والله اااااني

والله اااااني

يا خفوق المعنى هات بوح الكلام=دام لك شاعرٍ لا قام كله ثقه

والله اني معى الشعار وافي مقام=ما طلبتك زكاه ولا طلبت صدقه

اعتلي مثل حرٍ لا تعلا وحام=ماني من الذي خبرك عليه شفقه

سلهمي يا صروح العز وارخي اللثام=شاعرك كل دربٍ به جميل اطرقه

ناصر اللي ظهر فالحد ثم استقام=يزفر الضيم والحق المبين اشهقه

كل علمٍ يجمل يطرقه ما ينام=ماحد من الخلايق للجميل اسبقه

قلبه اللي بحث عن تضحيات السلام=لا تفطر بجوفه بالشموخ ارتقه

بس للفقر في يسراه ختم ووسام=زي مالجود من يمنى يديه اغرقه

سطوته يوم يقبل زي ضرب الحسام=والردا في طريقه لا استقام ادهقه

عاش عيشة ملك ما ينحني للظلام=يوم ما غير طيبه فالحياه اخنقه

ساق رجله على خلاق كل الانام=والعنى في ضميره والطموح ازهقه

قال يا رب ما غيرك لجنبي حزام=انت انت الذرا للي الزمان احرقه

كل ما اشتد باس الوقت فل العظام=بس بك يا عظيم الشان هد اسبقه

يوم بارو خواله ثم بار العمام=وجه الوجه للي كونه واخلقه

والقصيد الذي فالروح جاب ارتطام=ثاربه خافقي من ضيقته واطلقه

كنت معطيه جل الوقت والاهتمام=لين عاث بضميري وازهقه وارهقه

الفخر شي واقع والشلي ما يضام=لا تلومون من زاده غروره ثقه

المصدر: الملتقى الجماهيري للشاعر محمد بن فطيس المري

ناصر اللي ظهر فالحد ثم استقا

يزفر الضيم والحق المبين اشهقه

الله الله عليك ياناصر صح لسآنك واعتلا شانك
لاهنت عالجزله تصوير ولا اروع

كنت معطيه جل الوقت والاهتمام

لين عاث بضميري وازهقه وارهقه



تحيآتي وتقديري.

والله يا ناصر انه مايكتب مثل هذي القصيدة الا شاعر من حجم ناصر...
كنـت معطيـه جــل الـوقـت والاهتـمـام
لين عاث بضميـري وازهقـه وارهقـه
الفخـر شـي واقـع والشلـي مـا يضـام
لا تلـومـون مــن زاده غـــروره ثـقــه

تكفيني هالبيتين...
من شان ادق تحية سلام وتعظيم...

ناصر تأكد دائما ...
ان لك متآبعيك....
اشوف قصائدك بدا يخيم عليها جو الحزن....
بس تأكد ان لك متابعيك ومعجبيك ...
هذا اللي اقدر أقوله....

تحيآآتي وتقييمي...

اخوي ناصرالشريف
الله الله عليك وصح الله السانك قصيده رائعه كروعتك ومو غريب عليك الابداع يالمبدع وشهادتي فيك مجروحه ياناصر
ودي وتقديري

الهوى صح بدنك وتسلمين على المرور الرائع

تقبلي تحياتي وخالص تقديري

اخي العزيز فهد اشكر لك اطرائك الرائع

اما بالنسبه للحزن فهو الطابع الذي لا يتغير معى مرور الزمن

واختلاف الاعمار فلا اعتقد ان يلومني احد عليه

والله يزيدك رفعه ولا هنت على متابعتك اللتي اتشرف بها في كل وقت وحين

تقبل تحياتي وخالص تقديري

ناصر

والله كفو وماعليك كلام

صح لسانك

اخي العزيز الصقر الجارح

صح بدنك والله لا يهينك على المرور الرائع

اما بالنسبه لشهادتك فهي وسام لي تقبل تحياتي وخالص تقديري

رائد العصيمي ما عليك زود

ولا هنت على المرور وصح بدنك تحياتي لك

الله عليك يابو حســـــــــــــين .. صحححححححح الله لسانك .. شاعر جزل جزل جزل ..
القصيده كامله من جميع النواحي صور شعريه وقافيه وجرس موسيقي .. اهنيك ياناصر