مرثيّة: /-/ مرحوم يا شيخٍ سكن في ثرى العود /-/

مرثيّة: /-/ مرحوم يا شيخٍ سكن في ثرى العود /-/

السلام عليكم ورحمة الله:
من أرشيفي المتواضع .. رثاء كفّ العطاء والخير الأمير / سلطان بن عبدالعزيز (رحمه الله) وحشرنا وإيّاه ووالدينا جميعاً مع الصدّيقين والنبيّين والشهداء والصالحين

مرثيّة: /-/ مرحوم يا شيخٍ سكن في ثرى العود /-/

أشغلتني يا فكر سجّات وشرود=اليوم يوم الشعر يوم القصايد
عطني زماهيرٍ تسابَق مع النّود=هبّت علينا عاصفات النّدايد
وجدٍ يشبّ البحر ويزلزل الطّود=صوتٍ يسكّت مرجفات الرّعايد
موعود يا قلبي بالاحزان موعود=مرهون سعدك بالكدر والنّكايد
في يوم عيدي حاجب الوجد معقود=مابه فرح والّا ونيسٍ يعايد
مرحوم يا شيخٍ سكن في ثرى العود=يَكرَم جبينك عن مهيل اللحايد
ياللي ارتضاك المجد غايات وحدود=واضحت نباريس المعالي عمايد
إنجاز في إيجاز واعجاز مشهود=إرثٍ يورّث للقرون الوعايد
طاعة ، وشور ، وحفظ مدّات وعهود=وعزوم ما ترضى بغير الفرايد
مسكَنْك جنّاتٍ بها الظّلّ ممدود=في عالي الفردوس عيشك رغايد
ويجعل مباتك روض وانهار وبرود=وازكى الأطايب تحت راسك وسايد
يرثيك يا (سلطان) .. نهرٍ من الجود=عدٍ ولا تمضي عليه الشّدايد
يرثيك .. دمع الطّفل ، والشّيخ ، والخود=ودْموع ثكلٍ عند بابك نشايد
يبكيك .. ذربٍ حِطّ بايدينه اقيود=ذلّيت وقتَه بالغيوث المدايد
يبكيك .. مسقومٍ ، ومضني ، ومجهود=كانت لهم كفّك سنود وضمايد
يا عين هلّي كادرٍ من لظى المود=هلّي حميمٍ فوق خدّي وقايد
دمع الرجال اليوم مَهوب منقود=ما دام في راعي الوفا والعوايد
ويا نجد ياللي كنتي اسهود ومْهود=عقب الوداع اضحت فجوجك لدايد
ويا طير ياللي كنت بالجوّ مهدود=ماآلوم جِنْحك لو يعاف الهدايد
الحزن غار وصرت يا طير مصيود=زلّ الطّرَب .. وش عاد لك بالطّرايد
ويا ورد ياللي كم تمايل بك العود=النّحْل عافك يوم شافك سجايد
ويا (سارعي) لا تسألي بيرق الذّود=عن لونه الباهت ولحن الوجايد
ضحك السّعادة عقب (سلطان) موؤد=والفَقد غاراته علينا حشايد
لو ادري انّ الدّمع بيردّ مفقود=لااجهد عيونٍ في غيابه سهايد
مير الأجَل في لوح الانسان مفنود=ماحْدٍ عن المقسوم لحظه يحايد

وسلامتكم

المصدر: الملتقى الجماهيري للشاعر محمد بن فطيس المري

ماشاء الله عليك أخوي حبيب

صح الله لسانك ملااايين ولا هان فكرك ياخوي

مرثيه أبدعت في سطرها

فالك التوفيق دوما

صح لسانك يا حبيب ولاهنت ورحمة الله على سلطان الخير
عندي بعض الملاحظات لو من بعد اذنك من رؤيتي

فـــي يـــوم عـيــدي حـاجــب الــوجــد مـعـقــود
العيد دائما ياتي بالسعد وشطرك الثاني للبيت نقض معناك في هذا الشطر فكان الاجدر بالذكر
في يوم عيدي حاجب السعد مقعود
مابه فرح .....الخ
لانه من المستحيل ان تعيد وتفرح وحاجبك معقود لو افترضنا

شكر لك ولا هنت

اقتباس:
المشاركة الأصلية كتبت بواسطة سعيد البلوشي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ماشاء الله عليك أخوي حبيب

صح الله لسانك ملااايين ولا هان فكرك ياخوي

مرثيه أبدعت في سطرها

فالك التوفيق دوما




يا مرحبا وهلا وغلا فيك يا شاعرنا الجزل .. سعيد البلوشي
أسعدتني وشرّفتني كثير بمرورك الراقي وحضورك المتألّق
بارك الله فيك يالامير وتسلم ولا هنت .. عسى الله لا يحرمنا طلّاتك

صح الله بدنك .. ولك أغلى التحايا

اقتباس:
المشاركة الأصلية كتبت بواسطة عامر صالح ال شنيف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسانك يا حبيب ولاهنت ورحمة الله على سلطان الخير
عندي بعض الملاحظات لو من بعد اذنك من رؤيتي

فـــي يـــوم عـيــدي حـاجــب الــوجــد مـعـقــود
العيد دائما ياتي بالسعد وشطرك الثاني للبيت نقض معناك في هذا الشطر فكان الاجدر بالذكر
في يوم عيدي حاجب السعد مقعود
مابه فرح .....الخ
لانه من المستحيل ان تعيد وتفرح وحاجبك معقود لو افترضنا

شكر لك ولا هنت



صح الله بدنك .. ولا هنت
رؤيتك كانت عبر زاوية ضيّقة جدّاً .. اسمح لي
ونقدك غير بناء بتاتاً البتّة مبتوتاً مبتّت

أوّل شئ اقرأ القصيدة زين وافهم وش انا قاعد اقول .. وبعدين هات نقد غير ذا النقد اللي ما يأكّل عيش

المناسبة حزينة وسلطان رحمة الله عليه .. توفي قبل عيد الاضحى بأيّام وليالي
فــ كيف يكون العيد سعيد يا عامر .. إذن لا يوجد حاجب سعد فقد غيّرت مسمّاه من (سعد) الى (وجد) وهذي مقصودة 100%
بالعربي: (صيغة مبالغة) وشكلها ما قد مرّت عليك

أوّلاً وأخيراً .. أتقبّل النقد البنّاء .. وليس النقد من أجل النّقد

حيّك مولاك

وعليكم السلام ورحمة الله وبركاته ,,

هلا ياحبيب حياك الله ,,

صح الله لساانك وصح قلبك ولاهنت والله يررحم سمو الامير سلطان وجميع اموات المسلمين ,,

لاهنت كفيت وفيت بارك الله فيك ,,

تحياتي وتقديري لك .

الحزن غار وصرت ياطير مصيود
زل ّ الطرب وش عاد لك بالطرايد


وياورد ياللي كم تمايل بك العود
النحل عافك يوم شافك سجايد


شاعرنا الجزل حبيب القرني / صح لسانك على هالشامخه والله ،،

كل بيت من هالقصيده أنا أشوف إنه قصيده لحاله ،،
ماشاءالله تبارك الله ،، الله لايضرك يامبدع ،،

والله ياحبيب أنت شاعر جزل ، ولاتحتاج شهاده من أحد ،،

بالعربي ،، مافيك حيله أنشهد ،،

والله يرحم الأمير سلطان ويرحم أموات المسلمين أجمعين ،،

شكرا لك على توضيحك وشكرا على لباقة الرد

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
وعليكم السلام ورحمة الله وبركاته ,,

هلا ياحبيب حياك الله ,,

صح الله لساانك وصح قلبك ولاهنت والله يررحم سمو الامير سلطان وجميع اموات المسلمين ,,

لاهنت كفيت وفيت بارك الله فيك ,,

تحياتي وتقديري لك .





يا مرحبا يالامير .. خالد
تشجعيك وتأييدك ومتابعتك .. تدعونا الى محاولة تقديم الأفضل دوماً
بارك الله فيك وعساك ما تهون يالغالي .. وصح الله بدنك الى نهاية اللا نهاية

أجزل الشكر .. وأغلى التحيات لك

اقتباس:
المشاركة الأصلية كتبت بواسطة متعب الثقيل [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الحزن غار وصرت ياطير مصيود
زل ّ الطرب وش عاد لك بالطرايد


وياورد ياللي كم تمايل بك العود
النحل عافك يوم شافك سجايد


شاعرنا الجزل حبيب القرني / صح لسانك على هالشامخه والله ،،

كل بيت من هالقصيده أنا أشوف إنه قصيده لحاله ،،
ماشاءالله تبارك الله ،، الله لايضرك يامبدع ،،

والله ياحبيب أنت شاعر جزل ، ولاتحتاج شهاده من أحد ،،

بالعربي ،، مافيك حيله أنشهد ،،

والله يرحم الأمير سلطان ويرحم أموات المسلمين أجمعين ،،





هلا وغلا بالأخ العزيز والشاعر الجزل .. متعب
أتعبتنا يا متعب بهذا الاسلوب المهذب الراقي .. وغلبتنا بطيبك
بيّض الله وجهك على إحساس حرفك .. وهذا والله دافعه حسن الظن وطيب المعشر وعرقك الاصيل
ويا رب يكون حرفي عند هقوتك دائماً وأبداً

صح الله بدنك .. ويعلم الله ما يوفيك أي شكر

حلالاه يا من طبع ذيك الحِبة على خشمك