ياطايرة طايرة بالله قولي لي .. بقلمي

ياطايرة طايرة بالله قولي لي .. بقلمي

السلام عليكم

مساكم خير يارب وعيدكم مبارك

ابيات متواضعة اقدمها لكم لعلها تلقى القبول الحسن منكم

يقول

ياطايرة طايرة بالله قولي لي
شخبار محبوبي الي غاب عني شهر
في قائمات التجاهل تم تحويلي
والا لازالت حياته في رضاتي مهر
قولي له الدمع غرّق كل منديلي
قولي له القلب ميت هم ميت قهر
الهم والغم بغيابه محاصيلي
شيب بعيني وشيبي رغم سني ظهر
العين رغم التماسك دمعها سيلي
والقلب رغم التماسك فالغياب انصهر
ياطول يومي بدونه ياقصر ليلي
لازارني طيف زوله زان معه السهر
يامسودات الليالي حطي وشيلي
ماكني الا شجاع ن طاح ماله ظهر


وسلامتكم

المصدر: الملتقى الجماهيري للشاعر محمد بن فطيس المري

العين رغم التماسك دمعها سيلي
والقلب رغم التماسك فالغياب انصهر

صح لسانك ..... مبدع وربي

كما عهدناك .... كلمات رنانه .... واحاسيس صادقه

لا عدمناك اخوي ..... وننتظر جديدك يا عسل

واحلى تقيييييييييييييييييييييييم تستاهل يالقرم

صح لسانك
ابيات رائعه وجزله ..
تسلم الايادي وبانتظار المزيد من ابداعتك
ربي يعطيك العافية

صح لسانك يارائد شاعر كفو كالعاده

لاهنت يالغالي

صح لسانك وعيدك مبارك
دائما متألق .. لكَ ودي