انـواع الرجال

انـواع الرجال

يالله تعديهـا علـى خـيـر وتصـيـب
مـن حدنـي أكتـب خمالـه وعيـبـه
يبقى الصراحه مابهـا شـك أو ريـب
بقولـهـا والـنـاس كــل وطيـبـه
الحـر مـا ينـفـع بلـيـا مخالـيـب
والعقـل للـرجـال زيـنـه وهيـبـه
والسالفـه مـا هـي بلحيـة مواجيـب
كـل"ن" علـى طبعـه يجيبـه حليـبـه
بعـض المنابـت للمراجـل عذاريـب
وبعـض المنابـت للمراجـل خصيبـه
رجل"ن" يبـي طاريـه عنـد الأشانيـب
ورجل"ن" يبـي طاريـه عنـد الحبيبـه
رجـل"ن" يـودي بالسواليـف ويجيـب
ورجـل"ن" سواليفـه لفعـلـه تجيـبـه
رجل"ن" يغض الطرف عن جارة صحيب
ورجل"ن" عيونه فـي محـارم صحيبـه
ورجل"ن" تسـد بغيبتـه يومـه يغيـب
ورجـل"ن" ولا تقـدر تسـد بمغيـبـه
ورجل"ن" يغيب ويفقدونه هـل الطيـب
ورجل"ن" ليا من غاب محـد"ن" دريبـه
ورجل"ن" اذا أخطى يرى نفسه مصيـب
ورجل"ن" اذا أخطـى يراهـا مصيبـه
ورجل"ن" تشوف بخوته لـك مكاسيـب
ورجل"ن" تشـوف بخوتـه لـك غليبـه
قلت الصراحـه مابهـا شـك أو ريـب
كـل"ن" علـى طبعـه يجيبـه حليـبـه
اشره وشـره كـان تبغـي المواجيـب
عـط حـق تاخـذ حـق مابـه معيبـه

المصدر: الملتقى الجماهيري للشاعر محمد بن فطيس المري

عبدالعزيز
لاهنت على الابيات المميزه
احترامي لشخك

عبدالعزيز

لاهنت على النقل عزيزي

قصيده مميزه واقتناء اميز

فالك التوفيق

تحيااااتي

صح السانك ولسان راعيهاا

نقله مميزه

جعلك ماتهون يارب

بأنتضار جديدك بشغف

ابيات رااائعه
صح لسانك ولسان شاعرها
وتسلم يمينك على هالإنتقاء الراائع .

اقتباس المشاركة الأصلية كتبت بواسطة العيون السود عبدالعزيز لاهنت على الابيات المميزه احترامي لشخصك

الــــ ع ـــيـــون
اسعدني تواجدج بمتصفحي
احترامي

اقتباس المشاركة الأصلية كتبت بواسطة البرنس السعودي عبدالعزيز لاهنت على النقل عزيزي قصيده مميزه واقتناء اميز فالك التوفيق تحيااااتي

البرنس
ولاانت
اشكرررك ع المروووور
تحيااااااااااااااااتي لك

اقتباس المشاركة الأصلية كتبت بواسطة صاحبة سمو صح السانك ولسان راعيهاا نقله مميزه جعلك ماتهون يارب بأنتضار جديدك بشغف

صاحبة
كل الشكر ع المرووور
تحياااااااااااااتي

اقتباس المشاركة الأصلية كتبت بواسطة قلبي شمري ابيات رااائعه صح لسانك ولسان شاعرها وتسلم يمينك على هالإنتقاء الراائع .

قلبي
يسلموووو ع المرووور

قصيدة في منتهى الرقة رووووعة