الا اقفي النهار وقبل الليل ما دانيه

الا اقفي النهار وقبل الليل ما دانيه

\
/


إلا اقفي النهار وقبـل الليـل مـا دانيـه
معي ضيق صدر من تغـلاق الأشفاقـي

سقى الله ضحى ذا اليوم والعصر لا تسقيه
نهـار اجتمـاع حـل فيـه التفـراقـي

نهارسعيـد أولــه واقـشـر تالـيـه
توادعت أنا واللي لـه القلـب مشتاقـي

ويا قو عزمي يـوم قفـا وأنـا راعيـه
اجامل وأنـا لدمـوع عينـي تسيباقـي

نظرني بعين تخلف اللـي تطالـع فيـه
كما عين حر لابـرق الريـش لحاقـي

أنا خاطـري فـي خوتـه ودي أخاويـه
وروحي معه تنسـاق مـن دون سواقـي

ويا عاذلي لا تمحـن القلـب وتقاصيـه
تحاكيـه وجروحـه مراميـس وعتاقـي

لو انه يخلـي الحـب مـن وده يخليـه
تشوف المودة مـا بهـا واحـد شاقـي

إلا جيت بخفي لوعة الحزن مـا تخفيـه
عيون عبايرهـا علـى خـدي أطلاقـي

جبرني زمانـي وانتـزح واحـد اغليـه
وقلبي على شـوف المحبيـن محراقـي

أحبه وأحب اللي يجيبـون لـي طاريـه
ولـه مخلـص مانيـب للعهـد بواقـي

خذ الروح كله ما بقى لـه شريـك فيـه
وجعله فـدا لـه ماخـذه منـه والباقـي

عذابي من اللي يجرح القلـب ويداويـه
وهو راس مالي في البراري والاسواقـي

غدا كل همي في خيالـه وفـي طاريـه
وخليـت دورات المعيشـة والارزاقـي

تعايد على مواجهـه ويـن زيـد أجيـه
وقف منه وصلي وقفة الماء من الساقـي

\
/
\
/

المصدر: الملتقى الجماهيري للشاعر محمد بن فطيس المري

أحبه وأحب اللي يجيبـون لـي طاريـه
ولـه مخلـص مانيـب للعهـد بواقـي

الله الله علييك قصيده اليمه

وفيها احساس لوعه

وانتقاء راائع يدل على شاعريتك ,,,

أنا خاطـري فـي خوتـه ودي أخاويـه
وروحي معه تنسـاق مـن دون سواقـي

ويا عاذلي لا تمحـن القلـب وتقاصيـه
تحاكيـه وجروحـه مراميـس وعتاقـي

الله الله

قصيده رائعه ضامي الشوق يدل على شاعرها

وسلمت يداك

دائما مع ضامي يكون الابداااع .........

سلمت يمينك واحلى ++++

اقتباس سقى الله ضحى ذا اليوم والعصر لا تسقيه نهـار اجتمـاع حـل فيـه التفـراقـي نهارسعيـد أولــه واقـشـر تالـيـه توادعت أنا واللي لـه القلـب مشتاقـي ويا قو عزمي يـوم قفـا وأنـا راعيـه اجامل وأنـا لدمـوع عينـي تسيباقـي نظرني بعين تخلف اللـي تطالـع فيـه كما عين حر لابـرق الريـش لحاقـي

ضامي الشوق .. يارعي الذوق أبيااات لامست
القريحه .. تقيييمي

خذ الروح كله ما بقى لـه شريـك فيـه
وجعله فـدا لـه ماخـذه منـه والباقـي


صح الله لسان الشاعر لاهنت أخوي ع الذائقة الرائعه

ويا عاذلي لا تمحـن القلـب وتقاصيـه
تحاكيـه وجروحـه مراميـس وعتاقــــــي

صح لسانك الشاعر... جزلـــــــة جدا ++

إلا جيت بخفي لوعة الحزن مـا تخفيـه
عيون عبايرهـا علـى خـدي أطلاقـي

جبرني زمانـي وانتـزح واحـد اغليـه
وقلبي على شـوف المحبيـن محراقـي


ورررربي ابدااااااااع
يعطيك العافيه ع اختيار هالقصيده الرووووووعه

اخوي الغالي يسلم ذوقك
لاهنت يالنوماس

اقتباس المشاركة الأصلية كتبت بواسطة هايمه في ابن فطيس أحبه وأحب اللي يجيبـون لـي طاريـه ولـه مخلـص مانيـب للعهـد بواقـي الله الله علييك قصيده اليمه وفيها احساس لوعه وانتقاء راائع يدل على شاعريتك ,,,

تسلمي خيتو

على المرور العذب