الغلا والتواصل

الغلا والتواصل

حيرتني مدري معك وين بوصل
اتردني الشيمه ويقفي بك الغي

قل للمشاعر تاخذ اليوم فاصل
ورد الغلا يذبل لي ابطا من الري

لاصار بعدك بس تحصيل حاصل
ذكراك تطويها على لهفتي طي

خلك على هجرك وغيك وواصل
ماتدري ان جرحك قبل كم شهر ني

عينك تنام وعين خلك تواصل
حتى تبان الشمس ويشعشع الضي

ياصاحبي والي على الدرب يوصل
ترا العيون فداك هذي قبل ذي

مشاعرك لاصار فيها فواصل
تحرقني رمضا الشوق ياجاحد الفي

لاجاك رقمي رد شف وش حاصل
اسف على الازعاج ياالميت الحي

دقيت من باب الغلا والتواصل
مانيب محتاجك ولا ابيك في شي


حمد البريدي

المصدر: الملتقى الجماهيري للشاعر محمد بن فطيس المري

ماشاء الله على الذوق
صح لسانه حمد
قصيده رائعة تسلم لنا زعيم
ويسلم لنا اختيارك الراقي
الله يحفظك يارب

اقتباس:
المشاركة الأصلية كتبت بواسطة الماسـه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ماشاء الله على الذوق
صح لسانه حمد
قصيده رائعة تسلم لنا زعيم
ويسلم لنا اختيارك الراقي
الله يحفظك يارب



اشكرك على الحضور والمتابعه

يعطيك العافيه اخوي
ذوق راقي