ساحة الشعراء وابداعاتهم تعال شاركنا ببيت او بيتين

بين جفنك وعينك الف معنى ومعنى
.................... وش بقا للقصايد يوم ترخي جفونك
انت ياللي بزينك جيتنا تنتزعنا
.................... وسع الصدر وارحمنا على هون هونك
انت والله لو انا بنسري رجعنا
.................... لا انتها زين غيرك كنهم يبتدونك
حي ذاك الحلى فيك عنه انقطعنا
.................... مبطيـ(ن) ما ورد الزين من يشبهونك
كم بغيناك في وصف وانا اقول ضعنا
.................... عجزت ابيات شعر معذبك يا صفونك
كم شرينا بسوق الوصف غيرك وبعنا
.................... وانت مهما وصفنا كله يطيح دونك
يا مضيق صدور البيض في مجتمعنا
.................... والله اني و شعري ما قوينا عيونك
تذكر النظره اللي من وراها اندفعنا
.................... يوم تقبل سكونك مختلط مع جنونك
ما تكلمت لكنا سمعنا واطعنا
.................... وكن هالناس مثلي كلهم يفهمونك
جيتنا في غرور ورحت تعلن ولعنا
.................... لوك تبيع حكيك والله اني زبونك
يوم قفيت والله ثقلنا ما نفعنا
.................... خذت ناس وناس ودهم يتبعونك
دام قلبك كبير راهي يتسعنا
.................... ظفنا فيه ولا ظفنا في ردونك
اثر للزين هيبه تونا ما اقتنعنا
.................... اقر لا جيت تطلع وانتبه يحسدونك
لو معانا سكاكين لك الله قطعنا
.................... بس ربك حميد وقطعتنا عيونك

بعض الجروح إن جت من أغراب عادي **** الجرح موت الجرح لاجاء من أحباب

قلت : اصبري ، قالت : انا اقولك زين ؟
قلت : اتمنى ماتكوني بخيله
ضمت يديني .. قلت: توك تحنيــــــن
قالت يدينك بس ؟ هذي قليله
يوم احضنتني دمّعت ، قلت : تبكين
قالت : اظن الدمع (أصدق وسيله)
ردّت ، وقالت : وش عذاب المحبـــين
قلت : الغياب ! وفي عيونك دليله

علمتك... القلب الوفي مااايخذلك فيه (إنتمـــــــاء )

وعلمتني... كيف القسم في من تحبه يخذلـــك

علمتك إن أصل الهوى .. يرجع لكلمة ( إحتــــــــواء )

وعلمتني.... ان الهوى .. ماعاش يوم بـــ داخــــــــلك

ماتستحي ودامك كذا افعل حبيـــــــي ماشـــاء

تونــي عرفت ان كثر ماأعرفك .. كنت أجهلك..!

ماعاد تفرق غيبتك أو رجعتك عندي ســـــــواء

كنت إهتمامي ورغبتي وألحين دوري أهملــــك

لا صار قلبـــــــــــــــــــي لك وطن أبسألك وين الولاء

وشلون حال المملكه دام ((الخيـــــانه)) من ملك!!

قبل انتهي عندي أمــــــــر ماهو طلب ولا رجاء

لا يشغلك ماضي انتهى .. ركز على (((مستقبلـــــــك)))....

محتاج لك بأدفّي يديني من ملامس يديك

هالثانيه بالضبط ما أظن الشعور يفوتها

عندي قصيده ودّها من خالص إحساسي تجيك

حتى معانيها تبي تاصلك .. قبل بيوتها

قصيدةٍ يرجع سبب تركيبها منّك وإليك

وانت تعرفها من ملامحها وبحّة صوتها




يتبع

إي والله أحبّك ولا زلت أعشق وصالك وأبيك
وفي خاطري لك هيبة ملوك العرب ببشوتها
لا جيت أبشكي لك رجعت وقلت وشلون أشتكيك !
وأسكت لو إن جروح قلبي ما تطيق سكوتها




يتبع

لا تكثر ظنوني عليّ .. وتكثر ظنونك عليك

نفسي فراقك ضيم حالتها .. وقربك قوتها

أموت لك \ أموت منك \ أموت معك \ أموت فيك

ضع خط .. تحت الموته اللي تعجبك وأموتها

الوقت يسرقنا وفات العمر في حروة رجاك ** الحظ عيا لايجي والقلب عيا يقتنع

حلما بنيته في المساء والصبح يهدمني جفاك ** لكن ياوجه الرضا اعطف اللي بك ولع

...معالي الحب من بعد - التحيه

أمانه روح لآ تسأل .. عليّه

أنا مرتآح من غيرك وأفضل

بليا شك و ( جروح ) وأذيه

أطيعك .. لا .. كنت [ أول ] أطيعك

وأجي بـ إحساس عآلي وشاعريه

أنا طاوعت شورك كمّ مرة

ولآ حصلت ليّ عيشة هنيّه

أنا قررت م أحب إلآ عمري

غرور أو مايسمى ( النرجسيه )

هديتك أغلى شي عندي وجودي

ولا شفتك محافظ عـ الهديه

وأبشرك صرت أخر أهتمامي

على الهامش ولا لك أولويه