الحظ والمقسوم قربك ليّه = وجتك السهوم اللي تحش العراقيب

الحظ والمقسوم قربك ليّه = وجتك السهوم اللي تحش العراقيب

السلام عليكم ورحمة الله وبركاته
اتيت لكم بعد طول الغياب بهذه القصيده وهي لم تأتِ من عبث ,

لعلها تسموء لذائقتكم .

يامرحبا ياللي يسب بخوّيه = يامرحبا ياعارفين المواجيب
سبيتني من دون ذنب وخطيّه = وظلمت حظك ليه يامنبع الطيب
جيتك مناصح جيتك بحسن نيّه = ماكنت احسّب للملعن محاسيب
الشك مايدخل نفوسٍ غنيّه = وش علومكم يامدورين العذاريب
راع الرداء شرواك مافيه زيّه = اليا شربت اشرب حظيظ المشاريب
مبروك ياللي محتذي لك حذيّه = حذيتك ماهي تودي ولا تجيب
هجومك الليّن مايثر عليه = والصقر ماينصاد بين العياسيب
كوع على زندك براس الحنيّه = مانته محقق في قصيدك مطاليب
سويت نفسك شاعر العالميّه = وجيت اتبلاني فبعض الاساليب
انصحك ياراع العلوم الرديّه = تحتاج لك بالشعر سجّه وتدريب
بيتك ملخبط يازبون الشريّه = وشعرك قسم بالله بين العرب عيب
خل الشعر لاهل البيوت الذريّه = مانته بجايب زود لو تمتلي شيب
الحظ والمقسوم قربك ليّه = وجتك السهوم اللي تحش العراقيب
تبغى تضحي مير رحت الضحيه = وهاللحين مالك عن سهومي مجانيب
الشعر يفتح لك جروحٍ دميّه = وانته على جرحك فتحت الدواليب
قال المثل ماباخر الطيب كيّه = وهذي هي الكيّه ولابد ماتطيب
سبيت ساسك يوم سبيت فيّه = والصبغه السوداء طلع وسطها شيب
لاخير في رجلٍ بليا حميّه = من سب ساسه تدخله شكّه وريب
راسك لو تهزه هبوب اجنبيّه = ذريت راسك من هبوب الاجانيب
لو جيتني شرهه وحق وقضيّه = اعطيتك المطلوب بين الاشانيب
الشعر عندي والحروف ابجديّه = والذيب دايم تعجبة خوة الذيب
من دون حلقي واقفاتٍ يديّه = والصقر ماتحميه غير المخاليب

المصدر: الملتقى الجماهيري للشاعر محمد بن فطيس المري

يعطيك العافيه وصح لساااانك

صح بدنك وحياك الله

وانا اشهد انك ذيب يالسناني

صح السانك مدد بلا عدد

احترت اقتبس بيت منها كل بيت احلى من الثاني

صح بوحك ونبضك ياجـــــــــزل

وبدون مجامله نص وافي وجزل

اقف لهذا النص الشامخ

وتستاهل التقييم

حياك الله بنت برقا , ويعطيك العافيه على المرور وصح بدنك ولآهنتي

صح لسانك ياعبد الله على ماتمثلت به

القصيده مايحتاج واضحه وموقفها خاص

الشعر مواقف على مايقولون

الله يعطيك العافية

صح بدنك وحياك الله , اسعدني مرورك

صح لسانك عبدالله
وتسلم يمناااااك مبدع وشاعر
وكفويالسنانس السنااافي

عبدالله السناني


صراحه قصيده جزله من شاعر جزل وعتابيه
من الوزن الثقيل صح لسانك شاعر
ماعليك كلام صحة يمينك على هذاه الدرر تحياتي

حياك الله ياسعيد والله يعطيك الف عافيه على المرور العطر