سحابة صيف

سحابة صيف

هذي سحابة صيف مرت كنني ماريتها
وانا على خبري بها من بعد ساقتها الهبوب

ابروقها ورعودها من حيها لاميتها
تنشى من المنشا وخصّت شعب من بين الشعوب

الناس شافت واسمعت من صوتها لاصيتها
بانت جلية واضحة من بعد شقّن الجيوب

تبدي وتخفي شي والمقصود في تبيتها
تخلص وتسعى جاهدة لدرب مابين الدروب

مرسومة ادروب العرب صبحتها مسيتها
محدنً مغير شي فيها لوتجمعن الخطوب

الناس تعرف بيتكم والناس تعرف بيتها
هذي بيوت مورثة من صخر ماهوبيت طوب

يم البيوت العامرة عيني فرح لديتها
والروح تطرب انفة لكل شغموما طروب

الحلم يكبر والقضية سمها حلتيتها
يا اهل العقول الراجحة مالي البشوت الا الجنوب

البشت فصل بالغط ورجال ماسميتها
كلا على قده ثويبه والبعض يادوب دوب

هذي عطايا ربنا لا انته ولاني اعطيتها
ماحدن مغيرشي فيها لوتقومن الحروب

ياللي تسوي مثلها كحلتها واعميتها
خاف الله المعبود والاالعبد ذنب من الذنوب

مايدرك المضمون ملتهم وانا مليتها
خيرالكلام اصدقه والا الكذب يبقى للكذوب
عبدالله جابر السفياني

المصدر: الملتقى الجماهيري للشاعر محمد بن فطيس المري

صح لسانك 🌹 حبيت العنوان والقصيده كلها 🥰

صح لسانك يا عبدالله

صح لسانكك جزله من جزل
وتحمل معاني كثيره ودفينه
شكراً لك على استمتاعي
بهذي المعلقه

الله الله صح لسانك واعتلى شاونك