( لاباس ياقلبي بما صار لاباس )

( لاباس ياقلبي بما صار لاباس )

يابنت روحي ورثي الحـب للنـاس
قولي توفى شيء وأسمه ( محّبـه )



يمكن يتوب اللي بلا قلب و إحسـاس
ويراجـع ايـام الخـطـا ويتنـبّـه



صار الهوى لعبه على كـل مـرواس
عجيب هذا الوقت ربـي .... وربّـه



عشان أحبك هات لي خاتم ( ألماس )
( و رصيدي ) خلص دز لّّّيّ كرت عبّه



هذاك يبغى حب يرفـع بـه الـراس
وهذا يهين الـراس لـو كـان حبّـه



كلٍ على الثانـي يطقطـق وهـلاس
ونور الحقيقـه مابـه أحـد ٍ يشبّـه



هذا الذي صاير بـلا عـد وإقيـاس
وآخر طريق الحـب , ذم , ومسبّـه



الحب ماهو هرج فاضي بـلا سـاس
الحب كنه .... نهر يـروي مصبّـه



الحب أسمى من أكاذيب الانجاس
يبقى ولو كل الاوادم , تذبّه



( لاباس ياقلبي بما صار لاباس
عيبك ! صدوق وعيبك اليوم خبّه )



مدام بحر الحب بالكذب ينداس
مالك , وماله طالبك لا تطبّه



البنت راحت ! ترثي الحب للناس
قالت توفى شيء و أسمـه محبه

مما راق لي

المصدر: الملتقى الجماهيري للشاعر محمد بن فطيس المري

ياسلام ياسلام

قصيده رااائعه ومعبره جداً

صح لسان الشاعر وتسلم يمينك

اهنئيك على هذا الذوق ياسحابه

الحب ماهو هرج فاضي بـلا سـاس
الحب كنه .... نهر يـروي مصبّـه

الحب أسمى من أكاذيب الانجاس
يبقى ولو كل الاوادم , تذبّه

ابيات رائعه وجميله

تسلم يمينك ع الاختيار الاكثر من رائع

تحياتي وتقديري

تقييمي