الآ ياووجودي

الآ ياووجودي

قصيدة الا ياوجودي وجد من فاجاه ديان لوالد الشاعر محمد بن حمد بن فطيس .. الشاعر الكبير حمد بن فطيس حفظه الله

الا ياوجودي وجد مـن فاجـأه ديّـان=برغم اعتزال الناس من كثـرة اديونـه

بعد ما فضى جيبه وكفه وحالـه شـان=تناسـوه ربعـه كنهّـم مـا يعرفونـه

تناسوا مواقيفـه ولا كـن شـيٍ كـان=على غير ما ترضى الكرامـه يحدونـه

وهو كان منقع طيب منهل وفا واحسان=فلاشـك عّـوان الزمـان ايتحـدونـه

رفع كفه الخالي الي الخالق الرحمـان=عقب ما تصافوا كلهم ظلم مـن دونـه

سريع الفرج كافل برزقه جميع انسـان=قبل طلبته واعطاه ما خيّـب اضنونـه

على اللي سلب عقلي بسلهامة الاعيان=على العهد لو تبعد نحاياه مـا اخونـه

الى جيت باادله من خياله بعض الاحيان=يذكرّني القمري على الغصـن بلحونـه

يذكرّني القـد المخصّـر وهـو مليـان=تعزّال رسلانٍ علـى الضـو مركونـه

يتيم الوصوف وليّن العود غصن البـان=جميـل المحيـا والحجاجيـن مقرونـه

الى اوما بليل امجدله من على الامتـان=تخيّلـت كـن الليـل ممسـاه بمتونـه

والى طاح واسترسل وبانت لي الاوجان=تخيّلت نور الصبح وان الشفـق دونـه

لها بنّـة العطّـار واحكايـة المرجـان=مع اللول والرمّان كـن البـررد لونـه

معا ذا ..ولولا الميز باقول بنت افـلان=على شان مثلـي لاعشقهـا تعذرونـه

المصدر: الملتقى الجماهيري للشاعر محمد بن فطيس المري

رفــــع كــفــه الـخـالــي الـــــي الـخــالــق الـرحــمــان

عـقــب مــــا تـصـافــوا كـلـهــم ظــلــم مــــن دونــــه

سـريــع الـفــرج كــافــل بــرزقــه جـمـيــع انــســان

قــبــل طـلـبـتـه واعــطــاه مــــا خــيّــب اضـنــونــه

سبحانه الكريم المنان

صح لسانك يابومحمد على القصيده الاكثر من رائعه

لاهنت يابومشاري على هالمجهود الملحوظ في نقل قصائد والد شاعرنا المميزه

تحيااااااااااااااااااااااتي

يالبى العرب على هالقصيد اللي يستحق الحقظ


صح لسانه ابو محمد مدد لا عدد

والله لايهينك يابو مشاري على هالطرح الجزيل

صح الله لسانك يا بو محمد


ويعطيك العافيه ع الطرح يا ابو مشاري ولاعدمناك

دائما متميز
سلمت على روعه طرحك
نترقب المزيد من طرحك الرائع
دمت ودام لنا روعه مواضيعك
لكـ خالص احترامي

تناسوا مواقيفـه ولا كـن شـيٍ كـان..على غير ما ترضى الكرامه يحدونـه

وهو كان منقع طيب منهل وفا واحسان...فلاشـك عّـوان الزمـان ايتحـدونـه

صح لسآآآآآنك حتى ترضا الله يعطيك العافيه .

لاهنت يابو مشاري.

بيض الله وجه ابومشاري لي نزلنا ذا قصيده وصح لسان ابومحمد

يتـيـم الـوصـوف ولـيّـن الـعـود غـصـن الـبــان

جـــمـــيــــل الــمـــحـــيـــا والــحــجــاجــيـــن مـــقــــرونــــه
ٍٍٍٍٍٍٍٍٍٍٍٍٍٍٍٍٍٍٍٍ

صح لسانك ومنطوقك وماننحرم من الابداع المتميز,,
وتسلم ع الطرح الرائع والراقي ياابومشاري ودووم وانت متميز..

يذكرّني القد المخصّـر وهـو مليـان

تعزّال رسلانٍ على الضـو مركونـه

الله

الى اوما بليل امجدله من على الامتـان

تخيّلـت كـن الليـل ممسـاه بمتونـه

إبدااااااااع ولايستغررب منهم

ماشاء الله

صح الله لسآن والد الشاعر

وصحت يمنااك أخوي أبو مشاري

تحيتي

الله واكبر عليك ياشيخ محمد بن فطيس قمه فالبداع
وتسسسسلم ياأمير المنتد ابو مشاري