مجاراتي الثانيه لأبيات أبو حمد((غبينة))2

مجاراتي الثانيه لأبيات أبو حمد((غبينة))2

بسم الله الرحمن الرحيم
السلام عليكم ورحمة الله وبركاته
حياكم الله في مجاراتي الثانيه لأحد قصائد ابوحمد المعروضه في إحدى التصاميم ولا أنسى المبدع الذي يقف خلف هذه التصاميم الاكثر من رائعه..
بعدمدة من الإنقطاع عن كتابة المواضيع حبيت أشارك بأبيات إرتجلتها مجاراة لهامة الشعر العذري محمد بن حمد بن فطيس..

يقول:
جعل صبح الوصال وجعل شوف الربيع .. بعد ليل الفراق وبعد شوف الدهر
شفت وشلون صرنا بعد كنا جميع .. اشهد انها غبينة وش غبينة قهر
جيت قدني مودع والخفوق بيميع .. في ظلام المفارق صبح وصلك ظهر
رد روحي بصوتك وقتنا لا يضيع .. في غيابك دموع وحزن كبد وسهر

فرديت :

صح منطوق من له مهر جزله مطيع ... فارس مايكوده في الجزاله مٌهر
بنت صوغان مهره ما تعرف التبيع ... في الميادين وجه ومن تبعها ظهر
شدني حرفه اللي سهل لكن منيع ... لو خفوقي بغيره ماألتفت وانبهر
سطوته مثلها مثل القطار السريع ... جاء وعدّى على من هو سبق واشتهر
وسلامتكم جميع .. أتمنى أن تنال على إستحسانكم

المصدر: الملتقى الجماهيري للشاعر محمد بن فطيس المري

مبدع اخوي عبدالرحمن مبدع
ما شاء الله عليك

صح الله لسان ابوحمد وصح الله لساانك

وعلى كذا ننتظر الجزء الثالث والرابع واكثر واكثر
لتمتعنا بمجاراتك الرائعة لعلم وقامة شعر مثل ابو حمد

تحياااتي عبدالرحمن

سلام عليك يبو عبد المحسن مافيك حيله جعلك تسلم
عندك علوم زينه بس تبخل علينا وانا والله يعجبني شعرك بدون مجامله
تحياتي وصادق ودي وتستاهل التقييم

اقتباس المشاركة الأصلية كتبت بواسطة فهد الهباش مبدع اخوي عبدالرحمن مبدع ما شاء الله عليك صح الله لسان ابوحمد وصح الله لساانك وعلى كذا ننتظر الجزء الثالث والرابع واكثر واكثر لتمتعنا بمجاراتك الرائعة لعلم وقامة شعر مثل ابو حمد تحياااتي عبدالرحمن

لاهنت ياأخوي فهد على مرورك والابداع نتعلمه من اللي شرواك .. وصح الله بدنك
ومجاراتي لقصائد أبوحمد جات من باب الارتجال لا من باب القصد لكن الشرف لي بمجاراته ومرورك الراقي ..

اقتباس المشاركة الأصلية كتبت بواسطة سعيد محمد القحطاني سلام عليك يبو عبد المحسن مافيك حيله جعلك تسلم عندك علوم زينه بس تبخل علينا وانا والله يعجبني شعرك بدون مجامله تحياتي وصادق ودي وتستاهل التقييم

لاهنت يا أبو محمد على مرورك الراقي .. وشهادتك أعدها نوط شرف على صدري.. وعلومك هي الزينه يا ابومحمد لكن والله ما يحول بيني وبين المتابعة في الطرح في هالمنتدى إلا ظروف خاصه حالت بيني وبين أي شي من كم شهر لكن اللي مثلكم يعذر ..
ولاهنت ومشكور على تقييمك .. مرورك شرف

صح لساااانك عبدالرحمن
وصح لسااانه محمد
ابدعت بالمجااارآهـ
الله يحفظك يااارب

اقتباس المشاركة الأصلية كتبت بواسطة الماسـه صح لساااانك عبدالرحمن وصح لسااانه محمد ابدعت بالمجااارآهـ الله يحفظك يااارب

صح الله بدنك والابداع منك وفيك ..
مرورك شرف,,

صح لسانك ياعبدالرحمن ... جزل وتختار الجزل ...لاعدمنا ابداعك وننتظرجديدك
تقبل تحيات اخوك ... ودمت بكل خير

عبدالرحمن حياك الله ,,

صح الله لسانك وصح كلك ولاهنت مجاراه جزله ولاهيب مستغربه منك مبدع ,,


لك كل شكري وكل تقديري .

صح الله السانك والسانه

مجاراة رائعة وأبيات جميله

لا هنت شاعرنا

تشرفت بمروري هنا

أختك