اشعر بضيقة تنفس ومحتـاج اكسجيـن,,كلبوها مـن سوايـا العوايـد والسلـوم

اشعر بضيقة تنفس ومحتـاج اكسجيـن,,كلبوها مـن سوايـا العوايـد والسلـوم

لامتـى ياضيقـة الصـدر ماتستأذنيـن
والله أن ماعاد لك من ورى صدري لزوم


تاكلين الحال ماسلـم منـه شبـر ليـن
انفرى قلب ونفذ صبر وانهـارت عـزوم


فعلك بقلبي كـذا كـن لـك وراي ديـن
والله انه شي فـي قـوم ماتفعلـه قـوم


والحزن ينشاف مايستره وجه الحزيـن
كيف يستر والتعب واضح به والهمـوم


على كل اللي جرى مومن وعندي يقيـن
كل كربـه تنفـرج والسعـاده ماتـدوم


لكن اللي حدنـي ليـن بيحـت الكنيـن
قلب مايرتاح وعيـون ماتهنـى بنـوم


ماني بقايـل سوايـاك ياغبـر السنيـن
غير أقول انها سوايا العوايـد والسلـوم


واوجودي وجد من طيره اخلته اليديـن
اشقرٍ من فعل مخلبه يـدرى ومحشـوم


خوته له خوة اسنين ماهيـب شهريـن
خوةٍ ماهيب تهدى ولا تعـرض لسـوم



صاح له والدمعه بعين ويخيلـه بعيـن
واسبره لين انتحى الشوف واخفته الغيوم


موتره من فجر في كل مشـرافٍ يبيـن
ويتنهت كل ماشـاف لـه طيـرٍ يحـوم


لاذكرتك ياجفولٍ خذت مـن كـل زيـن
قلت جعل الحظ لاطـاح يبطـي مايقـوم


وان طرت لي ليلة العيد ومن العايديـن
قلت يالله جعل ماني من الصبر محـروم


والله اني مادري من غـلاك اروح ويـن
وانت حتى من عيون الغلا ماغبت يـوم


من غدى في جرهد البيد مات بساعتيـن
كان ماهو من ضما مات من لفح السموم


اشعر بضيقة تنفس ومحتـاج اكسجيـن
كلبوها مـن سوايـا العوايـد والسلـوم

المصدر: الملتقى الجماهيري للشاعر محمد بن فطيس المري

صح بنانك على النقله تشكر عليهاا ياسموو المراجل كلمات ذوق


تحياي وشكري وصح السان الشاعر هع

صح لسان شاعرها
وعز الله انك عرفت تختار ياسمو المراجل لاهنت عالنقل

صح السان الشاعر . . وبرضوه صح الله السانك أخ سمو
ع هالاختيار الراقي والغير مستغرب منك
لاهنت يالغالي
وفي أنتظار جديدك دوماً

روووووووووعه سمووو
دائما رااااااااااااقي بـ اختيارك
الله يحفظك يارب

رااااقي مااختارته ذااائقتك الشعريه سمو دااائما وانت مميز

صح لساان شااعرها ولاهنت ع الطرح المميز ..

لك ودي ...

اسعدني مروركم وتواجدكم في متصفحي ولاعدمت هـ الطله

والله اني مادري من غـلاك اروح ويـن
..........وانت حتى من عيون الغلا ماغبت يـوم
من غدى في جرهد البيد مات بساعتيـن
..........كان ماهو من ضما مات من لفح السموم
اشعر بضيقة تنفس ومحتـاج اكسجيـن
..........كلبوها مـن سوايـا العوايـد والسلـوم

الله الله سلمت يمناااك ياااسمو ...
صحيح من طوول الغيبات جاب الغنايم ....

كلبوها مـن سوايـا العوايـد والسلـوم

سوافي الريح


تسلمين على المرور ولاعدمت هـ الطله

يسلم ذوقك ياسمو المراجل
لاهنت وسلمت