شيوخ القبايل من طرف سفرته تعتاش

شيوخ القبايل من طرف سفرته تعتاش

بسم الله الرحمن الرحيم
أعزائي الكرام السلام عليكم ورحمه الله وبركاته
اسعد الله جميع اوقاتكم بالخير والمسرات وبعد
احييكم تحيه معطره بالورود والرياحين
ويسعدني ان أضع بين أيديكم هداه المشاركه
المتواضعه امل ان تحوز على رضاكم

هذاه ألقصيده قلتها مدح في

شديد بن محمد الهماش والحقيقه انها مؤثره ولكن تقدير للإخوان الذي طلبوها قمت

بنشرها اول مره شديد الهماش من الرجال اللي لهم مواقف عند بني عمه ومعارفه

وينصونه الرجال من كل حدب وصوب وليس ذالك كونه ينتمي ل قبيلتي لا والله ابو

محمد له مواقف معروفه ومن الرجال الذينا عطاهم الله الجاه والمال فالم يذخر جاهه

ولا ماله وقت الازم ولعلني اذكر من ظمنها كان فيه صومالي محكوم بالإعدام

فأقام عند ما وصله الخبر بالتوسط ودفع ثلاثه ملايين وطلاق سراح الصومالي

وخصامه سعوديين هذا الموقف يشهد ان ابو محمد من الرجال اللي يستحقون المدح

فاكم من رجال يملكون الجاه والمال ولا تذكر اسماهم عند النوائب القصيده لها سبب

ولن اذكره هنا لحيث ان القصه طويله ولامجال لاذكرها


‏انا يوم افكر بعض الاحيان يالومي
.....معي ضيقة بقصاء الحشى كبر هضبة جاش

ولامنه تضايق خاطري جيت بعلومي
...............:.زعل من زعل ولا رضاء الاكل مامنهاش

هذا الهاجس اللي جاء بيومي قبل يومي
...............شفوقن على كسب الحمائل وانا مقناش

ولاشن بحث سدي وضيّق بي هدومي
......................يكود النفاق ومدحة الاش وبن الاش

واذا ما مدحت الهربدي دايم الدومي
......................نفر وانفجر ولا قلبها زعل وهواش

ينزل مقام الحر ويمجد البومي
................يهان الرجل والاش في حشمةٍ وفراش

وانا من فضل ربي تكفيني عزومي
............ومن عاش ينظر في عطايا العرب ماعاش

ولاقد حنيت الراس من شان بلعومي
.........ورزقي على اللي يرزق الطير في الأعشاش

اصلي ل رب البيت واحج واصومي
...............وانا راضي باللي كتبه النصيب وحاش

أبا اعيش بالدنيا عزيز ومحشومي
........................ولا جزت منها لعنبوها لبو قطاش

انا اليوم ياصمتي على الهرج ملزومي
...............انا كان لـــي هقوه وجات الهقاوي ماش

الا ياوجودي وجد من طاح بسهومي
.......................لقاه الغريم ونطحه فوهة الرشاش

يبي ثار اخوه وطاح في قبظة القومي
...........................ولاعاد له نجده ولاحيلةٍ ينحاش

تقافو وهو في دمه يطيح ويقومي
................طريح الخلا يكمش على نفسه الكماش

انا لـــي رفيقن من ورى الباب مظلومي
.........................حياته تفاكير ونبش قلبه النباش

وانا من يثلبني وانا ربعي خصومي
...................ورجال العداله طنشو حجتي طناش

ولي مدة طرفي من النوم محرومي
................اخفي واجامل والحشى ينهشه نهاش

ولكن مسندها على حي قيومي
.................يجيني بشير الخير مع نجمة المغباش

ترى اللي شرح صدري ونساني همومي
.......................سلامٍ على مسعود وزيارة الهماش

رعى المجلس اللي بالمسايير مزحومي
.................شيوخ القبايل من طرف سفرته تعتاش

ضيوفه كما وردٍ على جال عيلومي
....................معا كنة الجوزاء عليه الكبود عطاش

ليا دبرن حثلوم تردن حثلومي
...................تصارخ محاحيله على جمه الطواش

سلالة بني عمن مطاليق وقرومي
...............طرف مجدهم صعبن على غيرهم يناش

قواطيع هند من لضاء النار مدعومي
........................يذووب له الفولاذ ماحافه النقاش

ولاجارت الايام والحمل مبهومي
................لجينا على اللي لازهمه المشوش شاش

زبناعلى قطبن روابعه ماتومي
.................يحط الصعب مطواع والغاليات بلاش

انا ما الدعي مدحن على الكذب مزعومي
...............مديح الحقيقه كاش في من *يمد الكاش

ومدحن يقصر من ذرى كل مضيومي
...................مثل من يكيل المدح با مربية الأكباش

سناد السجين اللي ورى الباب مرغومي
.........................عليه الخسائر والملاين ماتسواش

وسند من سمح من فزعة الربع والقومي
.............وسمح من رجا حظن يدرج على الإنعاش

يثاريبه اللي وازي كبده حثومي*
.............................مثارٍ ينسيه الغرابيل والمطراش

يردد نباه اللي ورأ الهند والرومي
.............يثني على الهماش بيضن سوات الشاش

واثني سلامي له على سلم وسلومي
..........................سلامٍ يخص شديد محمد الهماش

وصلاة على المختار مانشة غيومي
........................تنثر مطرها ونحدر سيلها قشاش

المصدر: الملتقى الجماهيري للشاعر محمد بن فطيس المري

‏انا يوم افكر بعض الاحيان يالومي
.....معي ضيقة بقصاء الحشى كبر هضبة جاش

ولامنه تضايق خاطري جيت بعلومي
...............:.زعل من زعل ولا رضاء الاكل مامنهاش

هذا الهاجس اللي جاء بيومي قبل يومي
...............شفوقن على كسب الحمائل وانا مقناش

ولاشن بحث سدي وضيّق بي هدومي
......................يكود النفاق ومدحة الاش وبن الاش

ينزل مقام الحر ويمجد البومي
................يهان الرجل والاش في حشمةٍ وفراش

وانا من فضل ربي تكفيني عزومي
............ومن عاش ينظر في عطايا العرب ماعاش

ولاقد حنيت الراس من شان بلعومي
.........ورزقي على اللي يرزق الطير في الأعشاش

يا هلا وغلا ومرحبا يبو محمد
صح الله السسسسسسانك وعتلا ششانك
كفو وونعم فيك وفي محمد الهماش
ابحرت معك ودائما تأسرني بماطالع المحبوكة
جزله ولا تجيب إلا الجزل تقبل مني موفور احترامي
+++++++++++++++++++

الله الله عليك
وعلى هذه الكلمات الجميله التي
يعجز القلم عن وصفها ونثرها
كل الابداع هنا لجمال ابياتك ياغالي

يستااااهل شديد البيضاء دائما

ومن مثله هم اللي يستاهلون المدح

لانهم في حزة اللزوم وقدهاا

قصيدة جزله فعلا وفي حزتها ووقتها


ابيض وجه بابو محمد وصح لسانك


ولاهنت وتسلم +++++

شديد الهماش ماكنت اعلم ان هذا الرجل قحطاني

لكن يعلم الله ان سمعته ترفع الراس ومواقفه سمعنابها و وصلت شمال الدار وجنوبه
وهو كما نسمع عنه لايريد بها الا وجه الله عز وجل لا رياء ولا سمعه

وانت ياسعيد صح لسانك وبيض الله وجهك وسلمت يمينك
ماقصرت وافي وقصيدك جزل وابو محمد يستااهل اكثر من كذا

صح لسآاانك سعيد
ويستآهل من مدحته


الله يعطيك العافيه يآارب

واجمل تحيه لروحك

اللهم صلي عليه وسلم

وصح لسانك ياسعيد وبيض الله وجهك

على هــ القصيده الجزله في شخص يستاهلها

وهذا من طيب اصلك ووقفتك

ولاهنت

ولكن مسندها على حي قيومي
.................يجيني بشير الخير مع نجمة المغباش

ترى اللي شرح صدري ونساني همومي
.......................سلامٍ على مسعود وزيارة الهماش


يستااااهل الهماش وامثاله المدح
صح لسانك يابو محمد وبيض الله وجهك
تحياتي..

صح لسانك قصيده جميله من
شاعر ابدع في القصيد ,,
وجعل قلوبنا تطرب لجديده

مدحت من يستحق المدح,,,
قصيده رائعه لاهنت يالقرم,,,

تقيمي بس بعد مايعود ,,

وعليكم السلام ورحمة الله وبركاته ,,

اررحب يابو محمد حياك الله ,,

صح الله لسانك وصح بوحك ويستاهل الممدوح كل الثناء وانت وافي وكفو وتجود بالجود يالقررم ,,

الشكر والتقدير لك ياغالي .