معوض خير ~~

معوض خير ~~

السﻼ‌م عليكم ورحمة الله وبركاته
هذه القصيده معلقه من معلقات هذا العصر
لشاعر الحكمه : الشاعر : عبدالله الطلحي
يحكي فيها عن تجاربه في الحياه
اترككم مع القصيده
واتمنى ان تنال على اعجابكم


معوّض خير ياحيٍ تهقوى في الزمـان ومـال
سنينك لو رقيـت بعدلهـا يطرحـك مايلهـا

تعلّم وإعرف إن الدرب قدامك سهـل وجبـال
جبـال تطولهـا وجبـال بعيونـك تخايلهـا

ومعوّض خير ياحيٍ وردت الماء بدون حبـال
يطول بك الوقوف وشربة المـاء ماتحصّلهـا

وقوفك عند راس البير مايسقيـك لـو فنجـال
وﻻ‌ينفعك شوف الجمـه اللـي منـت طايلهـا

ومعوّض خير ياحيٍ خدعك من الرجال أشكال
تشوف أشكالها وتحطها أرفـع مـن منازلهـا

تعلّم من زمانك ﻻ‌تصير مـن أجهـل الجهـال
ترى في كل يوم تجيـك عبـره ﻻ‌ تجاهلهـا

إذا ربي وهب لك عقل تلقى في الرجال رجال
تعرف اللـي يطلّـع قيمتـك واللـي ينزلهـا

ترى من بعض ما يندي الجبين ويحرج الرجال
ليا سـاق الميانـه فـي نفـوسٍ مـا تقبّلهـا

ومهما شفت في صاحبك من نخوه وطيبة فـال
ترى بعض السجايـا كثـرة اﻹ‌لحـاح يقتلهـا

معاريف الرجال ديون وديون الرجـال ثقـال*
لياصرت متعافي ليش تغـرق فـي جمايلهـا

رصيدك في حياتك سمعتك مع طيبيـن الفـال
رجال الطيب والمعروف بالمعـروف عاملهـا

وﻻ‌تبدي بجاهك فـي مقـامٍ مايسـر الحـال
وﻻ‌ تشفـع لنـاسٍ ماتنومـسـك بفعايلـهـا

ليا جاتك تعذّرها مـدام العـذر لـه مدخـال
ووقت الجد قول لهـا الصحيـح وﻻ‌ تجاملهـا

وخذ مني نصيحه ﻻ‌تصـدق كـل مـا ينقـال
يجـرك للنميمـه ليـن يطرحـك بحبايلـهـا

يجيلك ناقـل النمّـات بهـروجٍ تغـث البـال
سوالف في قفاك وحظك أطيب يـوم تجهلهـا

يبـرر بالحميـه والصداقـه شينـة اﻷ‌فعـال
يجمّـل صورتـه بعلومـه اللـي ماتجمّلهـا

ولو كانت حميه فيك رد المخطيه فـي الحـال
وﻻ‌كان إستمعها فـي قفـاك وجـاك شايلهـا

ترى من جاب لك ودّى وهذي عـادة النقـال
يحاول يقتنص من فمك كلمـه ﻷ‌جـل ينقلهـا

ومثل ماقال عندك راح عنك وعند غيرك قـال
وزوّد عشر فوق الكلمـه اللـي كنـت قايلهـا

تجنّب مجلسه ﻻ‌تجلس إﻻ‌ مع كريـم خصـال
تحمّـل ميلتـه وإن ملـت ميلتـك يتحمّلـهـا

وﻻ‌تصبر على الجار الردي لوهي ثﻼ‌ث ليـال*
تضـرك جيرتـه لوكـان بيبانـك تقفلـهـا

وبيع الدار بأول سومةٍ تعرض علـى الـدﻻ‌ل
ورزقـك عنـد ربٍ كاتـب اللقمـه وكافلهـا

وبنتك ﻻ‌تزوجها الردي لوهـو كثيـر المـال
تربيهـا علـى الطـاﻻ‌ت وتشـوّه سﻼ‌يلـهـا

وكم من ﻻ‌ش يرمي خيبة إبنه فوق راس الخال
لوإن الخال من روس الرجال ومـن دﻻ‌يلهـا

ليامنك عرفت تميّـز الطيّـب مـن البطـال*
وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال*
وتعلمت الفراسه فـي الوجيـه اللـي تقابلهـا

بعد هذي ترى مالك غنى عن صحبة العقّـال
يدلونـك بـرايٍ ينقـض الدعـوه ويفتلـهـا

يقولون الرجال اللي سوالفهـم حِكـم وأمثـال
ليامن ضاعـت الحيلـه يـدل القـوم عاقلهـا

نصيحة واحدٍ جرّب وشاف من الزمان اهـوال
يقدّم لـك خﻼ‌صـة هجـرةٍ جـرّب هوايلهـا

تحياتي لكم ..

المصدر: الملتقى الجماهيري للشاعر محمد بن فطيس المري

روعه يعطيكـ العافيه يارب

ابيات رائعه
تسلم الانامل المبدعه
ربي يعطيك العافية

فرح
تذكار الغلاا
اشكر للكم تواجدكم يا الغوالي
دمتم كما تحبوووون
ودي '