عزيز نفس

عزيز نفس

اما على ضو القمر والا بلاش امن النجوم
الذنب مو ذنبي انا كلن على تربايته
عزيز نفس وعزتي ماهي على حب الخشوم
اجبر خفوقي ينثبر ايلين ياصل غايته
لاطحت انا كبوه فرس اطيح لاكني اقوم
الموت من طاح وخثع كسّر واهو فبدايته
ياهيه قولوا للغضي تراه غالي ومحشوم
لايفهم المقصود قلبي جا يسلم رايته
لاواللذي خلا غلاته في خفوقي كوم كوم
ماجيتله كني طفل يبكي على لهايته
جيته كريم وبنصحه ياهيه بس يكفيك نوم
رحتني واليا متى واقول هذي فايته
اصد ماودي الومه وانصدم بأنه يلوم
غريب اي والله غريب ولاعرفنا مايته
المشكله بأني احبه جعل تفداه الرخوم
ودي اعالج خافقه واعرف وشنهي حكايته
حبة غلا قبل الزعل والثانيه عند اللزوم
شهرين يبقى عالدوى لما نشوف انهايته
ياهيه قولوا للغضي عن شي (ن) فبالي يحوم
واكيد ماشال الكتاب الا يعرف اقرايته
واكيد لله الدوام وغير ذاته مايدوم
والله عرف بالعقل سبحانه منزّل آيته
عزيز نفس وعزتي ماهي على حب الخشوم
الذنب مو ذنبي انا كلن على تربايته

المصدر: الملتقى الجماهيري للشاعر محمد بن فطيس المري

سلمت يمناك
الله يعطيك الف عافيه
بانتظارجديدك بكل شووق
ودي لروحك**

عزيز
والله تجنن تجنن تجنن القصيده
الله يحفظك يارب

اهات

الماس

لاعدمت مروركم الرائع

الله الله

صح لساااانه

ولاهنت ع النقل

.., عزيز


لله درك ياذووووووق اخترت فأبدعت

تقبل مروري

دلع العجمان

نايف الشمري

شاكر لكم مروركم الجميل