زمان الكذب

زمان الكذب

وقتٍ مضى عديت روس المراقيب 00 ومشيت في حر وسموم الفيافي
وعانيت من قسوة زماني بلا ريب 00 وشفت الهوايل في عيوني ياكافي
وايقنت بإن (الوقت) للناس تعذيب 00 مره يجي معكررر ومرات صافي
وياسعود دوك البيت واخذ المكاتيب 000 وابحث ورى قلبي لذا الوقت عافي
ولا دقيقه دوك حمل المناكيب 000 وبتشوف من فينا حموله خفافي
ياسعود في هالوقت شر ولواهيب 000من شدته كنك على الشوك حافي
ورمضا وفوق هذا جروحن معاطيب 000ومحدن سمع صوتك وللحال رافي
وش حيلتك لاصرت تبغى هل الطيب 0000 وتبذل المجهود قدم وخلافي
تلقى من انذال العرب شر ماجيب 000 يحسد فعولك خبث اغبر وسافي
ياوجد حالي وجد من حده الشيب 000 يعجز يمد ايده يجر اللحافي
وان صاح ماعين عوينن له يجيب 000 له حاجته كل له يصيّر جافي
واليوم انا اعوي مثل مايعوي الذيب 000اليا حداه الجو والحيل طافي
اشكي لربي له اسوق المطاليب 000 وحده جروحي به تطيب وتعافي
من ما رئيته من هل القرب لا ريب 000 شي وكاد ولا عليه اختلافي
هذا زمانن ضاع في المواجيب000 وقليل تلقى به كريمن ووافي
وهذا زمانن شفت فيه التعاجيب000 تحذر وجوب ومن قريبك تخافي
وهذا زمان الكذيب والغدر والعيب 00 ماهو زمان يعيش فيه السنافي

المصدر: الملتقى الجماهيري للشاعر محمد بن فطيس المري