صح وتجيبه قالت انت غريب اكيد قال اي قالت اجل هذي ديرتنا وكانت محل شدينا عنها ويوم ربعت الحين رجعنا اجلس الحين واذا كليت عشاك تسهل وترا فيها بير على طريقك لا تطيح فيه انتبه باسفل البيوت المهم قال انزين خوينا راع القرص كلا عشاه ومشى الا شوي سمعت صوته يوم طاح بالبير خذت حبل وراحت صوب البير تطلع ورمت الحبل لمه وصارت تسحبه لين قرب من فم البير شاف بياض ساقها يحسبها الخشبه اللي على البير مسك ساقها وانسحبت معاه بالبير يمه يا حرام يحزنون وش ذنبهم ههههههه
المهم بالصباح صحى العبد حقهم وشافها هيه والرجال بالبير وسير على ابوها وعلمه بالخبريه وقال له ترا عمتي وياها رجال بالبير ابو البنت شيخ القبيله قال للعبد انا أشوف نجوم القائله صوب عيني انت متأكد من الخبريه قال خذ علم الله لا يجزاك خير يالعبيد خخخخخخخ
المهم ابو البنت قال خلاص ولا كلمه اسمعها احنا بنشد الحين وانت احزم من الحطب وارمي بالبير لين يمتلي وبعدين ولع النار فيهم
وينادي الشيخ على قبيلته احنا بنشد وسروا بحلالهم وراحو وبقى العبد يرمي الحطب وكل ما رمى حزمة حطب نطوا البنت والولد عليها لين قربو نط الولد وموت العبد وخذ البنت قال الحين احنا ما نقدر نرجع لابوكي لانه راح يموتنا بس اذا تبيني اب اصير لك اب او تبيني اخ اصير لك اخ او تبيني زوج اصير لك زوج
قالت لا انت ابوي ولا انت اخوي ابيك زوج قويه البنت ههههههههههههه
المهم سارو وتزوجو وخلفو ومرت السنوات تلو السنوات وصارو شيوخ ويوم من الايام وهم في ديرتهم الا جاهم ضيف وسو له عشاء وقالت له البنت تعرف من الضيف يا فلان قال مين قالت هذي ابوي قال لها زين انه ابوك جاء وجابه الله
قالت لا تغدر فيه قال افا وانا اخو فلانه ههههههههههه هذا جد عيالي
المهم ناد عياله قال من فيكم الشاطر يحط الفنجال بجيب الضيف وهو ما بيحس وقتها الفنجال كان واحد او اثنيين ما فيه مثل الحين طقم ضيافه ههههههههه
المهم قال اصغر العيال خلها علي لما اتقهوا الضيف والولد يحاول لين دخل الفنجال بجيبه وهو ما يدري قال ابو العيال صبو القهوه يا عيال قال ابوي الفنجال وينه قال ما ضاع تلقونه اخر من شرب فيه ضيفنا قال يا ربع والله ما خذيت قال بنفتشك طيب وهو يحط يده بجيبه وهو يطلعه قال يا الربع والله ما ادري وش وصله لجيبي اني برئ من تهمة السرقه قال له ابو العيال انا مصدقك بس قبل لا اصدقك ابيك تسمع سالفتي وعلمه بسالفة القرص والبنت ويوم طاح بالبير ويوم العبد شب النار ويوم كمل السالفه قال يشهد الله اني برئ من تهمة البنت مثلك برائتك من سرقة الفنجال
قال له الضيف اسالك بالله البنت حيه ولا ميته
قال لا والله طيبه وتسمعك الحين
وتسامحو وباسو رووس بعض وصارو قبيله وحده وسلامتم والى قصه ثانيه باذن الله اذا عجبتكم هذي بحكي لكم غيرها بس أرجع إن شاء الله
لكم اغلا تحيه ودمتم بود

ترآنيم ...

يالبــا قلبك يالغلآ ..

حيآك ونور الموضوع بوجودك

عآد انا بمر بالليل اقراهآ ,,,

مدري ليه احس هالموضوع ماينقرا الا بالليل

الله يعطيك العافيه اختي رمق

يازين تعاليل الليل وناسه

جميع من استضفتيهم رائعين ومميزين

موضوع طيب وتشكرين عليه

تقبلي تحياتي اخوك فهد

حياك اختي ترانيم قصه جميله كجمال من عدها
واقدمها يعطيك العافيه وانا مالي صله بالموضوع الموضوع تديره المشرفه رمق
يعطيها العافيه وهي من تختار الضيوف شكرًا لك ولها وجميع الاخوان والخوات

اقتباس قالت لا انت ابوي ولا انت اخوي ابيك زوج قويه البنت

وين يقولون بنات اول حيآء وأدب والوحده تستحي من ظلهــا ..

ترآنيم روعه قصتك ..كل مابغيتتـي نادينا نتعلل عندك ..

ربي يسعدك والله انك ونستيني ..
كل يوم تعالي ههههه

يشهد الله اني برئ من تهمة البنت مثلك برائتك من سرقة الفنجال



روعه

لاهنتي أختي ترانيم المطر

صفاء النيات

مومثل اللحين يالله المستعان


رمق ..لك أجمل تحية ع الدعوة

حياك ترانيم ,,

اشكرك على هالقصه الرائعه ولاهنتي بارك الله فيك ,,

خالص تحياتي لك وللجميع .