مالله عطاني مثل حنكة شكسبير * لكنه اعطاني قناة من الذات => عبدالله السناني

مالله عطاني مثل حنكة شكسبير * لكنه اعطاني قناة من الذات => عبدالله السناني

قصيدة متواضعه لعلها تنال على اعجابكم








الليل هذا غير والبـــارحه غــيـر **
مع فارق التشبيه تلقى المساحات
والامس غير اليوم واليوم تغـيـير **
الامس فات وباقي اليوم مافات
ياما تعبنا من صدوف المقادير **
وياما شكينا من متاهات واهات
مالله عطاني مثل حنّكة شكسبير **
لكنه اعطاني قناعة من الذات
راضي بما عندي ولو عمري اصغير **
سطح القمر راسي وفكري محطات
الماضي اللي مقتبس قصة الزير **
يعني نجاح وموهبه بالمهمات
والواقع يحطم طموح الاساطير **
والقادم يبرمج علينا المتاهات
وحنا نعيش الامس باليوم تفكير **
تعقيّب للي يقول مافات لك مات
ابشرح اللي عندي بدون تأخير **
واصحح الجمله بوسط الملفات
الماضي اللي يعتبر فيه تذكير **
جثّه جسدها ينرسم لك بلوحات
ويطغى على كل الخطط والمعايير **
ويفتح عليك اصدق جروحه بهمسات
اليا متى نبقى على خير ياطير **
واليا متى طعم السعاده معانات
اليا سكبت الدمع ماعوضك خير **
وليا حبست الدمع لايمكن تبات
واليا متى نشكي بشعر التعابير **
واليا متى نزف المعاناة فـ/ابيات
ياكثر ماسأل نفسي بدون ماشير **
وياكثر ماردت على الصوت بسكات
ليت السعاده تنشى بالدنانير **
وليت السهر ياخذ من النوم لحظات
وليت الصباح يبين ويغرد الطير **
ويريح اللي ساهر الليل مابات

المصدر: الملتقى الجماهيري للشاعر محمد بن فطيس المري

الله الله

صح لسانك أخوي عبدالله السناني

معزوفه رائعه من الأبيات الجزله

والمعاني الوافيه أداء راقي وصوت مبدع

والله لا يهينك

صح لسانك اخوي ماجد , ولاهنت على المرور العطر , بيض الله وجهك يابعدي

ليت السعاده تنشى بالدنانير **
..........وليت السهر ياخذ من النوم لحظات
وليت الصباح يبين ويغرد الطير **
..............ويريح اللي ساهر الليل مابات



ان اشهد





اخوي عبدالله صح لسانك واعتلا شانك
الله يخليك لعيون ترجيك
قصيده جزله وصوت عذب
لاهنت وعساك للجنه
واحلا تقييم ++

الله يسلمك , وصح بدنك , ويعطيك العافيه على المرور , لآهنتي يالغلا

عبدالله السناني انا متابع لك من قديم وشهادتي فيك مجروحه صح السانك وصوتك مليون وبيض الله وجهك
تقديري وفائق احترامي

حياك الله يا أخي بدر الشدادي , وصح بدنك , ويشرفني , شاعر مثلك يتابعني. ولآهنت على المرور

,


سح لسانك ..
و
عوآآفيّ ..
و
أمتناني ..

,

الله يعافيك ولاهنتي

اليا سكبت الدمع ماعوضك خير **
وليا حبست الدمع لايمكن تبات

عبدالله السناني
اللة عليك إرتحلنا معك الي علوقمرقصيدك
تسلم يمينك وصح قولك ولاهنت
تقديري لك خيي علي أبداعك وتميزشعرك
هناسموقلم وسموأحساس
وردالكون لقلب يسكنك +++++