الا طريح الحب ما عنه نشاد

الا طريح الحب ما عنه نشاد

لك في خفوقي نبع لا يمكن يشح=نبع المحبه والغلا والتوداد
ياللي عليك الدمع من ناظري سح=وان لاح زولك يا ضنى الروح يزداد
يكفي على جسمي من مفارقك مح=ويكفي على راس القلم ينزف مداد
حبك على قلبي مسلط مسلح=حاصرت وجداني على كل الابعاد
حتى ضميري بالمحبه لكم لح=والسمع لاصواتك وتفكيري انقاد
قلبي بحبك يا سنا ناظري طح=حتى تسيد خافقي والولا ساد
ارزف معى اهل الرازف وناظري دح=والصبر عيا لا يطيق التجلاد
اهيم لجلك وانت للروح تجرح=صار احتلالك زي تدمير بغداد
رجع فوادي يا هوا البال واستح=وارحم عشيرٍ عاش ما عنده فواد
لو مثلو حبك على ظهر مسرح=طاح الخشب من ثقل ما فوقه وماد
ابغا اطلبك طلبه ثم ارجوك تسمح=تذكار يبقى لي معى سلم وجهاد
ابغا اذكرك من وين ما ريت مطرح=لوكنت انا ببلاد وعني لك بلاد
سهم الوفى في خافقي صار يقدح=واسمك مشرع فيه والضيق وراد
ناب الخطر من هجرك اليوم يكلح=هبت علي الموت صلفات الانواد
خايف على قلبي من الضيق يقرح=لن الغلا ما فاد والبغض ما فاد
صورة عديل الروح فالقلب تسبح=وانا غرقت بها بليات ميعاد
اخاف لا من هاجسي بالغلا افصح=اصبح شماته بين صفات الاجواد
الدهر عيا تالي الوقت ينصح=في كل يوم يزيد لي بالتوجاد
نيران دوراته على الخد تلفح=ما ارتحت برقادي ولا ذقت لي زاد
بس القوافي في ضميري تلقح=وتخلف ابداع الجمل جمع وافراد
من بعد ما قلبي عليها تفضح=خايف يسوا بي مثل عبد شداد
تاتيني الابيات ماهي تنقح=الفظ معانيها ولا به ترداد
ما هي تعنيني ولا هي تصحح=وتكون لجروحي ودمعاتي ضماد
الكل في ذا الكون يسقط وينجح=الا طريح الحب ما عنه نشاد

المصدر: الملتقى الجماهيري للشاعر محمد بن فطيس المري

اخوي ناصر الشريف
شاعر مميز ولك مسطلحات مميزه
مبدع ومرهف الإحساس
تحياتي و تقييمي

هلا وغلا بالسمي
صح لسانك وتسلم على القصيده الرائعه
وشكرا






تيحاتي

نعم نعم الا طريح الحب ماعنه نشاد ياسلام ياسلا م ياناصر صدق من سماك مروض القيفان شاعرمبدع في كل حالاتك وراااائع تشكرتشكر على الرائعه شاعرنا تقبل متصفحي خوي من هنا اخوك موسى ابومشهور ولاهنت يالسنافي

الله الله عليك وصح الله السانك مبدع كالعاده ومو غريب عليك ياناصر
ودي وتقديري

العنيده صح بدنك وتسلمين على المرور والاطراء

واشكرك على تقييمك تقبلي تحياتي وخالص تقديري

صح الله لسانك ياناصر على القصيده الراائعه

رغم ما فيها من تكلف الا انك تغلبت عليه وابدعت في عسف المفرده



ودي

تسلم اخوي لاهنت
قصيده رائعه وانت اروع
شاعر جزل ومافيك حيله

ناصر بن ثنيان

حياك الله يالسمي ومرورك هو الاروع

تقبل تحياتي وخالص تقديري

صح لسااانك اخوي ناااصر قصيده رااائعه

ربي يعطيييك العافيه

لك ودي ..