...... قرار قلبــــي ......

...... قرار قلبــــي ......

السلام عليكم ورحمة الله وبركاتة

صبححححكم الله بالخير جميع
وسامحونا على الغياب اللي حصل
لكن الظروف اعلم بها الله

هاذي ابيات حبيت اقدمها لكم
واتمنى ان تنال اعجابكم

اليوم قلبي مصدر لك قراره=مخصوص لك ويعمّ كل الخلايق
الحب في قلبي تحطم وقاره=ولانيب في حبك متيم وطايق
خلك بدار وخلّ خلّك بداره=وخل الجروح تطيب والبال رايق
ماضن طبعك بيتعدل مساره=ولاضن لي رجعه .. وهاك الحقايق
ماني على شوفك اسوق البشاره=ولايربطك فيني عهود و وثايق
ولمن حصل بيني وبينك شراره !!=اعرف تراها فالنهاية حرايق
فمحبتك ذقت العنى والمراره=وانته مع العالم تسوق اللافايق
بعت البشر لجلك ولكن خساره=جازيت معروفي بفعل الحمايق
والناس واجد بين بدو وحضاره=دور بدالي بين كل الخلايق

وسلامتكم

المصدر: الملتقى الجماهيري للشاعر محمد بن فطيس المري

صح لسانك.

صح بدنك

وعليكم السلام ورحمة الله وبركاته


تسلم اخوي وصح لسانك واحسن قرار


ابيات جميلة جدا سلمت اناملك

صح لسانك .. وبيانك

ظافر العرجاني

أتمنى أن تكون قد أحسنت الأختيار والله يكتب لك الخير وين ما كنت ..

أبيات جميله و طرح رآآآقي ..

تقبل مروري المتواضع ..

ودي ...,

وعليكم السلام ورحمة الله وبركاته ,,

اررحب ياظافر حياك الله ,,

ياخي وين الغيبه عسى مامن شر ,,

صح الله لسسانك وصح قلبك ولاهنت ولاجديد معهود بالجزله يالجززل ,,

تحياتي وكل تقديري لك .

صح الله ابدانكم جميع
وبيض الله وجيهكم والله لايهينككم ولايصغركم

واشاداتكم والله انها وسام على صدري واعتز فيها

لاهنتو على كل حححال وجعلكم فالوجود

صح لسانك

و عليكم السلام و رحمة الله و بركاته
حياك خووي
أهم شئ إنك بخير و صحة ^_^
صح لسانك على هالطررح الجميل


ما ننحررم :"