النفس طابت ولالي عندكم حاجه

النفس طابت ولالي عندكم حاجه

ياطيب القلب لاتشره على حالي=من بعد فرقاك ذا دربه ومنهاجه
بلشت في حب قلبك اول وتالي=داويت جرح الهوى ولا احتلت في علاجه
ياليت قربك تعذر ماتهيالي=سكنت في القلب لكن مابه مواجه
كنت اتصبر واقول الصبر يحلالي=سبحت بحر الهوى وغرقت بامواجه
يدعيني الشوق لامريت في بالي=والبعد من دون وصلك شيد سياجه
عديت رجم الهوى لكني لحالي=وسجيت رجلي بدرب ماحد(ن) ساجه
وفي راس رجم الهوى جريت موالي=حسبي على اللي حرمني ضحكه حجاجه
نفسي عزيزه وعيني دمعها غالي=والدمع لاطاح ماهو يرجع ادراجه
وش لي بحبك وحبك ماتهيالي=النفس طابت ولالي عندكم حاجه

المصدر: الملتقى الجماهيري للشاعر محمد بن فطيس المري

صح لسانك ياعبدالله
وبيض الله وجججهك على ذا القصيده

والله العظيم اني احترت
ابي اختار بيت القصيده ولاقدرت
اخترت القصيده كامله
بيض الله وجهك ولاهنت وانتظر جديدك

ماشاء الله
صح لسانك عبدالله
قصيدهـ قمه فالجمآال
ابدعت فيهآ الله يحفظك يارب

وش لي بحبك وحبك ماتهيالي

النفس طابت ولالي عندكم حاجه

صح السانك ياعبدالله جزله من راس جزل

الله الله عليك ياعبدالله ,,

حياك الله يالجززل ,,

صح الله لساانك وصح قلبك وكلك ولاهنت قصيده جزله ولاهيب غريبه من احساس شاعر جزل ,,

كل شكري وتقديري لك يالمبدع .

عبدالله القحطاني
كلماتك مميزه اخي القدير كلك ذوق
احسسناها بقلوبنا روعة تعدت ان اكتب
تسلم يمينك ولاهنت وردالكون لقلبك
ودمت بسعادة

صح الله لسانك اخي عبدالله وبيض الله وجهك
كل مشاركه اقوى من اللي قبلها دليل على
شاعريتك ماشالله عليك تحيات وتقدير اخوك
سعيد وبالتوفيق والسداد

صحت ابدانكم جميع
والله يقدرناعلى كل مايعجبكم

تعديل بسيط
الشطر ( داويت جرح الهوى ولا احتلت في احراجه)
(داويت جرح الهوى واحترت بعلاجه)


وسلامتكم ,,,

صصح السآنكـ مليون يقفآهآ مليون
قصيده رآئعه وبدآيه آرووع

في كل ششوق لجديدكـ

عـديــت رجـــم الـهــوى لـكـنــي لـحـالــيوسجيـت رجلـي بـدرب مـاحـد(ن) سـاجـه
وفـي راس رجـم الهـوى جـريـت مـوالـيحسبي على اللي حرمني ضحكه حجاجـه
نفـسـي عـزيـزه وعيـنـي دمـعـهـا غـالــيوالـدمـع لاطــاح مـاهـو يـرجـع ادراجـــه
وش لــــي بـحـبــك وحــبـــك مـاتـهـيـالـيالنـفـس طـابــت ولالـــي عـنـدكـم حـاجــه


الله عليك يا ابن العم

مميز دائما صح الله لسااانك