صوت وصدى ( بدر الجحلي وفهد الهباش)

صوت وصدى ( بدر الجحلي وفهد الهباش)

هذا الصوت والصدى كان مباشر على أحد المنتديات :

أبيات وصلتني من اخوي الشاعر بدر الجحلي الله يمسيه بالخير ،
وكان هذا نصها :

قـم يافـهـد قـم شلني شعري غـدى رث وركيك
يـمـيـل لـه ذهـن الـفـقـر وأمـا الغني ما مال له

شرف على رجـم الشعر ليـن إتضح بإنه مليك
ثـم انـقـلـب يـوم انـقـلـب مـن له يدي اتواصله

مـا قـد غـبـنـي شـي اكـثـر مـن وجـيـه تفتديك
واقـوالـهـا وقـت الـرخا نار كـمـاهـا شـاعـلــه

يـبـقـى قـدحـها يـغـتـلي والفوح ما يخفى عليك
تـلـقاه ياصل للسـما وأرضه شـعـيـب قـاحـلــه

ان دامـت الـدنـيـا سعه فابـشر بسيفٍ في يديك
وان كانـهـا مـالـت كـذا ولا كـذا حـان آجـلــه

بعـض الـبـشـر معـك معك لك القدر ولا عليك
وأمـا البعـض معـك معـك لـيـن اتـوسّـد مايـله

ودك يـغـيـب ابـغـيـبـته ولا تـجـيـه ولا يجـيـك
شـخـص يـوحّـد قـمـتـه والمعمعه في ساحـلــه

نـفـسه لمنها وقّعت مـثـل الـذي كـل مـا يحيـك
شـتّ الـذي حـاكـه عـلـى نار سـعـيـر وهايـلـه

للشـوف فـي لـيـل الـدجـى عـيـن تبيّن له حليك
والقـلـب لـولا ذاهـنـه مـا صـد مـمـا ايـشاغـلـه

ليجـاك من له تنبسط وأخص منهـو منـك فيك
تحـسـر لما شفته جفـل وأصعب ظروفك حايله

تمسـي عـلى موعـد سهر والهم للسهـرة شريك
والـصـبـح لايـح فـجـتـه يـوقـض بـواق عـايـله

حـكـيـت شـي داخـلي وأخيك ما عـاده باخـيــك
تجـمـعـت خـلفـه غـسـم وهـو عـيـونـه غـافـلـه

لا جـاك داك وهـاك مـنـي قاف مني لك وإليــك
مبـداه دعـوة يافهـد .. واختـامـه ابـدع شـاملـــه


ورديت عليها بها الابيات ، لعلها ان تكون اوفت بالمعنى: ،

فـي ليلتـن فيهـا هجـوس أهـل المشاعـر تحتريـك
يـاقــاف لا تـبـطـي عـلــي هـمّــي بقـلـبـي شـايـلـه

جاني جواب(ن) مـن بـدر لا هـو بـلا غـث وركيـك
مــا أقــول غـيـر الله يـصـح لسـانـه الـلــي قـايـلـه

ياقـاف مـن حيـث انتهـى المعـنـى بــورّد وابتـديـك
مـــادام عـيـنـي خـايـلـت بــرقــن بـعـيـنـه خـايـلــه

يابـدر بـن علّـوش هـذا هـو زمـن عطنـي وأجـيـك
سيلـن حـدر وليـا انتحـى الــوادي وقــف مسايـلـه

يـابـدر والله مـــا يـــودّك كـــون رجـلــن يرتـجـيـك
واستـغـفـر الله بـالـوفـى بـاقــي رجــالــن طـايـلــه

يـابـدر نقّـضـت الـجــروح ولا بـقــى مـــا يهتـنـيـك
إلّا دمـوعـن شفتـهـا مـــن فـــوق خـــدّي سـايـلـه

ياصـاحـبـي دوس الـخـطـر ولا تــهــمّ ولا عـلـيــك
وابـشــر بـنــا لا دارت الـدنـيــا وجــــت متـمـايـلـه

يخسى الردي واللّاش والمعنى مع المعنى شريك
مـــن شـاعــرن هـمّــه بقـلـبـه يارفـيـقـي شـايـلـه

وسلامتكم ،
اتمنى ان تروق لذائقتكم ،
واعتر عن القصور،

المصدر: الملتقى الجماهيري للشاعر محمد بن فطيس المري

صح لسآانك فهد
وصح لسآانه بدر
مبدعين الله يحفظكم يآارب

لا لا يافهد اسمحلي هاذي تبي
روقان لـــي عووووووده

صح لسآنك ولسآنه

أكيد بتعجبنااا ..

صـــــــووت


ودك يـغـيـب ابـغـيـبـته ولا تـجـيـه ولا يجـيـك
شـخـص يـوحّـد قـمـتـه والمعمعه في ساحـلــه

نـفـسه لمنها وقّعت مـثـل الـذي كـل مـا يحيـك
شـتّ الـذي حـاكـه عـلـى نار سـعـيـر وهايـلـه

صدى


ياقـاف مـن حيـث انتهـى المعـنـى بــورّد وابتـديـك
مـــادام عـيـنـي خـايـلـت بــرقــن بـعـيـنـه خـايـلــه

يابـدر بـن علّـوش هـذا هـو زمـن عطنـي وأجـيـك
سيلـن حـدر وليـا انتحـى الــوادي وقــف مسايـلـه



صح السانه ولسانك ,, اخووي الكريم وشكرا لك على النقل الاكثر من رائع

حياك الله يافهد وحي الله عميلك ,,

صوت وصدى جزل وصح الله لسان بدر ولاهان بغيابه وصح الله لساانك ولاهنت وعزالله ابدعت على الررد بمعنى وقاف صحيح وجميل جدا ً قطفت منها بيتين والله انها تكفي على الابيات كلها منك شرد نوادر ,,


يابـدر بـن علّـوش هـذا هـو زمـن عطنـي وأجـيـك
سيلـن حـدر وليـا انتحـى الــوادي وقــف مسايـلـه

يـابـدر والله مـــا يـــودّك كـــون رجـلــن يرتـجـيـك
واستـغـفـر الله بـالـوفـى بـاقــي رجــالــن طـايـلــه

مابعدها كلام ,, لك خالص تحياتي وكل شكري وتقديري .

صح لسان الأخ بدر ابيات جميله
وصح السانك شاعرنا المبدع
صدى كان رااائع

استمتعت فيه كثير
لاتحرمنا ابداااعاتك
فنحن في تشوق دايم لجديدك
تحيه لروحك العذبه

الله يحفظك .. ولاهو غريب عليك الابداع ...
صوت وصدى قمة ... تحياتي وكل تقديري لك ولبدر ... دمتم بكل خير

وها انا أعود على هذا وربما أعود وأعود
اخي فهد صح لسانك ولسان ابو بدر صراحه
أعجبني الصوت والصدى عزالله أنكم شعراء
وكلامكم مهذب وجزل بعيد عن تجريح الاخرين
الف شكر لك على هذا الا الصوت والصدى الجميل
تحياتي وصادق ودي واتقييمي

وانت سالم وغانم

صح بدنك يا سميي وصح السان بدر صوت وصدى وافي

شعراء فحول ما شاء الله عليكم بيض الله وجهك انت وبدر

تحياتي لك