رمالها هـيّ الذّهـب يالمغلّـي

رمالها هـيّ الذّهـب يالمغلّـي

يا ما حلى هبّـه علـى المستظلّـي=دون الحيود اللي تعلّـى الزبـارا
ويامرحباً باللـي تتابـع وفلّـي=من عسّته صدري لمس ما استثارا
ماضي مضى في فيّتك يالمطلّـي=وحاضر حضر حدرى ظلال الجدارا
ياعيشتي قلبـي قلـب مستملّـي=أسبابها فرقـة وطـن والدّيـارا
في شرق حدّي غربةٍ في محلّـي=ضيفٍ نزل في حدِّه و لـفّ دارا
لاغدّرت ثم جا القمـر مستهلّـي=بسطحه الباهـي رِسِـمْ درّ دارا
زاد الفرح يا سـدّ والهـمّ تلّـي=أيّام مطلاعي وشوف الخضـارا !
تطرب لصوتٍ جرّته من المعلّـي=دندن عصيـرٍ دندنـه لـه يـدارا
جعْل الحيا من فوقها ما يولّـي=رعده تبـارق قصفتـه كالعيـارا
نوّه تبـع نـوٍّ صبـوب مهلّـي=سيله غِطِى الوديان.. يملى القفارا
ومن الظّما مابلّنـي عَـلِّ واللـي=مدّ البقـاع ومـدّ زُرْق البحـارا
ماغيرهـا قـاع ٍ عليهـا تحلّـي=يام وهمـدان ٍ طـوال العمـارا
رمالها هيّ الذهب يالمغلي=واقصورها (فدروبهـا) عزّ انارا
وكثر الثمر يدني غصونه يدلّـي=وزاكى البشام ينشّره هبّ سـارا
وحطّ الولع فجبالهـا رفّ شلّـي=وسرب القطا و سرب الدرج ما توارا
ومسك السّمر يجذب بعيدٍ مفلّـي=شوق لفراش ٍ والنّحـل والبكـارا
وابارها ماها قـراحٍ وزلّـي=يجرى فسواقي قدّته فى المسـارا
يسقي بلادٍ نخْلهـا صـفّ طلّـي=تمره بيـاض ٍ والتّمـر للخيـارا
ياالله تعالى طالبـك طلبـةِ لّـي=طلبة فريـدة شـفّ والإختيـارا
تستر عليها مـن ظلالـك تظلّـي=ديار نجران القرى والصّحـارا
متهيّـض ٍ.. متوقّـدٍ.. مستكلّـي=دمعه قرب ثم فـزّ قبـل العبـارا
داعيك ياالله طايـعِ لّـك مصلّـي=ربّي صلاتـي والسّـلام لمنـارا

المصدر: الملتقى الجماهيري للشاعر محمد بن فطيس المري

يا مرحبا باللي لفانا مطلُي=عد النجوم وعد ذر الزبارا

ترحيبة تنساق لك من محلُي=ويديرها التفكير يوم استدارا

ينفح شذاها عطر مسكٍ وفلٌي=وعقول خلق الله فيها حيارا

قصيدتك بدرٍ لنا مسفهلُي=منها عقول اللي قراها سكارا

يوم انت راعيها بارحب واهلُي=لنُا وجدنا منك عز ووقارا

محسن ارحب وحياك الله بين اخوانك يا غالي

وصح لسانك على هذه القصيده الرائعه

تقبل تحياتي وخالص تقديري

صح السانك يالغلا

الف شكر لك على الابيات الجميله

مبدع ولاهنت

بانتضارك

ماشاء الله على شاعريتك يامحسن


قصيده اذهلتني واذهلتني قافيتهاا ..

لا شك أن خلف هذا النص نصوص شعريه ننتظرهاا

صح لسانك مدد لا عدد يالقرم ولا حرمنا نبعك ..


لابغيت اختار بيت ابيّن اعجابي بالقصيده به وجدت كل الابيات تقول الزين عندي

فإعذرني لان جمال حرفك وضعني في موقف محرج عند الاختيار .


الله لايهينك يابو سبعان وان شاء الله تمتعنا بجديدك

لك جزيل التحايا

صح لسانك ياأخوي
وتسلم يمينك على هالقصيده الراائعه.

جعْل الحيا مـن فوقهـا مـا يولّـي
رعـده تبـارق قصفتـه كالعيـارا
نـوّه تبـع نـوٍّ صبـوب مهـلّـي
سيله غِطِى الوديان.. يملى القفـارا
ومن الظّمـا مابلّنـي عَـلِّ واللـي
مـدّ البقـاع ومـدّ زُرْق البـحـارا
ماغيرهـا قـاع ٍ عليهـا تحـلّـي
يـام وهمـدان ٍ طـوال العـمـارا
رمالهـا هـيّ الـذهـب يالمغـلـي
واقصورها (فدروبهـا) عـزّ انـارا
وكثر الثمر يدنـي غصونـه يدلّـي
وزاكى البشام ينشّـره هـبّ سـارا
اللهم امين ،
صح لسانك يامحسن وبيّض الله وجهك يالامير ،
نص رائع مفخّم بالجزاله والتصوير والعقلانيه في الطرح ،
شكرا ً من القلب على هذه المميزه ،
ولاشك نحن ُ موعودون مع اكثر من هذا النص في قادم الايام
تحيّتي لك

محسن بن سبعان

تسلم يمينك على القصيده المميزه

تقبل مروري

	اللهم إنه قد حضـر شهر رمضـــان فإذا بلغتناه فاعنـّا عليه وتقبـّله منـّا. لا إله إلاّ الله ..استغفر الله ..اللهم إني أسئلك الجنّة وأعوذ بك من النار.

	مبروك .. مبروك .. مبروك .. قرب شهر الله ..الشهر المبارك ((**شهر رمضــــان**)) الكريم .. الكريم .. الكريم .. العظيم .. العظيم .. العظيم..

الله يبقيك يا ناصر , والله يحييك أنت والجميـع .

صحّ الله لسانك ولاهنت والمشاعر مشاعر أخوية متبادلة ..

صحّ الله بدنك..
لك احترامي وتقديري.
إخيك.

عفواً لكِ صاحبة سمو
قرأتكِ تضيف الروح للنص ، وبدونها يبقى النص صامت ..

أخوكِ