بامر الأسى والوجد عايش ومجبور

بامر الأسى والوجد عايش ومجبور

اكذب اذا قلت السعــــــــادة بالاعماق
واكذب اذا قلت الأمـــــل ساطع النور

كلي نكد واحــــــــزان والبال ما راق
ابكي وانوح سنين والحــــال مخطور

يرزم عليّ البين ديــــــــــــــــمٍ وبرّاق
وبيت الأماني قلب هــــــايم ومهجور

وجــــــــرح القـــدر ذبّاح للعزم دفاق
شلت الحمــول ردوم والبوح مستور

ما للبلا يا عين عـهــــــــــــدٍ وميثاق
ما ينهزع مبــداي لو يسطي الجــور

أضحك واقول بخير والســـــم حرّاق
وصبري كلاه الشيب والشور مبتور

أرجــي وانا ما شفت بالوقت ما لاق
بامر الأسى والوجـد عايش ومجبور

عمر بن عبدالمحسن

المصدر: الملتقى الجماهيري للشاعر محمد بن فطيس المري

صح لسانك يابو عبدالمحسن ولاهنت شاعر من نوع اخر

أرجــي وانا ما شفت بالوقت ما لاق
بامر الأسى والوجـد عايش ومجبور

الشاعر عمر عبدالمحسن ياهلا حياك الله ,,

الله لايضرك ابيات والله انها تلامس القلب من معاناتها ومصادق مشاعرها وختامها مسسسك ,,

صح الله لسانك وصح قلبك وكلك ولاهنت شاعر مبدع وجزل ,,

تحياتي وتقديري لك.

الوزن الثقيل .. اشكرك واحيي حضورك

اقتباس المشاركة الأصلية كتبت بواسطة خالد العبيريد أرجــي وانا ما شفت بالوقت ما لاق بامر الأسى والوجـد عايش ومجبور الشاعر عمر عبدالمحسن ياهلا حياك الله ,, الله لايضرك ابيات والله انها تلامس القلب من معاناتها ومصادق مشاعرها وختامها مسسسك ,, صح الله لسانك وصح قلبك وكلك ولاهنت شاعر مبدع وجزل ,, تحياتي وتقديري لك.

اشكرك جزيل الشكر على كريم الثناء .. كما يشرفني حضورك