شاعر الفخر

شاعر الفخر

محتمين المعاني رابطين الاعنه=شاكمين الخيول اللي عليها نغني
كل ما بان شاعر بان شعره وفنه=بس انا ما حد ينافس مقامي وفني
والذي ظن في نفسه معي خاب ظنه=كم من الناس باسرار الجمال امتحني
دلة الشعر فاحت والجسد فيه خنه=والقوافي تقلب داخل الراس لني
شاعر الفخر والتصوير كنه وكنه=نور شمس شعا كل الخصال وسكني
جدي المصطفى والكون قد شل منه=نور الاسلام وانوار الشعر جات مني
حدثو بالاحاديث الشريفات عنه=واطلقو بصمة الابداع ذا العصر عني
لني انا فرضت اليوم للشعر سنه=كل من يبتدع بعدي يلامسه جني
اسلب الحكم من راعيه واهد صنه=وانتهج منهجي وحروف شعري تسني
شف سناها على روس القمم مستكنه=واسفك جزالها لني للابداع قني
بس يا قلبي اللي غاب من هو يحنه=والغرابيل من عقب الحنج بهذلني
ادغم القول لرضاها ولا فيه غنه=واظهر الحب واقلب ما خفا بالتمني
يا بشر صورة المزيون بي مرجهنه=قلبي اصبح لها والحب فيها غبني
ما بقى غير ادن القاف والقول ادنه=يوم هجرانها من فوق ظهري يدني
اركز عيونها من فوق روس الاسنه=لجل اكوي بها من عاش دوم متهني
لا ذكرت العذاب اقول ما فيه جنه=وان ذكرت النعيم اقول يا الله عني

المصدر: الملتقى الجماهيري للشاعر محمد بن فطيس المري

الله درك ي ناصر صح الله لسانك دائماً وأبدا
ولا اخفي عليك انك خوفتنا بختباراتك عسى
ربي يطول عمرك اخي ناصر الشريف بدون
مجامله أنا من متابعين قصائدك وما تنشر
وسجلني من جمهورك الله يحفظك
تقبل تحيات اخوك سعيد ولاهنت

لا ذكـرت الـعـذاب اقــول مــا فـيـه جـنـه
وان ذكـرت النعيـم اقــول يــا الله عـنـي

الله يعينآ لرضآه جميعآ...
صح لسآنك أخوي نآصر...

صــــــــــــــــــــــــــــــــــــــــ لســــــــــانكــــــــــــــــــــ ح

هذا كل ما املكه اخي العزيز