عبدالله السناني + محمد الشريف

برق الجنوب حياك الله ,

لا العلم ذا اخذ اكبر من حقه
والشرهة اللي على غير حق ما لها سنع ،،

يا محمد الشريف انت مكانك عالي وتعرف قدرك عند خويك ...
عيب يالخوي تظن في خويك ظن السوء ..
انا اقولها وعلى وجه الملأ ما علي من فلان ولا علان...

ظنك في غير محله يالخوي ...
لو انه يهمني أحد دعيته باسمه وقابلته وجه لوجه...
ما الله خلقنا نخبي وجيهنا والا نندس ، ونحكي بحكبي ما هو بلنا ...

محاورتك انت وعبد الله ما تهمني ، هي بينك وبينه ، مالي فيها الا اقول صح لسانكم ،
واشره على بع الالفاض اللي مالها سنع ، من باب زماله منتدى لا أكثر...

لكن اما يجي طاري الهباش ويؤلف عليه ، والا تفسر محاورته على غير حق ...
لا هنا لازم اتكلم ،

يالشريف ، الاشراف على العين والراس من عيون القبائل ولا على القبائل زود ...
ما هو بابن هباش اللي يذم القبائل والا يجيب طاريها بعلم عوج ...
قل غير ذا الكلام واعدل عن ذا المنهج ...
سواء بيني وبين احد منهم شيء والا ما بيني وبينه شيء ...

ولكن والحق يقال ، حتى اللي تقول بيني وبينه شيء وهو ناصر الشريف ...
فلا بيني وبينه الا كل علم طيب ، ولا جاه مني سوء ، سواء ناصر اوو لو كان ناصر باسم شنق كما تقول...
شاعر جمعني به منتدى شعر ، ومشكلته اللي حصلته كانت بينه وبين الاداره ...
وباسم شنق كان الاسم المستعار وتجاوب معها واشكر على ذلك ...

فكيف تفسر يالشريف هذا الكلام؟!!!!
بأي منطق تفسر؟!!!

انت تعرف مكانتك عندي ، ولكن تقول الأنذال ... يا شرهتآآآآآآآآآآآآآآه
يا حسافه على الخوة اللي ذابت مثل ما يذوب الملح في الماء...
اتركك وضميرك...
عمري ما طردت ورى حد ولا ترجيت رضا حد ولن أفعل...
لان الله اعطاني القناعة وتقديم الحب والمعروف للناس ، وسأستمر باتهام او بغير اتهام ...
انتهى الكلام يالشريف ... ويا شرهتي يالخوي؟!!!!

لايوجد ماأقوله بيني وبينك يافهد

يافهد , هذا نسي كل شي وجاء يتكلم ويسرد أكل مقلب بتفسيره , ويحسبه صايب , والشرهه , على قولة الشاعر ,
ان شرهت اشره على من تقفره * وان عتبت اعتب على الناس الكبار ,
واللي مثل محمد يجي ويحط بخويه شي كذب , فهذا والله مايهم ولا خوي اصلآ
وانا والله ثم والله اني ماعرف ناصر منهو , ولا دريت اذا كان فيه واحد اسمه ناصر
ولا ادري وش مشكلته اللي تقولون , وشنق ونق من خلال المنتدى شفت له قصائد لآ أكثر
ومدري وش صار , جايني يقول تسب خويك , منهو خويي؟ اعرف ناصر انا عشان يقول خويي
المهم , اللي يبي يزعل بدون سبب , الله لآيرده ,

وصح بدنك يافهد ولا هنت على المرور

انت ياسناني ماخليت فيها شرهه غيرك الي يتكلم طال عمرك
انا اتكلم عن الي بيني وبين فهد ولا انت الي في خاطرك حطيته وكلشي
واضح مثل نور الشمس وتقول ماعرف ناصر ياخوي اتق الله لاتحلف

الشريف على شحم , ومع نفسك , وفسر مثل ماتبي ,

ردك غير شافي يا محمد
اقولك اخطيت في سبك لي وانا ماني بموجود ...
والسبب انك فهمت معنى ثاني غير اللي موجود في المحاورة...
كيف تسب خويك في قفاه ، هذا الكلام ما هو بلك ...

ايه ادري مابيني وبينك الا الطيب من اول...
وهذا اللي يخليني استغرب واشره واقول عيب وعيب وعيب...
ما سبيتك ولا سبيت ربعك ولا تعرضت احد منهم ...
وانا اللي من الناس اللي تعرفهم يعارض مساله التعرض للقبائل في المحاورة ...
فكيف تسبني في قفاي ...
اني ابو عجب صدق! عز الله انك مخطي ومخطي ...
قلي في وجهي هوني تعرضتك بشيء ، فابشر بالحق؟!
اما انك تسبني في قفاي فلا والله العلم ذا ما ينسكت عليه...
يالربع تكلموا ... قولو كلمة الحق!!!

يجي منك اكثر يالجهيني

ابد يالهباش ابشر بحقك اذا كنت انا مخطي وان كنتوا انتواالمخطين
فلي مثل ذالك وانت ياخوي والله ثم والله يافهد ان مابيني وبينك الا
الطيب وكل علم غانم واني استحي اقول مثل هذا الكلام فيك
ولاكنك حديتني على شي ماودي به انا فسرتها على هذا التفسير وان كان خاطي فبشروا بالحق ومايلحق الحق
وعبد الله اخ ولا بيني وبينه الا كل خير والله اني اتواصل انا وهو جوال وكلش بس هذي اليومين بعد رديته هو
وترانيم المطر في الشعر والشعراء والكلام الي اعطوه عررفت انه بدا يدنس نفسه
ولا انت يافهد على راسي من فوق والي تبيه ابشربه لو انك المخطي علي خذها من ذا الراس والله اني
لك جمل بارك

وانا كذلك
والله انك تبشر بالحق اذا اخطيت عليك في كلمة وحدة اتكلم عن فهد الهباش سواء انت او ربعك

واذا تبين لك الحق ، وعرفت ان العلم ماهو بصوبك...
فابد مسامح ولا ابي منك الا انك تبين للعرب ، ان العلم ذا ماهو بيينا ، حنا اكبر من ذي العلوم يالخوي...
ولا اطلبك الا كل علم غانم ولا يهمني الا خوة الرجال ومعرفتهم ...

اما ما يخصك انت والسناني فابد العلم بينكم وانتم تقولون انكم على معرفه بجوال ، واللي بينكم بينكم..
اذا تبوني في صلح فحاضر ، اما مسالة ان لي علاقة باحد فلا ...
انا كل معرفتي بكم يالربع في المنتدى ذا ولا غيره...
وتشرفت بخوتكم ومعرفتكم ، ولا نبي الا القلوب صافيه ، ومزارق الطيب بيننا...
فكل منا يمثل ديره وربع ، وكلنا جميع نمثل شعر...
وصاحب هذا المنتدى له حق علينا ، ولا يجب انه يكون بيننا الا كل علم غانم....

وعند كلامي يالخوي...