ياذا النجوم الساهر ,, صوت وصدى .

ياذا النجوم الساهر ,, صوت وصدى .

بسم الله الرحمن الرحيم ,,

السلام عليكم ورحمة الله وبركاته ,,

اسعد الله كل اوقاتكم بكل خير وكل سرور ,,


اقدم لكم مساجله قديمه بيني وبين الشاعر القدير والاخ العزيز حمزه عبُيد العضياني ,,

فيقول ابو عبدالله ,,

يـاذا الـنـجـوم الساهره تـالي الليل=وشلك بـعـيـن ٍ صـبحـهـا مـاتـنـامـي
غيبي ترى ماعاد لي فالسهر حيل=والعيـن قافيها العمس والعسامـي
اشوف نـجم الجدي واراقـب سهيل=واقـول لـبـن سهـيـل ردو سـلامـي
بهديك صاف الكيل يوافي الـكـيـل=مـحصولنا مـن جـايـرات الـعـوامـي
اصبر على الصكات وارج المقابيـل=لابـد مـايـجـبـر كـسـيـر الـعـظـامـي
لابـد للاشجـار سيل ٍ بـأثـر سيـل=تـروى عـروق ٍ يـابـسات ٍ ظـوامـي
والثانيه صـاحـب زحول الـريـاجيـل=نورك ليا مـنـه غـطـاك الـظلامـي
اتـرك غـراب الـبـيـن راع الاقـاويـل=الـي يـزود فـالـحـجـج والـكـلامـي
فالوجه حطك فارس الطيب والخيل=واليا اقتفاك تذوق سم السهامي
والطير لمن طاح وسط المحابيـل=فكه وتجـزى عـنه يـوم الـزحـامـي
والثالثه فالحب تلقى الغـرابـيل=لاصرت تعشق لابسات اللاثامـي
العشق عشق مسبلات المغازيل=في حبها شيخ العرب مايلامـي
واختامها بر العظام المناحيل=والي على شانك يضيم ويضامـي
يجمع ويعطي صافيات المحاصيل=هو الذهب وسط البلد والسنامـي

المردود عليه,,

بأسم الذي باقي وخلقه مراحيـل=الواحد المعبود رب الانـامـي
بأمره تسوق الريح ثقل المخاييل=الواحد الباري جليل الاسامـي
يأمن حميت البيت من صولة الفيل=يوم أبرهه بالجيش شد الحزامـي
وارسلت من فوقه طيور ٍ ابابيـل=ترمي حجرها في صليب الجمـامـي
وانت الذي وحدك عليك التواكيـل=وانت الذي تشفي عليل السقامـي
ومن بعد ذكرك ابتدي بالتماثيل=وابدع على رد الفهيم الهمامـي
جـاب الـبـيـوت ولاعـطـاها مـراسـيـل=راع الوفاء والطيب نسل الكـرامـي
يامرحبابه عد مزن ٍ هماليل=وعد البروق المنوره فالغمـامـي
ياراعي الوقفات نسـل الحلاحيل=من ساس قوم ٍ يحتمون الجهامي
يوم الردي كبل عن الحرب تكبيل=انتم ورود ٍ له بحد الحسـامـي
واليوم في نعمه وكل الجهل زيل=وارض ٍ نقيه من جنوب ٍ وشامـي
ومحصولكم يرشد به الجيل للجيـل=علم ٍ صحيح واضح ٍ بالتمامـي
وماكل كسر ٍ لاجبر يقدر يشيل=يمكن يزيد الكسر ثقل الجسامـي
واهل الردى مالي وراهم مناويـل=اهل الشتم والسب واهل النمامـي
العود قال ابعد عن الي بهم ميل=واتبع قروم ٍ ماتحب الحرامـي
واحذر من الي فالقى وجهه حليـل=وقلبه مثل لون الدجى والحمامـي
هذى المنافق ياعساه بغرابيـل=وعساه في وسط اللهب والحطامـي
والعشق عشق ام الرموش المضاليل=لاصرت في درب المحبين ضامـي
بنت ِ شريفه ماعليها مداخيل=من ساس قوم ٍ كلبوهم حشـامـي
واختم كلامي بريحة العود والهيل=والعذر لاقصرت فاخر كلامـي

وسلامة نواظركم ,, خالد العبيريد .

المصدر: الملتقى الجماهيري للشاعر محمد بن فطيس المري

صووووووووووووت وصددددددددى
صح الله لسان الشاعر العضياني وصح الله لسسانك يا خالد العبيريد
جزاله وعالم من الإبداع
تشبعت شعر هذي الليلة وقل ما نجد هذا الشعر الفاخر
مبادئ وقيم وخيال من كلا الشاعرين
لله دركم اثنينكم وصحت السنتكم مره ثانيه
وبنتظار القادم يبو سيهل
تقبل مروري أخوك الصغير عامر صالح ال شنيف

واهل الردى مالي وراهـم مناويـلاهل الشتم والسب واهـل النمامـي

العود قال ابعد عن الي بهـم ميـلواتبع قـروم ٍ ماتحـب الحرامـي

واحذر من الي فالقى وجهه حليـلوقلبه مثل لون الدجـى والحمامـي

هذى المنافـق ياعسـاه بغرابيـلوعساه في وسط اللهب والحطامـي

لاهنتم وصح الله لسانكم على هالمجاراه الطيبه

ياسلااام ياسلااام
والله ابدعتو بيض الله وجيهكم صح لسانه ولسانك اخي
خالد قصيد رجال وعلم رجال حييكم وحي ذا المجال
تقبل تحيات وتقدير اخوك سعيد ولاهنت

الشنيف + المطنوخه + سعيد ,,
حياكم الله جميعا ً ,,

صح الله ابداانكم وصح قلوبكم ولاهنتم على حضوركم المضئ وتعليقكم العذب ,,

كل الشكر والتقدير لكم ووافر الاحتراام .

صح لسانك ياخالد وصح لسان ابو عبدالله كلكم شعار جزلين واهل قصيد جزل

حياك الله يابو نايف ,,

صح الله بدنك وصح قلبك وكلك عني وعن ابو عبيد ولاهنت شهاده منك على الراس من فوق ياغالي ,,

وافر احتراامي وكل تقديري لك .

الله الله ياخالد والله يالعضياني شعار جزلين ولافيكم حيله
صوت وصدى ترد العافيه تسلمون وتسلم يالاخ خالد على طرح
مثل هذه القصايد الرائعه جعلك غني
تقبل المرور واعذر القصور

ماشاااء الله . .
صح لسآانك خآالد
وصح لسآانه صاحبك
مبدعين والله وقصائد رائعه
الله يحفظكم يآارب . .

مافيكم حيله ي العضيان
صح لسانتكم وبيض الله وجهكم