بحر الهوى

بحر الهوى

ابيات متواضعة
للتواصل وعلها تشفع عن الغياب

بحر الهوى ياهوايه موجه وسيفه=مايرحم الي غرق به يابعد حالي
لو كل من عاش في دنياه من كيفه=كان الجفاء مارضيته فأول وتالي
لاشك يحدى مجال العشق لأرشيفه=قلب ٍ من الشوق ذاق المر والحالي
ياليل ياليل وان عرضت لي طيفه=ابقى على كل شكري دون موالي
عليك من لوعات الولهان تكليفه=تلفي بروح الغلا في حزة اوصالي
يالي فوادي رهينك دون توصيفه=يامورد الخد عطني سيرة الجالي
ياشبه صفر ٍ مع الفريس تسريفه=في مقدم القوم لاجي راسها اجفالي
لاومة بها الريح تطرق لومة العيفه=تزوغ من عزمها للصحصح العالي
لاياعنود الفلا في روضت ٍ ريفه=يعبالها كل صياد ٍمن الفالي
روفي بحال المولع يوم تنصيفه=ماله على لوعة الفرقى ولاوالي

ابو نايف الروقي

المصدر: الملتقى الجماهيري للشاعر محمد بن فطيس المري

ياسلام ياسلام ياسلام نعم تشفع للمبدعين والشعراء المتميزين شرؤاك يابونايف مافيك حيله مبدع مبدع الى آخر نقطه

الله عليك يابو نايف

صح الله لسانك

صح لسسسسسانك يابوووو نايف ولاهننننت

يامرحبا يابو نايف حياك الله ,,

صح الله لساانك وصح قلبك وكلك ولاهنت ,,

وهالقصيده مجمله وانت مجمل معذور عن غيابك والله يعينك ,,

لكن ترااني انتظر المزيد من الجديد تحياتي وكل تقديري لك شاعرنا الغالي .

روفـــي بـحــال الـمـولـع يـــوم تنصـيـفـه

مـالــه عـلــى لــوعــة الـفـرقــى ولاوالــــي

يا هلابك يابو نواف
ومن طول الغيبات جاب الجزيلات
وصح لسانك على هــــ القصيده الممتعه والعذبه
تحياتي

صح لسانك يابو نايف

جزله من شاعر جزل ،،

لاهنت يالقدير
،