الي ثلآث ايام مآنيب مضبوط .. " جديدي " وليد المقاطي :)

الي ثلآث ايام مآنيب مضبوط .. " جديدي " وليد المقاطي :)

السلآم عليكم
.. صبآح / مسآء الخير ..
.. متوآضعه من الهآجس إلى الكيبورد ..
.. والإبيات تتكلم عن نفسهآ ..
..

• الي ثلاث ايام مانيب مضبوط * والنوم مابيني وبينه علاقه ،،
• العب معه شوطً ويلعب معي شوط * واستنطقه بعض العلوم الدقاقه
• وشوط الإضافيات ماهوب مشروط * مير العبه مدام فيني لياقه
• هات القلم والفكر ماهوب مربوط * مبطي عن عن الجزلات والبدع شاقه
• هداج ، صافي ذهن منته بمخلوط * نهرً على الضميان حلوً مذاقه
• ضايق وتال الوقت مانيب مبسوط * وش عاد باقي ياوجيه ؟ الحماقة
• الرجل هقوه لكن الواقع انقوط .. * معاد تعرف خوّته من نفاقه
• والحرّ ماعمره تقارن بـ شبّوط * يبين لآمنّ حآن وقت إنطلاقه
• كرامة الرجال ضع تحتها اخطوط * مآني ممشّيهآ بـ بند الصدآقه
• تركض ورى الموضات والشعر ممشوط * حتى بـ مشيك كن فيك الإعاقه
• وجهك غدآ مكيآج ، والجنز محقوط * وعن مجلس الشيبان جاك إنصفاقه
• ذنبك على جنبك وبالفكر مغلوط * لو ينتصدّق لك بـ خمسين ناقه
• ماني رفيقن لك من الحين مسفوط * دوّر ، وتلقى مثل جنسك رفاقه

وليد المقآطي

المصدر: الملتقى الجماهيري للشاعر محمد بن فطيس المري

هات القلم والفكر ماهوب مربوط * مبطي عن عن الجزلات والبدع شاقه
هداج ، صافي ذهن منته بمخلوط * نهرً على الضميان حلوً مذاقه


صح لسآآآنك مدد ,,

ماأبطى من جاء ولاهنت على النص الجزل
تحيآآآتي وتقديري.

والحرّ ماعمره تقارن بـ شبّوط * يبين لآمنّ حآن وقت إنطلاقه

ولــــــــــــــيد المقاطي
صح لسانك وعتلا شانك
قصيده اقل مايقال رائعه
لاهنت على هل قول
رائعه هى ابيات شعرك
ادام الله قلمك عاليا
تقــــــــــــــديرى
ويعطيك ربى الف عافيه
بانتظار جديد قصيدك المميز
تقبل مرورى ايها الذووويق
وردوفل وياسمين لقلبك

وجهك غدآ مكيآج ، والجنز محقوط * وعن مجلس الشيبان جاك إنصفاقه
ذنبك على جنبك وبالفكر مغلوط * لو ينتصدّق لك بـ خمسين ناقه
ماني رفيقن لك من الحين مسفوط * دوّر ، وتلقى مثل جنسك رفاقه

صح السانك يالمقاطي وابيات جزله ولهاا معنى كبير
تشكر على الابيات وننتظر جديدك

يابعدي شكري وحترامي لسموك

صح لسانك على كل بيت يا وليد .. جاز لي ما كتبت .. تقبل مروري وترقبي للجديد .. أخوك ..

ذنبك على جنبك وبالفكر مغلوط * لو ينتصدّق لك بـ خمسين ناقه
ماني رفيقن لك من الحين مسفوط * دوّر ، وتلقى مثل جنسك رفاقه

صصصح الله لسسانك
ملايين
أبدعت وخآلقك
جزيله بحق
كل الششكر

سأحتفظ بهذه المقطوعة المترفة في مكان بارز من ذاكرتي يا وليد
سأضعها في ظرف مخملي بعنوان : (( أشوفك غير ))
للشعر هاهنا حضور يثير العاطفة ويستفز القريحة و يرسل أجنحة الخيال


تحية إجلال وإكبار أيها الشاعر

مسيك بالخير يابو بندر

وصح الله لسسسانك على هالباذخه

استمتعت بقراءتهاا ..ونص لا يكتب وليد المقاطي

لا حرمنا هذ الفكر وهذا التوجه النير

ولا خلا ولا عدم

أخوك
ابومشاري

صح لساانك يالقرم

انا اشهد انك حر وحر فريد من نوعة

ارفع راسي فيك واماري بك بين الشعار طال عمرك

لاتحرمنا من جديدك لبى قلبك

صصصح السآنكـ
على هالآبيآت الجزله
لاتحرمنآ جديدكـ يالغآلي
لاهنت